సలార్ వస్తున్నా.. యానిమల్ స్పీడ్ తగ్గట్లే..

2023 చివరి నెలలో సినిమాలు అదరగొడుతున్నాయి. క్రిస్మస్, న్యూ ఇయర్​ ఇలా వరుస పండుగల నేపథ్యంలో రిలీజ్​కు క్రేజీ సినిమాలు రెడీ అయ్యాయి. మరికొన్ని రోజుల్లో వరుసగా థియేటర్లలోకి రానున్నాయి. ఇప్పటికే రిలీజైన సినిమాలు సూపర్ హిట్ అయ్యి.. బాక్సాఫీస్ వద్ద కాసుల వర్షం కురిపిస్తున్నాయి. ఈ నేపథ్యంలో ఫేమస్ ఆన్​లైన్​ టికెట్ బుకింగ్స్ ప్లాట్​ఫామ్​ బుక్​ మై షో.. ఇంట్రెస్టింగ్ స్టాట్స్​ను విడుదల చేసింది. గత 24 గంటల్లో ఏఏ సినిమాకు ఎన్ని టికెట్లు ఆన్​లైన్​లో బుక్​ అయ్యాయి అనే వివరాల్లోకి వెళితే..

అందులో ఇటీవలే బాక్సాఫీస్ వద్ద బ్లాక్​ బస్టర్ హిట్ సాధించిన యానిమల్ మూవీ​ ఫస్ట్ ప్లాస్​లో ఉంది. బాలీవుడ్ స్టార్ హీరో రణ్​బీర్ కపూర్ హీరోగా సందీప్ రెడ్డి వంగా తెరకెక్కించిన ఈ సినిమా డిసెంబర్ 1వ తేదీన విడుదలైంది. అయితే మూవీ రిలీజ్​ అయ్యి 16రోజులు అవుతున్నా క్రేజ్​ ఏ మాత్రం తగ్గలేదు. నిన్న ఒక్క రోజే కేవలం బుక్​ మై షోలోనే ఈ సినిమా కోసం 21వేలకుపైగా టికెట్లను బుక్​ చేసుకున్నారు ఆడియెన్స్.

బాలీవుడ్‌లో వరుసగా దేశభక్తి సినిమాలు చేస్తున్న హీరో విక్కీ కౌశల్ నటించిన లేటెస్ట్ మూవీ సామ్ బహదూర్. డిసెంబర్ 1న థియేటర్లలో రిలీజైన ఈ సినిమా యానిమల్​తో పోటీ పడుతూ కూడా మంచి వసూళ్లే సాధించింది. గత 24 గంటల్లో 10వేలకు పైగా ఈ సినిమా టికెట్లను సినీప్రియుల బుక్​మై షోలో కొనుగోలు చేశారు. మూడో స్థానంలో నేచురల్​ స్టార్ నాని ఇటీవలే నటించిన హాయ్ నాని చిత్రం నిలిచింది. ఈ సినిమా రిలీజైన పదో రోజు.. 91వేల టికెట్లను బుక్​ చేసుకున్నారు ఆడియెన్స్. కమర్షియల్ హిట్​ అయిన సినిమాతో దర్శకుడు శౌర్యువ్ మంచి మార్కులు కొట్టేశారు.

తొలి మూడు స్థానాల్లో ఇప్పటికే రిలీజైన సినిమాలు ఉండగా.. తర్వాత రెండు ప్లేస్​ల్లో రిలీజ్​ కాబోయే సినిమాలు దుమ్మురేపాయి. నాలుగు, ఐదు స్థానాల్లో పాన్ ఇండియా స్టార్ ప్రభాస్ సలార్​, బాలీవుడ్ బాద్​షా షారుక్​ ఖాన్​ డంకీ నిలిచాయి. దేశంలో ఇటీవలే ఈ చిత్రాలకు సంబంధించిన అడ్వాన్స్ బుకింగ్స్ మొదలయ్యాయి. బాక్సాఫీస్​ వద్ద ఒక్కరోజు తేడాలో రిలీజ్​ కానున్న ఈ రెండు సినిమాలు ప్రీ బుకింగ్స్​ జోరుగా సాగుతున్నాయి.

గత 24 గంటల్లో 38వేల సలార్ పార్ట్​-1 టికెట్స్ సేల్​ అవ్వగా.. 28వేలకు పైగా డంకీ సినిమా టికెట్లు అమ్ముడయ్యాయి. డిసెంబర్​ 21వ తేదీన డంకీ, 22వ తేదీన సలార్​ పాన్​ ఇండియా స్థాయిలో రిలీజ్​ కానున్నాయి.

చివరగా.. డిసెంబర్ 15వ విడుదలైన హారర్​ చిత్రం పిండం మిక్స్​డ్ టాక్​తో దూసుకోపోతోంది. తొలిరోజు డీసెంట్​ ఓపెనింగ్స్​ దక్కించుకున్న ఈ మూవీ.. రెండో రోజు ఫర్వాలేదనిపించింది. ఈ సినిమాకు సంబంధించి గత 24 గంటల్లో ఏడు వేల టికెట్లు బుక్కయ్యాయి. అయితే మరికొద్ది రోజుల్లో వరుస పండుగలు ఉన్న నేపథ్యంలో బుక్​ మై షోలో బుకింగ్స్​ దుమ్మురేపనున్నాయి.