ఇద్ద‌రు యాక్ష‌న్ హీరోల క‌ల‌యిక‌లో మెగా మూవీ

అజ‌య్ దేవ‌గ‌న్ ప్ర‌ధాన పాత్ర‌లో రోహిత్ శెట్టి తెర‌కెక్కించిన సింగం ఎగైన్ లో అక్ష‌య్ కుమార్ అతిథి పాత్ర ప్ర‌జ‌ల‌ను ప్ర‌త్యేకంగా థియేట‌ర్ల వైపు ఆక‌ర్షించిన సంగ‌తి తెలిసిందే. ఈ పాత్ర‌కు మంచి స్పంద‌న వ‌చ్చింది. ఇప్పుడు సింగం ఎగైన్ త‌ర్వాత ఈ జోడీ తిరిగి క‌లిసి ప‌ని చేసేందుకు సిద్ధ‌మ‌వుతున్నారు. అజయ్ దేవ‌గ‌న్ ద‌ర్శ‌క‌త్వంలో అక్ష‌య్ న‌టిస్తాన‌ని మాటిచ్చారు.

సింగమ్ ఎగైన్ లో లెజెండరీ బాజీరావ్ సింగం .. వీర్ సూర్యవంశీ పాత్రలలో అజ‌య్- అక్కీ క‌నిపించారు. అయితే ఈసారి అక్షయ్ కుమార్ హీరోగా అజయ్ దేవగన్ స్వీయ‌ద‌ర్శ‌క‌త్వంలో ఓ సినిమాని రూపొందిస్తాన‌ని అన్నారు.హిందుస్తాన్ టైమ్స్ లీడర్‌షిప్ సమ్మిట్ 2024 సందర్భంగా భవిష్యత్ ప్రాజెక్ట్ పై అజయ్ దేవగన్ టీజ్ చేసారు. ``మేము దీనిని ప్రకటించబోతున్నాము.. కానీ ఇది ఒక గొప్ప వేదిక అని నేను భావిస్తున్నాను. నేను ఉన్న చోట మేము ఇప్పటికే కలిసి పని చేస్తున్నాము. అక్ష‌య్ నా చిత్రంలో న‌టిస్తున్నాడు`` అని దేవ‌గ‌న్ అన్నారు.

ప్రాజెక్ట్ ఇంకా ప్రారంభ దశలోనే ఉందని, అదనపు సమాచారం తర్వాత చెబుతామ‌ని అజయ్ స్పష్టం చేశాడు, దీంతో అభిమానులు ఈ సినిమా గురించి ఆస‌క్తిగా వేచి చూస్తున్నారు.

అక్షయ్ కుమార్ - అజయ్ దేవగన్ గతంలో సుహాగ్, ఖాకీ, సూర్యవంశీ స‌హా ప‌లు బ్లాక్ బ‌స్ట‌ర్ల‌లో క‌లిసి న‌టించారు.స లా-ర న్‌వే 34-శివాయ్- స‌న‌మ్ ఔర్ హమ్ వంటి చిత్రాలకు దేవ‌గ‌న్ దర్శకత్వం వహించారు. ఇద్ద‌రు అగ్ర క‌థానాయ‌కుల క‌ల‌యిక‌లో సినిమా అంటే అంద‌రిలో ఆస‌క్తి ఉంటుంది. దేవ‌గ‌న్- అక్ష‌య్ సినిమా చేస్తే దానిపై స‌ర్వ‌త్రా ఆస‌క్తిక‌ర చ‌ర్చ సాగుతుంద‌న‌డంలో సందేహం లేదు.