ఇంస్టాలో హల్చల్ చేస్తున్న బిగ్ బాస్ బ్యూటీ ఎమోషనల్ వీడియో..!

టాలీవుడ్ ఇండస్ట్రీలో బిగ్ బాస్ రియాలిటీ షో ద్వారా పాపులర్ అయిన యూట్యూబ్ స్టార్స్ చాలామంది ఉన్నారు. అలాంటి వారిలో ఒకరు దీప్తి సునైనా. డబ్ స్మాష్ వీడియోస్ ద్వారా కెరీర్ ప్రారంభించి ఆ తర్వాత యూట్యూబ్ మ్యూజిక్ వీడియోస్ - కవర్ సాంగ్స్ లో డాన్స్ చేసి మంచి పాపులారిటీ దక్కించుకుంది. ఆ విధంగా పాపులర్ అయినటువంటి దీప్తి ఒక్కసారిగా బిగ్ బాస్ రియాలిటీ షో సెకండ్ సీజన్ లో కంటెస్టెంట్ గా పాల్గొని మంచి ఫేమ్ సంపాదించుకుంది. నిజానికి బిగ్ బాస్ హౌస్ లోకి వచ్చేవారంతా ఏదోక ఎంటర్టైన్మెంట్ ఫీల్డ్ లో పాపులర్ అయినవారే ఉంటారు. అయితే దీప్తి కెరీర్ బిగ్ బాస్ కు ముందు బిగ్ బాస్ తర్వాత అనే చెప్పుకోవాలి.

ఎందుకంటే బిగ్ బాస్ లోకి రాకముందు దీప్తి అంటే కేవలం యూట్యూబ్ యూసర్లకు మాత్రమే తెలుసు. కానీ ఎప్పుడైతే ఆ షోలో పాల్గొందో ఈ వయ్యారికి ఫ్యాన్ ఫాలోయింగ్ అమాంతం పెరిగిపోయింది. ప్రస్తుతం వెబ్ సిరీసులు - మ్యూజిక్ వీడియోస్ - అప్పుడప్పుడు సినిమాలు చేస్తూ మెరుస్తోంది. అయితే అందులో ఎక్కువగా దీప్తి మ్యూజిక్ వీడియో చేస్తూ ప్రేక్షకులకు దగ్గరవుతుంది. హైదరాబాద్ కు చెందిన ఈ ఇరవై రెండేళ్ల వయ్యారి ఎల్లప్పుడూ సోషల్ మీడియాలో యాక్టీవ్ గా ఉంటోంది. ఖాళీ సమయం దొరికితే ఎప్పటికప్పుడు ఇంస్టాగ్రామ్ రీల్స్ ద్వారా సందడి చేస్తోంది. ప్రస్తుతం దీప్తి వీడియోస్ సోషల్ మీడియాలో తెగవైరల్ అవుతున్నాయి.

తాజాగా దీప్తి నటించిన ఓ ప్రైవేట్ సాంగ్ ప్రస్తుతం ట్రెండింగ్ లో ఉంది. ఎమోషనల్ లవ్ బ్రేకప్ నేపథ్యంలో రూపొందించిన ఆ మ్యూజిక్ వీడియోకు ఫ్యాన్స్ కుర్రకారు నుండి అదిరిపోయే రెస్పాన్స్ లభిస్తుంది. తాజాగా దీప్తి చేసిన ఆ తట్టుకోలేదే సాంగ్ రీల్ వీడియో హల్చల్ చేస్తోంది. అయితే ఆ వీడియోలో దీప్తి ఎమోషనల్ యాక్టింగ్ చూస్తే ఖచ్చితంగా ఎవరైనా ఫిదా అవుతారు. ప్రస్తుతం సోషల్ మీడియా వరకే పరిమితం అయింది. కానీ దీప్తికి ఒకసారి సిల్వర్ స్క్రీన్ మీద హీరోయిన్ గా కనిపించే అవకాశం వస్తే మాత్రం ఖచ్చితంగా అందమైన యాక్టింగ్ తో అందరికి బాగా కనెక్ట్ అవుతుందని సోషల్ మీడియాలో నేటిజన్లు కామెంట్స్ చేస్తున్నారు. ఇదివరకు దీప్తి కిరాక్ పార్టీ అనే సినిమాలో మెరిసింది. చూడాలి మరి త్వరలో ఏదైనా సినిమా లేదా వెబ్ సిరీస్ తో సర్ప్రైజ్ చేస్తుందేమో!