ఐట‌మ్ గాళ్ అంటే అంగీక‌రించ‌ని అన‌సూయ‌

కార్తికేయ న‌టించిన `చావు క‌బురు చ‌ల్ల‌గా` త్వ‌ర‌లో రిలీజ్ కి వ‌స్తున్న సంగ‌తి తెలిసిందే. ఇటీవ‌లే ఈ మూవీ నుంచి ఓ స్పెష‌ల్ ఐటెమ్ నంబ‌ర్ రిలీజై యూట్యూబ్ ని షేక్ చేసింది. దానికి కార‌ణం ఆ పాట‌లో న‌ర్తించిన అన‌సూయ అంద‌చందాలు అభిన‌యం అన‌డంలో ఎలాంటి సందేహం లేదు. అన‌సూయ‌- కార్తికేయ జంటపై `పైన ప‌టారం..` సాంగ్ ఒక్క‌సారిగా వేడి పెంచింది.

అయితే ఇలా ఐటమ్ నంబ‌ర్ లో డ్యాన్సులు చేశారేమిటి? అన్న ప్ర‌శ్న ఓ అభిమాని నుంచి ఎదురైంది. అయితే ఆ పాట‌ను ఐటమ్ నంబ‌ర్ అనేందుకు అన‌సూయ ఎంత‌మాత్రం అంగీక‌రించ‌లేదు స‌రిక‌దా.. అది స్పెష‌లో సాంగ్ అంటూ చెప్పుకొచ్చారు. నిజానికి ప్రత్యేక పాటల్లో క‌నిపించ‌న‌ని ఎప్పుడూ అన‌లేదు. అయితే వాటిని `ఐటమ్ సాంగ్స్` అని పిలవడానికి తీవ్ర అభ్యంతరం వ్య‌క్తం చేసారు. ఐటెమ్ గర్ల్ ‌గా గుర్తింపు పొందడం త‌న‌కు ఎంత‌మాత్రం ఇష్టం లేదని దానిని బ‌ట్టి అర్థ‌మైంది.  

``అది ఐటెమ్ సాంగ్ కాదు అస‌లు.. ఐటెమ్ సాంగ్ అనేది ఏదీ లేద‌మ్మా.. ఒక పాట‌కి ఉన్న కాస్ట్ కాకుండా స్పెష‌ల్ గా ఎవ‌ర‌న్నా కావాలి అనుకున్న‌ప్పుడు `స్పెష‌ల్` సాంగ్ అనాలి! అంటూ తెలివిగా క్లాస్ తీస్కున్నారు అన‌సూయ‌. ఒక‌ప్పుడు అమ్మాయిని వ‌స్తువులా ట్రీట్ చేసేవాళ్లు.. అప్పుడు ఇచ్చిన పేరు అది. ఆ లిరిక్ వ్యాల్యు వ‌ల్ల‌నే ఈ స్పెష‌ల్ సాంగ్ కి ఒప్పుకున్నాను! అని కూడా అన‌సూయ అన్నారు.

అయితే అన‌సూయ ఎంతగా స‌ర్ధి చెబుదామ‌న్నా.. ఆ లిరిక్ లో ఉప‌యోగించిన ఘాటైన ప‌ద‌జాలం.. కొరియోగ్ర‌ఫీ విధానం.. ఎక్స్ ప్రెష‌న్స్ ఇవ‌న్నీ ఐటెమ్ నంబ‌ర్ కి ఏమాత్రం త‌గ్గ‌లేద‌ని అభిప్రాయ‌ప‌డుతున్నారు.