నెక్సాన్, క్రెటా ఈవీలకు షాక్.. 460 కి.మీ. రేంజ్‌తో ఎంజీ విండ్‌సర్ ప్రో రిలీజ్!

ఎంజీ మోటార్స్ ఉత్పత్తి చేసిన కార్లకు మార్కెట్లో మంచి డిమాండ్ ఉంది. ఎలక్ట్రిక్ వెహికల్ మార్కెట్ పై కన్నేసిన ఈ కంపెనీ మరో అద్బుతమైన కారు ఆవిష్కరణ చేసింది. ఈ కాంపాక్ట్ ఎలక్ట్రిక్ SUV మంగళవారం, మే 6న విడుదల అయింది. ఈ కారు టాటా నెక్సాన్ ఈవీ, హ్యుందాయ్ క్రెటా ఈవీలకు గట్టిపోటీ ఇస్తుందని అంటున్నారు. ఎలక్ట్రిక్ కార్ల మార్కెట్‌లో సంచలనం సృష్టిస్తున్న JSW MG విండ్‌సర్ లాంగ్ రేంజ్ మోడల్ రిలీజ్ చేసింది. కంపెనీ దీనికి JSW MG విండ్‌సర్ ప్రో అని పేరు పెట్టింది. ఇది ఒకే ఛార్జ్‌పై ఎక్కువ దూరం ప్రయాణించగలదు.

విండ్‌సర్ ప్రోలో కంపెనీ అనేక మార్పులు చేసింది, తద్వారా ఇది తక్కువ రేంజ్ కలిగిన విండ్‌సర్ నుంచి పూర్తి భిన్నంగా ఉండనుంది. విండ్‌సర్ ప్రోలో కంపెనీ అల్లాయ్ వీల్ డిజైన్‌ను మార్చి, డైమండ్ కట్ వీల్స్‌ను అందించింది. ఈ వీల్స్ సరిగ్గా ఎంజీ హెక్టర్‍లో ఉపయోగించిన వీల్స్ లాగానే ఉన్నాయి. అంతేకాకుండా, కొత్త విండ్‌సర్ ప్రో సేఫ్టీ పరంగా కూడా అద్భుతంగా ఉండబోతోంది. దీని టెయిల్ లైట్ దగ్గర ADAS బ్యాడ్జ్ ఉన్న ఫోటోలు లీక్ అయ్యాయి. దీని ద్వారా ఈ కారులో మీకు ఎక్స్ ట్రా రేంజ్‌తో పాటు ఎక్స్ ట్రా సేఫ్టీ కూడా లభిస్తుందని స్పష్టమవుతోంది. సాధారణ విండ్‌సర్ ఈవీలో ప్రస్తుతం ADAS ఫీచర్ లేదు.

కంపెనీ విండ్‌సర్ ప్రోను కొత్త కలర్ థీమ్‌లో కూడా వచ్చింది. ఇది సాధారణ, ప్రీమియం కస్టమర్‌లను వేర్వేరుగా ఆకర్షించడానికి సహాయపడుతుంది. విండ్‌సర్ ప్రోలో కంపెనీ ఒక ప్రత్యేకమైన టెక్నాలజీని జోడించింది. దీని ద్వారా ఈ కారును ఇంటికి ఇన్వర్టర్‌గా కూడా ఉపయోగించవచ్చు. వాస్తవానికి ఇందులో V2L అంటే వెహికల్ 2 లోడ్ టెక్నాలజీని అందించారు. దీని సహాయంతో మీరు ఈ కారు బ్యాటరీని ఇతర పరికరాలకు విద్యుత్ సరఫరా చేయడానికి ఉపయోగించవచ్చు.

ప్రస్తుతం విండ్‌సర్ కారులో కంపెనీ 38 kWh బ్యాటరీ ప్యాక్‌ను అందిస్తోంది. ఇది ఒకే ఛార్జ్‌పై 332 కి.మీ. క్లెయిమ్డ్ రేంజ్‌ను ఇస్తుంది. కొత్త విండ్‌సర్ ప్రోలో కంపెనీ 50.6 kWh బ్యాటరీ ప్యాక్‌ను తీసుకువచ్చింది. దీని క్లెయిమ్డ్ రేంజ్ 460 కి.మీ.. అయితే దీని ధర సాధారణ ఎంజీ విండ్‌సర్ కంటే ఖచ్చితంగా ఎక్కువగా ఉంటుంది.

విండ్‌సర్ ఈవీని కంపెనీ గతేడాది సెప్టెంబర్‌లో విడుదల చేసింది. ఈ కారు ధర రూ.10 లక్షల లోపు ఉంది, బ్యాటరీ యాజ్ ఏ సర్వీస్ (BaaS) ఆప్షన్ కూడా అందించారు. ఈ విధంగా ఈ కారు రాత్రికి రాత్రే మార్కెట్‌లో సంచలనం సృష్టించింది. అమ్మకాల విషయంలో ఇది వరుసగా అనేక నెలలు నంబర్-1 ఎలక్ట్రిక్ కారుగా రికార్డు సృష్టించింది. నెక్సాన్, పంచ్‍లను కూడా వెనక్కి నెట్టింది. దీని ఎక్స్‍పెక్టెడ్ ధర రూ.15 లక్షల కంటే ఎక్కువ ఉండవచ్చు. ఎక్కువ రేంజ్, లేటెస్ట్ ఫీచర్లతో వస్తున్న విండ్‌సర్ ప్రో విడుదలైన తర్వాత, కాంపాక్ట్ ఎలక్ట్రిక్ ఎస్ యూవీ సెగ్మెంట్‌లో తీవ్రమైన పోటీ నెలకొనే అవకాశం ఉంది.