• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  Entertainment >  ఆకాశంలో వెలిగిన 2,977...

ఆకాశంలో వెలిగిన 2,977 ప్రమిదలు.. ‘9/11’కు చెరగని గాయానికి కన్నీటి కాంతుల నివాళి

| వినోదానికి సంకేతమైన వెలుగులు.. ఆ రాత్రి మాత్రం కోల్పోయిన ప్రాణాల జ్ఞాపకాలను.. ఆరని శోకాన్ని ప్రతిబింబిస్తూ నిశ్శబ్దంగా విలపించాయి.

By - A.N.Kumar
Update: 2026-09-10 16:07 GMT

కాలం పాతికేళ్ల పాటు ముందుకు సాగిపోయినా.. ఆ రోజు ఆకాశం నిప్పై కురిసిన విషాదం ఇప్పటికీ న్యూయార్క్ గుండెల్లో సజీవంగానే ఉంది. 2001 సెప్టెంబర్ 11న ఉగ్రవాదుల అమానుషత్వానికి నేలమట్టమైన వరల్డ్ ట్రేడ్ సెంటర్స్.. సరిగ్గా 25 ఏళ్ల తర్వాత మళ్లీ అదే ఆకాశంలో వెలుగుల రూపంలో ప్రాణం పోసుకున్నాయి. దాడుల్లో అమాయకంగా బలైన 2,977 మంది ఆత్మల ప్రతిరూపాలుగా 2,977 డ్రోన్లు చీకటిని చీల్చుకుంటూ పైకెగిరి.. నింగిలో ట్విన్ టవర్స్‌గా రూపుదిద్దుకున్న వేళ.. చూసే ప్రతి ఒక్కరి కళ్లు చెమర్చాయి. వినోదానికి సంకేతమైన వెలుగులు.. ఆ రాత్రి మాత్రం కోల్పోయిన ప్రాణాల జ్ఞాపకాలను.. ఆరని శోకాన్ని ప్రతిబింబిస్తూ నిశ్శబ్దంగా విలపించాయి.

25 ఏళ్లు గడిచిపోయాయి.. కానీ ఆ రోజు జ్ఞాపకాలు మాత్రం చెరిగిపోలేదు. 2001 సెప్టెంబర్‌ 11న అమెరికాను కుదిపేసిన 9/11 ఉగ్రదాడి మరోసారి ప్రపంచం దృష్టిని ఆకర్షించింది. ఈ విషాద ఘటనకు 25 ఏళ్లు పూర్తవుతున్న సందర్భంగా న్యూయార్క్‌ హార్బర్‌లో నిర్వహించిన ప్రత్యేక డ్రోన్‌ ప్రదర్శన భావోద్వేగానికి గురిచేసింది. ఆకాశంలో వెలుగులు వెదజల్లుతూ వేలాది డ్రోన్లు మెల్లగా ఒక ఆకృతిగా మారాయి. కాసేపటికే అందరికీ పరిచయమైన ట్విన్‌ టవర్స్‌ రూపం ఆవిష్కృతమైంది.

ఈ ప్రదర్శనలో ఉపయోగించిన 2,977 డ్రోన్లు ఈ కార్యక్రమానికి ప్రత్యేక అర్థాన్ని తీసుకొచ్చాయి. 9/11 దాడుల్లో ప్రాణాలు కోల్పోయిన 2,977 మందికి గుర్తుగా ఒక్కో డ్రోన్‌ను ప్రతీకాత్మకంగా ఉపయోగించారు. చీకటి ఆకాశంలో ఒక్కొక్కటిగా వెలిగిన డ్రోన్లు చివరకు రెండు భారీ టవర్ల ఆకారంలోకి మారడం చూసిన ప్రజలు భావోద్వేగానికి లోనయ్యారు.

కూలిపోయిన టవర్లు.. జ్ఞాపకాల్లో మాత్రం సజీవం

25 ఏళ్ల క్రితం న్యూయార్క్‌ స్కైలైన్‌లో భాగంగా నిలిచిన వరల్డ్‌ ట్రేడ్‌ సెంటర్‌ ట్విన్‌ టవర్స్‌ ఇప్పుడు అక్కడ లేవు. కానీ వాటి జ్ఞాపకాలు మాత్రం నగర ప్రజల మనసుల్లో అలాగే ఉన్నాయి. తాజాగా నిర్వహించిన డ్రోన్‌ షోలో ఆ టవర్లను కాంతులతో పునఃసృష్టించడం ద్వారా ఆ జ్ఞాపకాలను మరోసారి సజీవం చేశారు.

2001 సెప్టెంబర్‌ 11న అల్‌ఖైదా ఉగ్రవాదులు నాలుగు విమానాలను హైజాక్‌ చేసి అమెరికాపై దాడులకు పాల్పడ్డారు. రెండు విమానాలు న్యూయార్క్‌లోని వరల్డ్‌ ట్రేడ్‌ సెంటర్‌ ట్విన్‌ టవర్స్‌ను ఢీకొన్నాయి. మరో విమానం పెంటగాన్‌ను ఢీకొనగా.. నాలుగో విమానం పెన్సిల్వేనియాలో కూలిపోయింది. ఈ దాడుల్లో 2,977 మంది ప్రాణాలు కోల్పోయారు.

విషాదాన్ని గుర్తుచేసిన వెలుగులు

సాధారణంగా డ్రోన్‌ షోలు వినోదం కోసం నిర్వహిస్తారు. కానీ న్యూయార్క్‌లో జరిగిన ఈ ప్రదర్శన మాత్రం అందుకు భిన్నంగా నిలిచింది. ప్రతి వెలుగు వెనుక ఒక ప్రాణం.. ప్రతి ఆకృతి వెనుక ఒక కుటుంబం.. ప్రతి జ్ఞాపకం వెనుక ఒక విషాదం ఉన్నట్లుగా ఈ కార్యక్రమం సాగింది. హార్బర్‌పై మెరిసిన ట్విన్‌ టవర్స్‌ ఆకృతి కొద్దిసేపటికే కనుమరుగైనా.. దాన్ని చూసిన వారిలో కలిగిన భావోద్వేగం మాత్రం చాలాసేపు నిలిచింది. సోషల్‌ మీడియాలోనూ ఈ దృశ్యాలు విస్తృతంగా వైరల్‌ అయ్యాయి.

కాలం 25 ఏళ్లను ముందుకు తీసుకెళ్లినా.. 9/11ను మరచిపోలేమన్న సందేశాన్ని న్యూయార్క్‌ ఆకాశంలో వెలిగిన 2,977 కాంతులు మరోసారి గుర్తుచేశాయి.


A drone light show featuring one drone for every life lost on 9/11 lit up the New York City sky in a powerful tribute to the victims. 🇺🇸

What a beautiful tribute. 🙏🏾 pic.twitter.com/JUEeAIsgVC

— Brandon Tatum (@TheOfficerTatum) September 10, 2026


Tags:    
  • 911 
  • 911memorial 
  • september11 
  • neverforget 
  • twintowers 
  • newyorkcity 
  • worldtradecenter 
  • 911anniversary 

Similar News

ఛాన్సిచ్చారు క‌దా అని అంత మాటనేస్తావా త‌మ్మూ?

2026-11-19 16:30 GMT

బెడ్ రూమ్ సీన్స్..పెద‌వి ముద్దుల‌పై చ‌ర్చేలేదే!

2026-11-19 15:30 GMT

ఆర్తి అగర్వాల్, తరుణ్ కోసం ఆమె తండ్రిని ఆలస్యంగా రప్పించిన దర్శకుడు.. భలే ప్లాన్ చేశారంటూ ప్రశంసలు!

2026-11-19 14:30 GMT

వెంకటేష్ చిత్రంలో నటించొద్దని చెప్పారు!

2026-11-19 13:30 GMT

కీర్తి పెర్ఫామెన్స్‌కు దర్శకుడు కదిలిపోయి..

2026-11-19 12:30 GMT

ట్రెండీ టాక్: జాతీయ ఉత్త‌మ న‌టి ప్ర‌యోగాలు

2026-11-19 10:30 GMT

సైఫ్ అలీ ఖాన్‌కు బెదిరింపులు.. హత్య కేసులో నిందితుడి పేరుతో డెత్ థ్రెట్!

2026-11-19 10:07 GMT

కృతి, కీర్తిలతో కలిసి రజినీకాంత్‌గా మారిన అనిల్ రావిపూడి..!

2026-11-19 09:55 GMT

చైతూ గురించి మీనాక్షి ఇంట్రస్టింగ్‌ కామెంట్స్‌

2026-11-19 09:54 GMT

హీరోయిన్ల వ్య‌క్తిగ‌త జీవితాల్లో హీరోలు!

2026-11-19 09:30 GMT

Tupaki Exclusive: ఫౌజీ సినిమా వేరే లెవెల్‌లో ఉంటుంది. నాకు మొత్తం కథ తెలుసు...

2026-11-19 08:26 GMT

Tupaki Exclusive: వెంకీ సార్ కి చైతు కి మధ్య తేడా ఇదే...!

2026-11-19 08:24 GMT

Copyright @2026

Powered by Blink CMS