హైపర్సోనిక్ : చైనా రహస్య ప్రయోగం ..అమెరికా షాక్ !
అణ్వాయుధ సామర్థ్యం కలిగిన అత్యాధునిక హైపర్ సోనిక్ క్షిపణిని చైనా పరీక్షించిన విషయం కాసింత ఆలస్యంగా వెలుగులోకి వచ్చింది. ఈ క్షిపణి భూ కక్ష్యలో పయనించి మొత్తం భూమిని చుట్టేసి, తర్వాత కిందికి దిగి లక్ష్యంవైపు దూసుకెళ్లింది. అయితే, చివరి మెట్టుపై చతికిలబడి లక్ష్యాన్ని చేధించడంలో విఫలమైంది. ఆగస్టులో జరిగిన ఈ పరీక్ష విషయంలో చైనా అత్యంత గోప్యత పాటించినట్టు అంతర్జాతీయ మీడియాలో కథనాలు వెలువడ్డాయి. ప్రమాదకరమైన క్షిపణి రూపకల్పనలో చైనా చాలావరకూ విజయం సాధించినట్టు తెలుస్తోంది. ఈ క్షిపణి రూపకల్పనలో చైనా పురోగతిని చూసి అమెరికా సైతం విస్తుపోయింది.
తమను తలదన్నేలా పరీక్షను నిర్వహించినట్టు తెలుసుకొని నివ్వెరపోయాయి. చైనా పరీక్షించిన హైపర్ సోనిక్ క్షిపణి.. నిర్దేశిత లక్ష్యానికి కేవలం 32 కిలోమీటర్ల దూరంలో కూలిపోయింది. అయినా ఇది అంత ఆషామాషీ విషయం కాదు. అమెరికా, చైనాల అమెరికా మధ్య ఉద్రిక్తతలు పెరుగుతున్న తరుణంలో ఇది జరగడం గమనార్హం. ధ్వని కంటే కనీసం ఐదు రెట్లు వేగం (గంటకు 6,200 కిలోమీటర్లు)తో దూసుకెళ్ల సామర్థ్యం హైపర్ సోనిక్ క్షిపణుల సొంతం. వీటిని రాకెట్ సాయంతో ప్రయోగిస్తారు. సాధారణ బాలిస్టిక్ క్షిపణులకు భిన్నంగా ఇవి తక్కువ ఎత్తుకే (భూ దిగువ కక్ష్యకు) చేరుకుని, ఆ తర్వాత ఎలాంటి శక్తి అవసరం లేకుండానే వేల కిలోమీటర్ల పాటు గ్లైడర్ లా పయనిస్తూ నిర్దేశించిన లక్ష్యాన్ని చేరుకుంటాయి.
‘హైపర్ సోనిక్ గ్లైడ్ వెహికిల్’ గా పేర్కొనే ఈ క్షిపణులు చాలా వేగంగా లక్ష్యంపై దాడిచేయగలవు. ఇందులో క్రూయిజ్ క్షిపణులూ ఉంటాయి. అమెరికా వంటి దేశాలు బాలిస్టిక్, క్రూయిజ్ క్షిపణుల నుంచి రక్షణ పొందడానికి మిసైల్ డిఫెన్స్ వ్యవస్థను అభివృద్ధి చేశాయి. అయితే మెరుపు వేగంతో దూసుకొచ్చే హైపర్ సోనిక్ గ్లైడ్ వెహికల్స్ ను అడ్డుకోవడంలో వీటి సమర్థత ప్రశ్నార్థకమే. చైనా పరీక్షించిన హైపర్ సోనిక్ క్షిపణికి దక్షిణ ధ్రువంపై నుంచి పయనించే సత్తా ఉంది. ఇది అమెరికాను ఆందోళనకు గురిచేసే అంశం. ఎందుకంటే ఆ దేశ క్షిపణి రక్షణ వ్యవస్థలు ప్రధానంగా ఉత్తర ధ్రువ మార్గంపై దృష్టిసారిస్తున్నాయి. ఇటీవల ఉత్తర కొరియా సైతం ఇటువంటి క్షిపణిని గత నెలలో పరీక్షించిన విషయం తెలిసిందే. అంతకు ముందు రష్యా, చైనా, అమెరికాలు ఈ క్షిపణులను పరీక్షించాయి. రష్యా అభివృద్ధి చేసిన అవన్గార్డ్ క్షిపణి, ధ్వని కన్నా ఏకంగా 27 రెట్లు వేగంగా దూసుకెళ్లగలదు. ఇదిలా ఉండగా, ఈ పరీక్షపై చైనా రక్షణ శాఖ తక్షణమే స్పందించలేదు.
తమను తలదన్నేలా పరీక్షను నిర్వహించినట్టు తెలుసుకొని నివ్వెరపోయాయి. చైనా పరీక్షించిన హైపర్ సోనిక్ క్షిపణి.. నిర్దేశిత లక్ష్యానికి కేవలం 32 కిలోమీటర్ల దూరంలో కూలిపోయింది. అయినా ఇది అంత ఆషామాషీ విషయం కాదు. అమెరికా, చైనాల అమెరికా మధ్య ఉద్రిక్తతలు పెరుగుతున్న తరుణంలో ఇది జరగడం గమనార్హం. ధ్వని కంటే కనీసం ఐదు రెట్లు వేగం (గంటకు 6,200 కిలోమీటర్లు)తో దూసుకెళ్ల సామర్థ్యం హైపర్ సోనిక్ క్షిపణుల సొంతం. వీటిని రాకెట్ సాయంతో ప్రయోగిస్తారు. సాధారణ బాలిస్టిక్ క్షిపణులకు భిన్నంగా ఇవి తక్కువ ఎత్తుకే (భూ దిగువ కక్ష్యకు) చేరుకుని, ఆ తర్వాత ఎలాంటి శక్తి అవసరం లేకుండానే వేల కిలోమీటర్ల పాటు గ్లైడర్ లా పయనిస్తూ నిర్దేశించిన లక్ష్యాన్ని చేరుకుంటాయి.
‘హైపర్ సోనిక్ గ్లైడ్ వెహికిల్’ గా పేర్కొనే ఈ క్షిపణులు చాలా వేగంగా లక్ష్యంపై దాడిచేయగలవు. ఇందులో క్రూయిజ్ క్షిపణులూ ఉంటాయి. అమెరికా వంటి దేశాలు బాలిస్టిక్, క్రూయిజ్ క్షిపణుల నుంచి రక్షణ పొందడానికి మిసైల్ డిఫెన్స్ వ్యవస్థను అభివృద్ధి చేశాయి. అయితే మెరుపు వేగంతో దూసుకొచ్చే హైపర్ సోనిక్ గ్లైడ్ వెహికల్స్ ను అడ్డుకోవడంలో వీటి సమర్థత ప్రశ్నార్థకమే. చైనా పరీక్షించిన హైపర్ సోనిక్ క్షిపణికి దక్షిణ ధ్రువంపై నుంచి పయనించే సత్తా ఉంది. ఇది అమెరికాను ఆందోళనకు గురిచేసే అంశం. ఎందుకంటే ఆ దేశ క్షిపణి రక్షణ వ్యవస్థలు ప్రధానంగా ఉత్తర ధ్రువ మార్గంపై దృష్టిసారిస్తున్నాయి. ఇటీవల ఉత్తర కొరియా సైతం ఇటువంటి క్షిపణిని గత నెలలో పరీక్షించిన విషయం తెలిసిందే. అంతకు ముందు రష్యా, చైనా, అమెరికాలు ఈ క్షిపణులను పరీక్షించాయి. రష్యా అభివృద్ధి చేసిన అవన్గార్డ్ క్షిపణి, ధ్వని కన్నా ఏకంగా 27 రెట్లు వేగంగా దూసుకెళ్లగలదు. ఇదిలా ఉండగా, ఈ పరీక్షపై చైనా రక్షణ శాఖ తక్షణమే స్పందించలేదు.