విమానాశ్రయంలో సల్మాన్ ఖాన్ నే ఆపేసిన యువ అధికారి?

దేశంలో సినీ, రాజకీయ ప్రముఖులకు రాచమర్యాదలు అందుతుంటాయి. వారు ఎక్కడికెళ్లినా ఫొటోలు, ఆటోగ్రాఫ్ లు, సెల్ఫీల కోసం అందరూ ఎగబడుతుంటారు. ముఖ్యంగా సినీ హీరోలు వస్తే వారికి పెద్దపీట వేస్తారు. ఎక్కడైనా రెడ్ కార్పేట్ వేస్తారు. విధుల్లో ఉన్న అధికారులు కూడా ఇందుకు అతీతులు కారు..

నటీనటులు కనిపిస్తే విధులు పక్కనపెట్టి సెల్ఫీలు తీసుకున్న అధికారులు ఎందరో ఉన్నారు. మొన్నటికి మొన్న జూనియర్ ఎన్టీఆర్ ఓ రిజిస్ట్రేషన్ కోసం తహసీల్దార్ ఆఫీస్ వెళితే తహసీల్దార్ సహా అందరూ ఆయనతొ ఫొటోలు దిగడానికి ఎగబడ్డారు. సీనీ నటులను దేశంలో అంతలా ఆరాధిస్తారు.

అయితే బాలీవుడ్ స్టార్ హీరో సల్మాన్ ఖాన్ కు ముంబై విమానాశ్రయంలో షాక్ తగిలింది. సెక్యూరిటీ చెక్ ను పట్టించుకోకుండా వెళుతున్న సల్మాన్ ఖాన్ ఏకంగా ఒక యువ సీఐఎస్ఎఫ్ అధికారి ఆపేశాడు. తొలుత వాటిని పూర్తి చేయమని కోరారు. ఇందుకు సంబంధించిన వీడియో సోషల్ మీడియాలో చక్కర్లు కొడుతోంది.

తాజాగా సల్మాన్ ఖాన్ ‘టైగర్3’ సినిమా షూటింగ్ కోసం రష్యా వెళ్లేందుకు ముంబై విమానాశ్రయానికి వచ్చాడు. ఎయిర్ పోర్టులోకి ప్రవేశించడానికి ముందు తప్పనిసరిగా సెక్యూరిటీ చెక్ చేయించుకోవాల్సి ఉంటుంది. సల్మాన్ అదేమీ పట్టించుకోకుండా లోపలికి వెళ్లేందుకు ప్రయత్నించారు. అప్పుడు సల్మాన్ ఊహించని షాక్ తగిలింది.

ఎంట్రన్స్ వద్ద ఉన్న యువ సీఐఎస్ఎఫ్ అధికారి సల్మాన్ ను లోపలికి వెళ్లకుండా అడ్డుకొని తొలుత సెక్యూరిటీ చెక్ పూర్తి చేయాలని కోరారు. అదే సమయంలో సల్మాన్ ఫొటోలను తీస్తున్న ఫొటోగ్రాఫర్లను సైతం వెనక్కి వెళ్లాల్సిందిగా ఆ అధికారి కోరడం సోషల్ మీడియాలో వైరల్ అవుతోంది.

సెలబ్రెటీ ఫొటో గ్రాఫర్ వైరల్ బయానీ ఈ వీడియోను పోస్ట్ చేయడంతో వైరల్ గా మారింది. 

Viral Video: Salman Khan Stopped at Mumbai Airport enroute Russia by a Young CISF Officer; Asked to Stand in line and Complete Security Check like a Common Man pic.twitter.com/uEeuRjp5yA

— Megh Updates