పెళ్లిపీటలెక్కబోతున్న వంగవీటి రాధా... వధువు ఎవరంటే...?

ఏపీ పాలిటిక్స్ లో కీలక నేతగా ఉన్న వంగవీటి రాధాకృష్ణ పెళ్ళి ఎప్పుడు చేసుకుంటారనే విషయంపై ఆయన అభిమానుల్లో చర్చ నడుస్తుంటుందని.. "అన్న పెళ్లి ఎప్పుడు" అనే మాట వినిపిస్తుంటుందని అంటుంటారు. అయితే ఆ సమయం రానే వచ్చిందని తెలుస్తోంది. త్వరలోనే వంగవీటి రాధా పెళ్ళి చేసుకోనున్నారని సమాచారం.

అవును... ప్రస్తుతం ఒక వార్త వంగవీటి అభిమానుల్లో ఆనందాన్ని కలిగిస్తోంది. వంగవీటి రంగా కుమారుడు వంగవీటి రాధా త్వరలో పెళ్లిపీటలెక్కబోతున్నారని అంటున్నారు. దీంతో... రాధ పెళ్ళి చేసుకోనుంది ఎవరిని అనే ఉత్కంఠ అభిమానుల్లో నెలకొంది. అయితే తాజాగా ఈ విషయాలపై కుటుంబ సభ్యులు క్లారిటీ ఇచ్చారని అంటున్నారు.

నర్సాపురం పట్టణానికి చెందిన యువతితో రాధాకృష్ణకు వివాహం నిశ్చయమైందని తెలుస్తోంది. తన మిత్రుడికి దగ్గర బంధువుల అమ్మాయితో ఈ వివాహం నిశ్చయం అయినట్లు కుటుంబసభ్యులు చెబుతున్నారు. ప్రస్తుతం ఈ వార్త వంగవీటి అభిమానుల్లో ఆనందాన్ని కలిగిస్తోంది.

నర్సాపురానికి చెందిన జక్కం పుష్పవల్లితో రాధాకృష్ణకు వివాహం నిశ్చయమైందని తెలుస్తోంది. ఏలూరు మాజీ మున్సిపల్ ఛైర్‌ పర్సన్‌ జక్కం ఆమ్మాని - బాబ్జీల చిన్న కుమార్తె ఈ జక్కం పుష్పవల్లీ! ఆమెతోనే వంగవీటి రాధాకు వివాహం జరగబోతుందని తెలుస్తోంది. ఈ క్రమంలో... ఈ నెల 19న నర్సాపురంలో ఎంగేజ్మెంట్.. సెప్టెంబర్ 6న వివాహం ముహూర్తం ఖరారు చేశారని తెలుస్తోంది.

కాగా వంగవీటి రాధా 2004లో ఎమ్మెల్యేగా ఎన్నికయిన సంగతి తెలిసిందే. అప్పట్నుంచి ఆయన యాక్టివ్‌ పాలిటిక్స్‌ లో ఉంటున్నారు. ప్రస్తుతం ఆయన టీడీపీలో ఉన్నారు. విజయవాడ సెంట్రల్ నుంచి పోటీకి దిగాలని ఆలోచిస్తున్నారు.