సెప్టెంబర్ 27 నుంచి అదృష్టం కలిసివచ్చే రాశులు ఇవీ

గ్రహాలకు అధిపతి అయిన సూర్యుడు ప్రతి నెలా ఒక రాశి నుంచి మరొక రాశికి సంచారం చేస్తూ ఉంటాడు. ఈ సంచారంలో ఆయన నక్షత్రాలను కూడా దాటి వెళ్తాడు. దృక్ పంచాంగం ప్రకారం, సెప్టెంబర్ 27 ఉదయం 7.14 గంటలకు సూర్యుడు హస్త నక్షత్రంలో ప్రవేశించనున్నాడు. ఆయన అక్టోబర్ 10 వరకు ఈ నక్షత్రంలోనే సంచారం చేస్తారు. ఈ కాలంలో కొన్ని రాశుల వారికి అదృష్టం కలిసి వస్తుందని జ్యోతిష్య నిపుణులు చెబుతున్నారు. ఈ అదృష్ట రాశుల వివరాలు తెలుసుకుందాం.

* మేషరాశి

మేషరాశి వారికి సూర్యుని హస్త నక్షత్ర సంచారం శుభ ఫలితాలను ఇస్తుంది. వీరు ఏ పని చేపట్టినా సానుకూల ఫలితాలు వస్తాయి. వివాహం కాని వారికి పెళ్లి యోగం కలుగుతుంది. వివాహితులు కుటుంబ జీవితంలో ఆనందాన్ని పొందుతారు. ఆరోగ్యం బాగుంటుంది, మానసిక ప్రశాంతత దక్కుతుంది.

* తులారాశి

తులారాశి వారికి ఇది నిజమైన అదృష్టకాలం అని చెప్పవచ్చు. వ్యాపారంలో లాభాలు పొందుతారు, ఆదాయం గణనీయంగా పెరుగుతుంది. కుటుంబ సభ్యులతో సంతోషంగా గడుపుతారు. ఎప్పటినుంచో వెంటాడుతున్న టెన్షన్లు తొలగిపోతాయి. శాంతి, సంతోషం వీరి జీవితంలో నిలుస్తాయి.

* మీనరాశి

మీనరాశి వారికి సూర్య సంచారం సకల శుభాలను అందిస్తుంది. వీరు మతపరమైన కార్యక్రమాల్లో పాల్గొంటారు. వ్యాపార, వర్తక రంగాల్లో మంచి ఫలితాలు పొందుతారు. విద్యార్థులు చదువులో మరింత శ్రద్ధ చూపుతారు. వివాహం కానివారికి జీవిత భాగస్వామి దొరుకుతుంది. ఏ పని చేసినా లాభదాయకంగా మారుతుంది.

మొత్తానికి, మేష, తుల, మీన రాశుల వారికి సెప్టెంబర్ 27 నుంచి అక్టోబర్ 10 వరకు కాలం శుభప్రదంగా ఉంటుంది. సూర్యుని అనుగ్రహంతో ఈ రాశుల వారు కొత్త ఆరంభాలు చేసి విజయాలను సాధించగలరు.

DisClaimer : పై వివరాలు జ్యోతిష్యం, వాస్తు నిపుణుల అభిప్రాయాలు.. ఇంటర్నెట్‌లో అందుబాటులో ఉన్న సమాచారం ఆధారంగా అందించబడ్డాయి. వీటిని శాస్త్రీయంగా నిర్ధారించలేము. దీనిని Tupaki.com ధ్రువీకరించడం లేదు. వ్యక్తిగత నమ్మకాల ఆధారంగా మాత్రమే పరిగణించాలి.