చరణ్ పక్కన నో చెప్పేసిన బ్యూటీ ?

ఆర్ ఆర్ ఆర్ అప్ డేట్స్ లో అన్నింటి కన్నా అభిమానులు ఎక్కువగా ఎదురు చూస్తున్న అంశం హీరొయిన్ల సెలక్షన్. ఇప్పటికీ రాజమౌళి వాటిని ఒక కొలిక్కి తీసుకురాలేదు. చరణ్ సరసన ఎవరు తారక్ జోడి ఏది ఇలా రెండు ప్రశ్నలతో ఫ్యాన్స్ సతమతమైపోతున్నారు. అయితే గత కొద్ది రోజులుగా చరణ్ సరసన బాలీవుడ్ భామ అలియా భట్ ని నటింపజేసేందుకు రాజమౌళి విశ్వప్రయత్నాలు చేస్తున్నాడన్న వార్తలు జాతీయ మీడియాలో సైతం షికారు చేశాయి.

దీని కోసం బాహుబలి హింది నిర్మాత అలియా భట్ గాడ్ ఫాదర్ గా భావించే కరణ్ జోహార్ ద్వారా రాజమౌళి రాయబారం నడిపించాడనే టాక్ వచ్చింది. అయితే లేటెస్ట్ అప్ డేట్ ప్రకారం ఇందులో నటించేందుకు నిస్సహాయత వ్యక్తం చేసినట్టు సమాచారం. మ్యాటర్ రెమ్యునరేషన్ కాదని ఆల్రెడీ చేతిలో ఉన్న కమిట్మెంట్స్ కు ఇంకో సినిమాకు ఒక్క రోజు కాల్ షీట్ ఇచ్చే ఛాన్స్ కూడా లేదని సున్నితంగా చెప్పినట్టు సమచారం

అలియా భట్ నిజంగా ఇదే చెప్పి ఉంటే సహేతుకమైన కారణమే. ఎందుకంటే ఏప్రిల్ 19న విడుదల కానున్న కళంక్ కోసం భారీ స్థాయిలో ప్రమోషన్స్ లో అలియా పాల్గొనాల్సి ఉంది. ఆ తర్వాత నాన్న మహేష్ భట్ తీసే సడక్ 2 షూటింగ్ ఉంటుంది. అక్కడితో అయిపోలేదు. మరో మల్టీ స్టారర్ తక్త్ డేట్స్ పెండింగ్ లో ఉంటాయి.

ఇవి కాకుండా అశ్వని అయ్యర్ ప్రాజెక్ట్ కూడా చర్చల్లో ఉంది. ఇంత టైట్ షెడ్యూల్ లో అలియా ఆర్ ఆర్ ఆర్ కు బల్క్ డేట్స్ ఇవ్వడం జరగని పని. అందుకే చరణ్ పక్కన చేసే ఛాన్స్ వచ్చినా నో చెప్పడం తప్ప అలియా భట్ కు ఇంకో ఆప్షన్ దొరకలేదని బాలీవుడ్ టాక్. సో జక్కన్న మళ్ళి వేట మొదలెట్టాల్సిందే