• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  టీడీపీపైనా పోటీ!?...

టీడీపీపైనా పోటీ!? ఫ్రెండ్లీ కంటెస్ట్ కు పవన్ గ్రీన్ సిగ్నల్

| సాధారణ ఎన్నికలు ప్రజల కోసం, స్థానిక ఎన్నికలు పార్టీ బలోపేతం కోసం అంటూ పవన్ సరికొత్త భాష్యం చెప్పారు.

By - Tupaki Political Desk
Update: 2026-09-23 04:52 GMT

స్థానిక ఎన్నికల్లో పొత్తులు ఉన్నప్పటికీ బలం ఉన్నచోట పోటీ చేస్తామంటే అభ్యంతరం లేదని జనసేన అధినేత, డిప్యూటీ సీఎం పవన్ కల్యాణ్ చేసిన వ్యాఖ్యలు ఆసక్తిరేపుతున్నాయి. పొత్తులు ఉన్నా, స్నేహపూర్వక పోటీకి కార్యకర్తలు సిద్ధమైతే అడ్డుచెప్పొద్దని పార్టీ నేతలకు పవన్ సూచించినట్లు ప్రచారం జరుగుతోంది. ఈ మేరకు మంగళవారం సాయంత్రం కాకినాడలో నిర్వహించిన జనసేన సన్నాహక సమావేశంలో పవన్ కీలక వ్యాఖ్యలు చేసినట్లు చెబుతున్నారు. పార్టీ అంతర్గత సమావేశంలో మీడియాను అనుమతించినప్పటికీ పార్టీ నేతల సమాచారం మేరకు పోటీపై పవన్ ఊహించని ప్రసంగంతో కార్యకర్తలనే ఆశ్చర్యానికి గురిచేశారని చెబుతున్నారు.

పార్టీ కోసమే స్థానిక ఎన్నికలు

సాధారణ ఎన్నికలు ప్రజల కోసం, స్థానిక ఎన్నికలు పార్టీ బలోపేతం కోసం అంటూ పవన్ సరికొత్త భాష్యం చెప్పారు. పార్టీని బలోపేతం చేసుకోడానికి ఈ ఎన్నికలు సద్వినియోగం చేసుకోవాలని డిప్యూటీ సీఎం సూచించారు. అందుకే కూటమి పొత్తులపై ప్రభావం చూపని విధంగా బలం ఉందని భావిస్తే స్నేహపూర్వక పోటీకి సిద్ధమవ్వాలని ఆయన సూచించినట్లు చెబుతున్నారు. బలం ఉన్న ప్రతి చోట జనసేన పోటీలో ఉంటుందని పవన్ స్పష్టం చేశారు.

గెలిచే స్థానాలు గుర్తించాలి

లోక్ సభ స్థానాల వారీగా గెలిచే అవకాశాలు ఉన్న స్థానాలను పార్టీ నేతలు గుర్తించాలని పవన్ సూచించారు. ఇక గత అసెంబ్లీ ఎన్నికల్లో రాష్ట్రాభివృద్ధి కోసం త్యాగాలు చేశామని, కానీ స్థానిక ఎన్నికల్లో అటువంటి పరిస్థితి అవసరం లేదని పవన్ వ్యాఖ్యానించారని అంటున్నారు. జనసేన పార్టీని బలోపేతం చేసుకునేందుకు ఇదే సరైన సందర్భమని ఆయన భావించినట్లు చెబుతున్నారు. ఎక్కడ గెలుస్తామో అక్కడే పోటీ చేద్దాం, వందశాతం ఫలితాలు సాధిద్దాం అంటూ పవన్ కేడర్ కు దిశానిర్దేశం చేసినట్లు చెబుతున్నారు.

లోకేశ్ పేరు ప్రస్తావించకుండానే..

ఇక కూటమి పొత్తుల్లో భాగంగా జనసేనకు 15 శాతం సీట్లు ఇస్తామని గతంలో మంత్రి లోకేశ్ చేసిన ప్రకటనపైనా పవన్ స్పందించారు. మంత్రి లోకేశ్ పేరు ప్రస్తావించకపోయినా జనసేన పోటీపై పర్సెంటేజీల లెక్కలు ప్రచారంలో ఉన్నాయని, నిజంగా వాళ్లు అలా మాట్లాడోరో లేదో తనకు తెలియదు కానీ, జనసేన మాత్రం బలం ఉన్న ప్రతిచోటా పోటీ చేస్తుందని మరోసారి పునరుద్ఘాటించారని చెబుతున్నారు. ఇక సీట్ల సర్దుబాటు జిల్లాస్థాయిలోనే జరిగిపోవాలని, తప్పనిసరి పరిస్థితులు ఉంటేనే తాను, ముఖ్యమంత్రి జోక్యం చేసుకుంటామని పవన్ స్పష్టం చేశారని అంటున్నారు.

చేరికలపై కీలక సూచనలు

సాధారణ ఎన్నికల్లో ఎమ్మెల్యేలు, ఎంపీల గెలుపు కోసం పనిచేసిన కార్యకర్తలను గుర్తించాలని పవన్ సూచించారు. స్థానిక ఎన్నికల్లో కార్యకర్తలకు పెద్దపీట వేయాలని సూచించారు. ఇదే సమయంలో చాలా మంది కార్యకర్తలు అధికారం వచ్చిన తర్వాత చల్లబడిపోయారని పవన్ వ్యాఖ్యానించారు. అధికారం ఉన్నా, లేకపోయినా కార్యకర్తల్లో వేడి తగ్గకూడదని, కసితో పనిచేయాలని పవన్ సూచించారు. మరోవైపు స్థానిక ఎన్నికలు దృష్టిలో పెట్టుకుని చాలా చోట్ల నేతలు పార్టీలో చేరుతామని ముందుకొస్తున్నారని, మంచి ట్రాక్ రికార్డు ఉన్నవారిని మాత్రమే పార్టీలో చేర్చుకోవాలని పవన్ పార్టీ నేతలకు సూచనలు చేశారని చెబుతున్నారు.

Tags:    
  • pavankalyan 
  • janasena 
  • aplocalpolls 
  • andhrapradeshpolitics 
  • localbodyelections 

Similar News

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

విజ‌య‌న‌గ‌రం.. బాబు వ‌రం ఎవ‌రికి?

2026-11-19 09:55 GMT

కష్టజీవులకు భరోసా.. నిర్మాణ రంగానికి ఊతం : ఏపీలో ‘లేబర్ అడ్డా’ల విప్లవం!

2026-11-19 08:05 GMT

రూ.7 కోట్ల ఉద్యోగాల స్కాం : కుట్ర జరిగిందంటున్న జనసేన నేతలు.. అసలు నిజం ఇదే!

2026-11-19 08:02 GMT

ఆకాశంలో అంబానీ 'సిగ్నల్'.. మస్క్‌కు ఇక టెన్షన్ షురూ.. ఇప్పుడు స్పేస్‌లో శాటిలైట్ల జాతర

2026-11-19 06:00 GMT

వాన్స్‌కు షాక్ ఇవ్వనున్న ట్రంప్.. 2028 రేసులో రూబియో పేరు!

2026-11-19 05:37 GMT

ఛాతీ ఎముక కోయకుండానే బైపాస్ సర్జరీ.. భారతీయ రోబోతో అరుదైన ఆపరేషన్!

2026-11-19 05:32 GMT

Copyright @2026

Powered by Blink CMS