పుష్ప త‌ర్వాత మ‌రో మేకోవ‌ర్ కు బ‌న్నీ సిద్ధం?

ఐకాన్ స్టార్ అల్లు అర్జున్, స్టార్ డైరెక్ట‌ర్ లోకేష్ క‌న‌గ‌రాజ్ కాంబినేషన్‌లో తెరకెక్కనున్న AA23పై ఇప్పటినుంచే భారీ చర్చ మొదలైంది. అధికారికంగా షూటింగ్ ప్రారంభం కాకముందే ఈ ప్రాజెక్ట్ చుట్టూ ఏర్పడుతున్న ఆసక్తి చూస్తుంటే, ఇది సాధారణ స్టార్ హీరో సినిమా కాదనే అభిప్రాయం ఇండస్ట్రీ వర్గాల్లో వినిపిస్తోంది. ముఖ్యంగా ఇటీవల జరుగుతున్న ప్రీ ప్రొడక్షన్ కసరత్తులు, పాత్ర రూపకల్పనకు ఇస్తున్న ప్రాధాన్యం ఈ ప్రాజెక్ట్ స్థాయిని సూచిస్తున్నాయి.

లోకేష్ కనగరాజ్ సినిమాల గురించి మాట్లాడితే ముందుగా గుర్తొచ్చేది హీరోల క్యారెక్టర్ డిజైన్. కథకు అనుగుణంగా హీరోని పూర్తిగా కొత్త రూపంలో ప్రజెంట్ చేయడం ఆయన ప్రత్యేకత. గతంలో ఆయన తెరకెక్కించిన సినిమాల్లో ప్రధాన పాత్రల లుక్స్, బాడీ లాంగ్వేజ్, మేనరిజమ్స్ అన్నీ ప్రేక్షకులకు కొత్త అనుభూతిని ఇచ్చాయి. ఇప్పుడ‌దే తరహాలో అల్లు అర్జున్ కోసం కూడా ప్రత్యేకమైన మేకోవర్ సిద్ధమవుతోందన్న చర్చ బలపడుతోంది.

ఇప్పటికే పుష్ప సిరీస్ సినిమాల‌ ద్వారా బన్నీ దేశవ్యాప్తంగా గుర్తింపు పొందారు. ఆ సినిమాలోని రగ్గడ్ లుక్, మ్యానరిజమ్స్ అభిమానులపై బలమైన ముద్ర వేశాయి. అలాంటి సక్సెస్‌ఫుల్ ఇమేజ్ తర్వాత మరోసారి పూర్తిగా భిన్నమైన రూపంలో కనిపించడం అంత సులువు కాదు. కానీ లోకేష్ మాత్రం అదే ఛాలెంజ్‌ను స్వీకరించినట్లు తెలుస్తోంది. అందుకే పాత్ర లుక్ విషయంలో ఎలాంటి రాజీ పడకుండా పలు ఆప్షన్లను పరిశీలిస్తున్నారనే ప్రచారం జరుగుతోంది. దీంతో పుష్పను మించే ట్రాన్స్‌ఫర్మేషన్‌కు బన్నీ సిద్ధమవుతున్నాడా? అనే ప్రశ్న అభిమానుల్లో ఆసక్తిని పెంచుతోంది.

ఇక మరో ఆసక్తికర అంశం లోకేష్ సినిమాటిక్ యూనివర్స్. ఇప్పటికే ఈ యూనివర్స్‌కు స్పెష‌ల్ ఫ్యాన్ బేస్ ఏర్పడింది. AA23 కథకు సంబంధించిన ఎలాంటి వివరాలు బయటకు రాకపోయినా, ఈ సినిమా కూడా అదే యూనివర్స్‌లో భాగమవుతుందా అనే చర్చ సోషల్ మీడియాలో వేగంగా సాగుతోంది. దీనిపై చిత్రబృందం నుంచి ఎలాంటి క్లారిటీ లేకపోయినా, లోకేష్ పేరు వినిపించిన ప్రతిసారి LCU ప్రస్తావన రావడం ఇప్పుడు సహజంగా మారిపోయింది. ఒకవేళ అల్లు అర్జున్ క్యారెక్ట‌ర్ ను ఆ ప్రపంచంలోకి తీసుకువెళితే అది పాన్ ఇండియా స్థాయిలో మరింత పెద్ద సంచలనంగా మారే అవకాశం ఉందని సినీ విశ్లేషకులు భావిస్తున్నారు.

మరోవైపు ఈ ప్రాజెక్ట్‌కు సంబంధించిన హైప్ ఇప్పుడే ప్రారంభమైందనే అభిప్రాయం కూడా వ్యక్తమవుతోంది. సాధారణంగా సినిమా షూటింగ్ ప్రారంభమైన తర్వాతే దానికి సంబంధించి ప్ర‌మోష‌న్స్ మొద‌ల‌వుతాయి. కానీ AA23 విషయంలో మాత్రం క్యారెక్ట‌ర్ డిజైన్, లుక్ ఫైనలైజేషన్ వంటి అంశాలే చర్చనీయాంశాలుగా మారాయి. రాబోయే రోజుల్లో ఫస్ట్ లుక్, టైటిల్ అనౌన్స్‌మెంట్, ఇతర అప్‌డేట్స్ వరుసగా వస్తే ఈ హైప్ మరింత పెరగడం ఖాయమనే అంచనాలు కనిపిస్తున్నాయి. మొత్తానికి సినిమా సెట్స్‌పైకి వెళ్లకముందే AA23 టాక్ ఆఫ్ ది ఇండస్ట్రీగా మారుతోంది.