ఈ ఫైన్​ భలే ఫన్నీ గురూ! 2 కిలోల ఇసుక చోరీకి.. 86వేలు

మన దేశంలో లారీల కొద్దీ ఇసుక అక్రమంగా తరలించినా పట్టికొంచుకొనే దిక్కులేదు. అధికారుల, రాజకీయపెద్దల అండదండలతో  అక్రమార్కులు జోరుగా ఇసుకవ్యాపారాలు చేస్తూఉంటారు. ఈ ఇసుక వ్యాపారంలో కోట్లు గడించి ప్రముఖ రాజకీయనేతలుగా, పారిశ్రామిక వేత్తలుగా ఎదిగినవారు ఉన్నారు. పల్లెల్లో ఇప్పటికీ అన్ని ప్రధానపార్టీల చోటమోటా నాయకులు ఎక్కువగా చేసి లాభపడేది ఈ ఇసుకదందాతోనే. అధికారులు, స్థానిక ఎమ్మెల్యేలు, మంత్రుల అండదండలతో ఈ ఇసుకవ్యాపారం ఆరుపువ్వులు, పన్నెండు కాయలుగా సాగుతున్నది. అయితే కానీ అన్ని దేశాలు మనలా ఉండవు కదా! ఓ దేశంలో 2 కిలోల ఇసుకను చోరీచేస్తే ఏకంగా 86 వేలు ఫైన్​ విధించింది అక్కడి ప్రభుత్వం.   ఓ వివరాలు ఏమిటో ఇప్పుడు చూద్దాం..  ఫ్రెంచ్​కు చెందిన ఓ టూరిస్ట్​..  ఇటీవల మెడిటేర్రనియన్ సీమ్‌లోని అతిపెద్ద ఇటాలియన్ ఐల్యాండ్‌ సర్దేనియాకు వెళ్లాడు. అక్కడ ప్రకృతి అందాలన్నీ కలియదిరిగాడు. చివరకు అక్కడి బీచ్​లోని ఓ రెండుకిలోల ఇసుకును తన బ్యాగ్​లో సర్దుకున్నాడు. ఆ తరువాత ఎల్‌మాస్ ఎయిర్‌పోర్ట్‌కు వెళ్లగా.. అక్కడి అధికారుల సాధారణ తనిఖీల్లో ఈ ఇసుక కనిపించింది. దీంతో అతడికి వెయ్య యూరోలు ఫైన్​ విధించారు. ఇవి మన ఇండియన్​ కరెన్సీకి అక్షరాల 86 వేలు.  

సర్దేనియా ప్రాంతంలోని బీచ్‌ల్లోని ఇసుకను తీసుకురావడం అక్కడి చట్టరీత్యా నేరం. ఒకవేళ అక్కడి ఇసుకను దొంగతనం చేసి దొరికితే ఒకటి నుంచి ఆరు సంవత్సరాల పాటు జైలు శిక్షను విధిస్తుంటారు. గతంలోనూ ఓ ఫ్రెంచ్ జంట 14 ప్లాస్టిక్ బాటిళ్ల ఇసుకను(40కేజీలు) అక్కడి నుంచి దొంగలించి తీసుకెళ్తుండగా.. అధికారులు పట్టుకున్నారు. వీరికి ఆరు సంవత్సరాల పాటు జైలు శిక్షను విధించారు. మనదేశంలోనూ ఇటువంటి జరిమానాలు శిక్షలు విధించండి.. అప్పుడైనా ఇసుకాసురాల ఆగడాలు తగ్గుతాయని భావిస్తున్నారు సామాన్యజనం.