బాటిల్ మూత 7 న ఓపెనంటున్న 'దేవదాస్'

ఆక్కినేని నాగార్జున - నాని ల మల్టి-స్టారర్ సినిమా 'దేవదాస్' అనౌన్స్ మెంట్ సమయం నుండే ప్రేక్షకుల్లో ఆసక్తిని రేకెత్తించింది. కొద్ది రోజుల క్రితం 'దేవదాస్'  టైటిల్ పోస్టర్ అందులో ఒక పిస్టల్ - స్టెతస్కోప్ ను హీరోల ప్రొఫెషన్లకు సింబాలిక్ గా చూపించారు. ఈ సినిమాలో నాగ్ ఓ డాన్ పాత్రలోనూ - నాని ఒక డాక్టర్ గానూ కన్పిస్తారనే విషయం తెలిసిందే.   తాజాగా ఫ్రెండ్ షిప్ డే సందర్భంగా మరో పోస్టర్ ను రిలీజ్ చేశారు.

ఓ చెక్క స్టూలుపై కాస్ట్ లీ మందు బాటిల్ పెట్టారు.  ఇది ఆగష్టు 7 తారీఖు సాయంత్రం 4 గంటలకు ఓపెన్ అవుతుందని చెప్పారు.  కింగ్ నాగార్జున - న్యాచురల్ స్టార్ నాని ల 'దేవదాస్' అని కుడి వైపు టైటిల్ ఉంది.  అంటే 'దేవదాస్' టీజర్ 7 వ తేదీ సాయంతం రిలీజ్ అవుతుందని చెప్పినట్టే.  దీంతో పాటుగా హ్యాపీ ఫ్రెండ్ షిప్ డే అని ఫ్రెండ్ షిప్ డే శుభాకాంక్షలు తెలిపారు.  మొత్తానికి 'దేవదాస్' టీమ్ తమ క్రియేటివిటీని ఓ మంచి మందు బాటిల్ ను చూపించి చెప్పడం విశేషం.

శ్రీరామ్ ఆదిత్య దర్శకత్వంలో తెరకెక్కుతున్న ఈ క్రేజీ మల్టిస్టారర్ సినిమాలో ఆకాంక్ష సింగ్ - రష్మిక మందన్న హీరోయిన్లు గా నటిస్తున్నారు. మణిశర్మ సంగీతం అందిస్తున్నాడు. వైజయంతి మోవీస్ బ్యానర్ పై అశ్విని దత్ ఈ సినిమాను నిర్మిస్తున్నాడు. సెప్టెంబర్ లో ఈ సినిమాను రిలీజ్ చేసేందుకు ప్లాన్ చేస్తున్నారు.