అందాల భామల రాక్షసి అవతారాలు

హీరోయిన్లు అంటే అందాల భామలు. అభిమానులను మెప్పించడమంటే అందాలను ఆరబోయడమే అనే రోజులు వెళ్లిపోతున్నాయి. ఇప్పుడీ సుందరాంగులు దెయ్యం పాత్రలతో భయపెట్టేస్తున్నారు కూడా. హారర్ కామెడీ జోనర్ మొదలయ్యాక ప్రతీ హీరోయిన్ దెయ్యం పాత్రలకు మొగ్గు చూపుతోంది.

మిల్కీ బ్యూటీ తమన్నా 'అభినేత్రి'ద్వారా దెయ్యంగా మారిపోతోంది. చెన్నై బ్యూటీ త్రిష ఇప్పటికే 'కళావతి'లోను, త్వరలో విడుదల కానున్న 'నాయకి'లోను దెయ్యంగానే కనిపిస్తోంది. నయనతార అయితే 'మయూరి' చిత్రంలో తెగ భయపెట్టేసింది. ఈమె దెయ్యం కాకపోయినా.. భయం మాత్రం బాగానే పెట్టింది. హన్సిక ఇప్పటికే చంద్రకళ - కళావతి చిత్రాల్లో దెయ్యంగా కనిపించింది. శివగంగలో రాయ్ లక్ష్మీ కూడా ఇదే ప్రయత్నం చేసింది. గంగలో తాప్సీ చేసిన దెయ్యం హంగామా సినీ లవర్స్ ఎవరూ మర్చిపోలేరు.

గీతాంజలిలో అంజలి దెయ్యంగా కనిపించగా, త్వరలో చిత్రాంగదలోనూ ఇదే కేరక్టర్ వేయనుంది. అల్లరి పిల్లలా ఉండే స్వాతి త్రిపురలో  భయపెట్టేసింది. నందిత ప్రేమకథా చిత్రంతో భయపెడుతూనే నవ్వించేసింది. ఓ తమిళ  సినిమాలో రెజీనా కూడా ఇదే ప్రయత్నం చేస్తోంది. మొత్తానికి అందాల రాక్షసి భామలంతా దెయ్యాలుగా మారిపోతున్నారు.