మోనాల్‌ మనసులో ఉన్న 'A' నేనే

బిగ్‌ బాస్‌ ఈ సీజన్‌ లో ప్రత్యేక ఆకర్షణగా నిలిచిన మోనాల్‌ ప్రతి రోజు ఎపిసోడ్‌ లో ఏదో ఒక సందర్బంగా లేదంటే ఎవరి చర్చ సందర్బంగానో ప్రస్థావనకు వస్తూనే ఉంది. మోనాల్‌ ను బిగ్‌ బాస్‌ కాపాడుతూ వస్తున్నాడు అంటూ విమర్శలు వస్తున్నాయి. అయినా కూడా ఆమె ను మాత్రం బిగ్‌ బాస్‌ వారం వారం సేవ్‌ చేస్తూ వస్తున్నాడు. మోనాల్‌ ఇప్పటి వరకు రావడంకు ఖచ్చితంగా కారణం ఆమె అఖిల్‌ మరియు అభిజిత్‌ ల మద్య ఇష్యూను రాజేయడం కారణం అనడంలో ఎలాంటి సందేహం లేదు. ప్రస్తుతం కూడా ఆమె వల్ల బిగ్‌ బాస్‌ కు ఫుటేజ్‌ వస్తుంది.

తాజాగా మరోసారి అభిజిత్‌ సుదీర్ఘంగా మోనాల్‌ విషయమై హారికతో మాట్లాడాడు. కన్ఫెషన్‌ రూంలో తనకు నాగార్జున క్లాస్‌ పీకడంపై హారిక అభిజిత్‌ తో చెప్పడం జరిగింది. దాంతో మోనాల్‌ విషయమై క్లారిటీగా హారికతో అభిజిత్‌ చెప్పడం జరిగింది. మోనాల్‌ తనను ఇష్టపడుతుంది. ఆమె మనసులో ఉన్న 'ఎ' నేనే. పలు సందర్బాల్లో నేను అంటే ఇష్టం అంటూ ఆమె స్వయంగా చెప్పింది. ఆమె మనసులో ఉన్న ఏ విషయమై ఆమె పలు సందర్బాల్లో చెప్పుకొచ్చింది. అది నేను ఎప్పుడు ఎవరి ముందు చెప్పలేదు. మొదటి సారి నేను నీకు మాత్రమే చెబుతున్నాను అన్నాడు.

మోనాల్‌ విషయంలో నేను కాస్త దూరంగా ఉండటం వల్లే ఆమె నన్ను నామినేట్‌ చేసిందని అభిజిత్‌ అన్నాడు. ఆ సమయంలో ఇంగ్లీష్‌ లో మాట్లాడుతుండగా హారిక తెలుగులో మాట్లాడు అంది. దాంతో అభిజిత్‌ కు కోపం వచ్చింది. సీరియస్‌ గా నేను మాట్లాడుతుంటే తెలుగులో మాట్లాడమంటావా అన్నాడు. నాలా మాట్లాడాలంటే నీకు ఇంకా అయిదు సంవత్సరాలు పడుతుంది అంటూ తన అటిట్యూడ్‌ ను చూపించే ప్రయత్నం చేశాడు. మొత్తానికి ఈ వీకెండ్‌ లో మళ్లీ నాగార్జునతో అభిజిత్‌ తిట్లు తిట్టించుకోవడం ఖాయంగా అనిపిస్తుంది.