దిమ్మ తిరిగే మాస్ సాంగ్ లో రచ్చ
శ్రీమంతుడికి ఇప్పటికే ఉన్న క్రేజ్ అంతా ఇంతా కాదు. మఖ్యంగా పాటలయితే... కేకలు పెట్టించేస్తున్నాయి ఫ్యాన్స్‌ తో. ఫాస్ట్ బీట్ లే కాదు.. మెలోడీలు కూడా జనాల్లోకి బాగానే వెళ్లిపోయాయి. శ్రీమంతుడి టీం మొత్తం టీవీ ఛానళ్లన్నీ చుట్టేస్తూ, అడిగినోళ్లకంతా ఇంటర్వ్యూ లు ఇచ్చేస్తూ... హైప్ పెంచేస్తున్నారు. సినిమాలో సంగతులేవీ చెప్పకుండానే... మూవీ ని, మహేష్ బాబుని ఆకాశానికి ఎత్తేస్తున్నారు. ఇప్పటికే అంచనాలు ఆకాశానికి చేరిన టైంలో... కరెక్ట్‌ గా ఓ మాస్ సాంగ్ ని వదిలారు జనాలపైకి.
అసలే మహేష్.. అందులోనూ ఆ బీట్ మాస్... పక్కనే శృతి టెంప్టింగ్ డ్యాన్స్.. ఇక ఈ మూడింటి కాంబినేషన్ ఎలా ఉంటుంది? ఒక్క మాటలో చెప్పాలంటే అదిరిపోతోంది. ఇప్పటివరకూ ఏ మూవీలోనూ కనిపించని రేంజ్‌ లో ఆకట్టుకునే సెట్ డిజైన్స్. కలర్ కాంబినేషన్స్... వహ్వా దటీజ్ ప్రిన్స్ మహేష్ అనిపించేలా ఉన్నాయి. ఇక పిక్చరైజేషన్ అయితే.. మహేష్ మళ్లీ ఇరక్కొట్టేయడం ఖాయమనిపిస్తోంది. రెండు మూవీలు నిరుత్సాహపరిచాయామో... మహేష్ కూడా మాంచి కసితో వేశాడు స్టెప్స్.
దిమ్మతిరిగే... అంటూ సాగే ఈ పాట శ్రీమంతుడిపై అంచనాలను మరో పది మెట్లు ఎక్కించేంసింది. వారం ముందే అడ్వాన్స్ బుకింగ్స్ ఓపెన్ చేయడంతో... ఒకటి అరా టికెట్స్ మినహా థియేటర్స్ అన్నీ ఫుల్ అయిపోతున్నాయి. ఇప్పుడు మాస్ కి మాంచి కిక్ ఇచ్చే సాంగ్ వదలడంతో... క్రేజ్ మరింతగా పెరిగిపోనుంది. చూస్తుంటే... బయటకు చెప్పకపోయినా... వంద కోట్ల మీదే కన్నేసినట్లున్నాడు మహేష్. అంతేలెండి శ్రీమంతుడి ఖాతాలో వంద కోట్లయినా ఉండకపోతే ఎలా ?