బాలీవుడ్ మీద మండిపడ్డ సీనియర్ హీరో

ఒకప్పుడు బాలీవుడ్లో ఒక వెలుగు వెలిగాడు గోవిందా. బాలీవుడ్ బెస్ట్ డ్యాన్సర్లలో ఒకడిగా.. కామెడీ కూడా చాలా బాగా చేస్తాడని అతడికి మంచి పేరుండేది. ఐతే తర్వాత తర్వాత వరుస ఫ్లాపులతో ఫేడవుట్ అయిపోయాడు. మధ్యలో రాజకీయాల్లో అరంగేట్రం చేసి ఎంపీగా కూడా గెలిచాడు. ఐతే రాజకీయాల్లో దెబ్బ తిన్నాక ఇప్పుడు మళ్లీ ఆయన సినిమాల్లోకి పునరాగమనం చేశాడు. ప్రస్తుతం స్వీయ దర్శకత్వంలో తనే హీరోగా ‘ఆగయా హీరో’ అనే సినిమా చేశాడు గోవిందా. ఇంతకుముందు గోవిందా ‘హీరో నెం.1’ అనే సినిమా చేసిన సంగతి తెలిసిందే. దానికి ఇది సీక్వెల్ తరహా సినిమా అన్నమాట. ఐతే ఈ సినిమా తీసే క్రమంలో తాను చాలా కష్టాలు పడ్డానని.. తనకు ఇండస్ట్రీ నుంచి ఎవ్వరూ సహకరించట్లేదని అంటున్నాడు గోవిందా. బాలీవుడ్లో గ్రూపులు ఎక్కువైపోయాయంటూ అతను మండిపడ్డాడు.

తాను రీఎంట్రీలో నిలదొక్కుకోకపోవడానికి కారణం బాలీవుడ్లోని క్యాంపు రాజకీయాలే అని.. ఇండస్ట్రీ మొత్తం వర్గాలుగా విడిపోయిందని.. ఆయా గ్రూపులతో టచ్‌ లో ఉన్న వారికే అవకాశాలు వస్తాయని.. లేకుంటే అంతే సంగతులని అసహనం వ్యక్తం చేశాడు గోవిందా. 'ఆగయా హీరో' సినిమా రూపొందించడానికి తాను ఎన్నో కష్టాలు పడాల్సి వచ్చిందని.. తాను క్యాంపుకీ చెందను కాబట్టి.. తన సినిమాకు పనిచేయడానికి పెద్ద పెద్ద టెక్నీషియన్లు ఎవరూ ముందుకు రాలేదని ఆరోపించాడు గోవిందా. తన సినిమాకు పని చేయమని కొందరు స్టార్ రైటర్లను అడిగితే.. వాళ్లు డిమాండ్ చేసిన రెమ్యూనరేషన్ చూసి కళ్లు తిరిగాయట గోవిందాకు. దీంతో తనే రచయితగా మారి ఈ సినిమాకు స్క్రిప్టు పూర్తి చేసినట్లు గోవిందా వెల్లడించాడు. ఎన్నో కష్టాలు పడి ఎలాగోలా సినిమాను పూర్తి చేస్తే విడుదలకు ఎవరూ సహకరించట్లేదంటున్నాడు గోవిందా. ఈ నెల 17న తన సినిమాను రిలీజ్ చేయబోతున్నానని.. ఇండస్ట్రీ వాళ్లు ఎలా ఉన్నప్పటికీ ప్రేక్షకులు ఈ చిత్రాన్ని ఆదరించాలని గోవిందా కోరాడు.

Like Us on Facebook : https://www.facebook.com/Tupakidotcom/