ఇంతకీ ఎన్టీఆర్ సర్ప్రైజ్ ఉన్నట్టా.. లేనట్టా..??

టాలీవుడ్ స్టార్స్ యంగ్ టైగర్ ఎన్టీఆర్‌ - మెగాహీరో రామ్‌చరణ్‌ ప్రధానపాత్రలలో తెరకెక్కుతున్న భారీ చిత్రం ఆర్ఆర్ఆర్. పాన్ ఇండియా మూవీగా రూపొందుతున్న ఈ మల్టీస్టారర్ మూవీని ఎంతో ప్రతిష్టాత్మకంగా దర్శకుడు రాజమౌళి తెరకెక్కిస్తున్నాడు. ప్రస్తుతం షూటింగ్ చివరిదశలో ఉన్నటువంటి ఈ సినిమా విడుదల గురించి దేశవ్యాప్తంగా సినీ ప్రేక్షకులు భారీ అంచనాలతో వెయిట్ చేస్తున్నారు. పీరియాడిక్ ఫిక్షన్ డ్రామాగా, బ్రిటిష్‌ కాలంలో జరిగిన సంఘటనల నేపథ్యంతో ఆర్ఆర్ఆర్ సినిమా రూపొందిస్తున్నారు మేకర్స్. ఈ సినిమాలో ఎన్టీఆర్‌ నెవర్ బిఫోర్ లుక్కులో కనిపిస్తాడని టాక్.

ఆల్రెడీ క్లైమాక్స్ దశలో ఉంది కాబట్టి ఈ సినిమా మరో షెడ్యూల్ తో కంప్లీట్ అవుతుందట. గతేడాది రిలీజ్ చేసిన 'రామరాజు ఫర్ భీమ్' ప్రోమో చూస్తేనే ఎన్టీఆర్ ఏ రేంజిలో దర్శనం ఇవ్వనున్నాడో అర్ధమవుతుంది. ఈ సినిమాలోని పలు సన్నివేశాల్లో ఎన్టీఆర్‌ మాములుగా, మరికొన్ని సన్నివేశాల్లో కండలు తిరిగిన దేహంతో కనిపించనున్నట్లు తెలుస్తుంది. కొమరం భీమ్ పాత్రకోసం ఎన్టీఆర్ బాడీని బాగానే మేకోవర్‌ చేసాడు. అయితే ఇటీవలే రాంచరణ్ బర్త్ డే రోజు ఓ స్పెషల్ పోస్టర్ రిలీజ్ చేశారు ఆర్ఆర్ఆర్ మేకర్స్. అలాగే ఇప్పుడు ఎన్టీఆర్ బర్త్ డే సందర్బంగా కూడా ఓ పోస్టర్ ఎక్సపెక్ట్ చేస్తున్నారు ఫ్యాన్స్.

అసలే కొమరం భీమ్ పాత్రలో ఎన్టీఆర్ అనేసరికి నందమూరి అభిమానులలో ఉత్సాహం మాములుగా లేదు. సినిమాలో వీరంగం సృష్టిస్తాడని చెబుతున్నారు. అయితే ప్రస్తుతం ఎన్టీఆర్ పుట్టినరోజు సందర్బంగా ఆర్ఆర్ఆర్ బృందం ఏదైనా సర్ప్రైజ్ ఇస్తుందా లేదా అనేది ఇంతవరకు తెలియలేదు. అలాగే రాజమౌళి బృందం కూడా ఇప్పటివరకు ఎలాంటి హింట్ ఇవ్వలేదు. మరి ఇంతకీ బర్త్ డే గిఫ్ట్ ఉన్నట్టా లేనట్టా అంటే అది తెలియక ఫ్యాన్స్ కంగారు పడుతున్నారు. మరి ఒకవేళ ఉంటే ఉందని.. లేకపోతే లేదని చెబితే మా ఏర్పాట్లలో మేముంటాం అంటూ ఫ్యాన్స్ టాక్. మరి జక్కన్న ఆల్రెడీ ఎన్టీఆర్ సర్ప్రైజ్ రెడీ చేసే ఉంటాడని ఇండస్ట్రీలో వార్తలు వినిపిస్తున్నాయి. ఏదైనా రేపటి వరకు వెయిట్ చేయాల్సిందే.