అవును.. అతను మెగాఫోన్ పడుతున్నాడు

ప్రస్తుతం టాలీవుడ్లో రైటర్ టర్న్డ్ డైరెక్టర్లకు మాంచి డిమాండ్ ఉంది. త్రివిక్రమ్ దగ్గర్నుంచి కొరటాల శివ వరకు గత పుష్కర కాలంలో ఎంతోమంది రచయితలు దర్శకులుగా మారారు. మంచి స్థాయిని అందుకున్నారు. ఏటా ఐదారుగు రచయితలైనా మెగా ఫోన్ పడుతున్నారు. ఈ జాబితాలోకి కొత్తగా చేరబోతున్న పేరు.. హర్షవర్ధన్. ముందు నటుడిగా మంచి పేరు సంపాదించిన హర్షవర్ధన్.. ఇష్క్ - మనం - గుండెజారి గల్లంతయ్యిందే లాంటి సినిమాలతో రచయితగాతనూ గుర్తింపు తెచ్చుకున్నాడు. అతను దర్శకుడిగా మారే అవకాశాలున్నట్లు రెండేళ్లుగా ప్రచారం జరుగుతోంది.

హర్షకు సన్నిహితుడైన నితినే అతడి తొలి సినిమా హీరో కావచ్చన్నారు కానీ.. నితిన్ అందుబాటులోకి రాలేదు. ఐతే రెగ్యులర్ కమర్షియల్ సినిమా చేయాలని కూడా హర్షవర్ధన్ అనుకోవట్లేదు. అతనో వైవిధ్యమైన రొమాంటిక్ థ్రిల్లర్ మూవీ చేయడానికి సన్నాహాలు చేస్తున్నాడు. ఈ చిత్రానికి హీరో ఎవరన్నది ఇంకా ఖరారవ్వలేదు. హీరోయిన్‌గా మాత్రం యాంకర్ శ్రీముఖి సెలక్టయినట్లు సమాచారం. ముందు చిన్నా చితకా పాత్రలు చేస్తూ వచ్చిన శ్రీముఖికి ఈ మధ్య మంచి అవకాశాలే లభిస్తున్నాయి. అవసరాల శ్రీనివాస్ సినిమా ‘బాబు బాగా బిజీ’లో ఆమె వన్ ఆఫ్ ద హీరోయిన్స్. ఇప్పుడు హర్షవర్ధన్ సినిమాలో లీడ్ హీరోయిన్ రోలే చేస్తోందట. మరి రచయితగా మెప్పించిన హర్షవర్ధన్.. దర్శకుడిగా ఎలాంటి ముద్ర వేస్తాడో చూడాలి.

Like Us on Facebook : https://www.facebook.com/Tupakidotcom/