శమంతకమణికి బాలయ్య హామీ

మీడియం రేంజ్ స్టార్లతో శమంతకమణి అనే మల్టీస్టారర్ ను తెరకెక్కించింది ప్రముఖ నిర్మాణ సంస్థ భవ్య క్రియేషన్స్. ఈ శుక్రవారం విడుదల కాబోతున్న ఈ సినిమాకి ట్రైలర్ చూస్తే - కంటెంట్ బాగుంటుందనే అభిప్రాయం జనాల్లో కలిగే అవకాశం ఉన్నప్పటికి, ఇందులో నటించిన నలుగురు హీరోలకి సరైన క్రేజ్ లేదనే చెప్పాలి. అయితే ప్రొడక్షన్ హౌస్ పై డిస్ట్రృబ్యూటర్స్ కి నమ్మకమే ఈ సినిమా బిజినస్ జరిగేలా చేసిందని వార్తలు వస్తున్నాయి. అయితే బిజినెస్ జరిగే టైమ్ లో హీరోలకి అంతగా మార్కెట్ లేదని కొందరు కీలక పంపిణిదారులు ఆందోళన పడ్డారట.

అయితే శమంతకమణి తరువాత భవ్య వారి నుంచి బాలకృష్ణ - పూరీ జగన్నాథ్ కాంబినేషన్ లో పైసా వసూల్ అనే సినిమా రాబోతుంది. ఈ నేపథ్యంలో పైసా వసూల్ చిత్రాన్ని పణంగా పెట్టి శమంతకమణి బిజినెస్ నడిపించారట భవ్య క్రియేషన్స్ యూనిట్ సభ్యులు. అయితే ఇదంతా చాలా రహస్యంగా జరిగింది, కానీ ఎక్కడో ఈ డీల్ గురించి బాలయ్య అభిమానులకి తెలియడంతో, వారంతా ఇప్పడు ఆందోళనలో ఉన్నట్లు తెలిసింది. పొరపాటున శమంతకమణికి నెగిటివ్ టాక్ వచ్చి, ఆశించినంత స్థాయిలో కలెక్షన్స్ రాకపోతే ఆ ప్రభావం బాలయ్య సినిమా పై పడుతుందనే టెన్షన్ లో నందమూరి ఫ్యాన్స్ ఉన్నారని సమాచారం. మరి బాలయ్య ఫ్యాన్స్ ను శమంతకమణి ఏ రీతిన కూల్ చేస్తుందో చూడాలి.