నితీష్ కుమార్ ఢిల్లీ యాత్ర.. బీహార్ సీఎం పీఠం వదిలి.. కేంద్ర రైల్వే మంత్రిగా?

రాజకీయాల్లో శాశ్వత మిత్రులు, శాశ్వత శత్రువులు ఉండరు అంటారు కదా, నితీష్ కుమార్ విషయంలో ఇది అక్షరాలా నిజం. బి హార్ ముఖ్యమంత్రిగా పది సార్లు ప్రమాణ స్వీకారం చేసి రికార్డు సృష్టించిన ఆయన, ఇప్పుడు తన పంథాను పూర్తిగా మార్చుకున్నట్లు కనిపిస్తోంది. రాష్ట్ర రాజకీయాల నుండి తప్పుకుని, కేంద్రంలో చక్రం తిప్పడానికి ఆయన సిద్ధమయ్యారనే వార్తలు ఇప్పుడు పొలిటికల్ సర్కిల్స్‌లో హాట్ టాపిక్ అయ్యాయి. అసలు బి హార్‌లో ఏం జరుగుతోంది? నితీష్ కుమార్ ప్లాన్ ఏంటి? అనే విషయాలను గమనిస్తే ఆశ్చర్యపోవాల్సిందే.

రాజీనామా.. రాజ్యసభ.. రైల్వే మంత్రి!

తాజా సమాచారం ప్రకారం, నితీష్ కుమార్ త్వరలోనే బిహార్ గవర్నర్‌ను కలిసి తన ముఖ్యమంత్రి పదవికి రాజీనామా సమర్పించబోతున్నారు. ఇప్పటి వరకు పది సార్లు సీఎంగా కొనసాగిన ఆయన, ఇప్పుడు ఆ పీఠాన్ని వదిలిపెట్టి ఢిల్లీ వైపు అడుగులు వేస్తున్నారు. రాజ్యసభ ఎంపీగా ఆయన నామినేషన్ దాఖలు చేయబోతున్నారని, ఆ తర్వాత నేరుగా కేంద్ర మంత్రివర్గంలోకి వెళ్తారని సమాచారం. అది కూడా సాదాసీదా మంత్రి పదవి కాదు.. గతంలో ఆయన సమర్థవంతంగా నిర్వహించిన 'కేంద్ర రైల్వే మంత్రి' పదవిని ఆయనకు అప్పగించే అవకాశం ఉందని ఢిల్లీ వర్గాల్లో బలంగా వినిపిస్తోంది.

బిహార్ సీఎం పీఠం ఎవరికి?

నితీష్ కుమార్ ఢిల్లీకి వెళ్తే, మరి బిహార్ ముఖ్యమంత్రి ఎవరు అవుతారు? అనే ప్రశ్న అందరిలోనూ ఉంది. ప్రస్తుతం ఉన్న రాజకీయ సమీకరణాల ప్రకారం, ముఖ్యమంత్రి పీఠం ఈసారి బీజేపీ నేతకు దక్కే అవకాశం ఉంది. చాలా కాలంగా జేడీయూ-బీజేపీ కూటమిలో నితీష్ కుమారే సీఎంగా ఉంటూ వచ్చారు. ఇప్పుడు ఆయన కేంద్రానికి వెళ్తుండటంతో, రాష్ట్ర పగ్గాలను బీజేపీ తన చేతుల్లోకి తీసుకోవాలని భావిస్తోంది. ఇది బిహార్ రాజకీయాల్లో ఒక పెద్ద మార్పు అని చెప్పాలి.

ఢిల్లీలో నితీష్ అవసరం ఏంటి?

జాతీయ రాజకీయాల్లో నితీష్ కుమార్ కు ఒక ప్రత్యేకమైన ఇమేజ్ ఉంది. అనుభవజ్ఞుడైన నాయకుడు కావడంతో పాటు, బిహార్ వంటి కీలక రాష్ట్రంలో బలమైన పట్టున్న వ్యక్తి. రాబోయే ఎన్నికల దృష్ట్యా లేదా కేంద్ర ప్రభుత్వంలో పాలనను మరింత వేగవంతం చేయడానికి నితీష్ అనుభవం ఉపయోగపడుతుందని బీజేపీ భావిస్తోంది. అందుకే ఆయనను రాజ్యసభకు పంపి, కేంద్ర మంత్రివర్గంలోకి తీసుకువస్తున్నట్లు తెలుస్తోంది. గతంలో ఆయన రైల్వే మంత్రిగా ఉన్నప్పుడు చేసిన సంస్కరణలు ఇప్పటికీ చర్చల్లో ఉంటాయి, అందుకే ఆయనకు మళ్లీ అదే శాఖను అప్పగించే వీలుంది.

ఆసక్తి కర మలుపులు..

నితీష్ కుమార్ రాజకీయ ప్రస్థానం అంతా మలుపుల మయం. ఆయన ఎప్పుడు ఎటువైపు ఉంటారో ప్రత్యర్థులే కాదు, మిత్రులు కూడా ఊహించలేరు. ఇప్పుడు సడన్‌గా సీఎం పదవి వదులుకుని ఢిల్లీకి వెళ్లడం వెనుక ఏదైనా పెద్ద వ్యూహం ఉందా? లేక రాష్ట్రంలో తన పట్టు తగ్గుతోందని భావించి గౌరవప్రదంగా కేంద్రానికి వెళ్తున్నారా? అనే చర్చలు కూడా నడుస్తున్నాయి. ఏదేమైనా, ఒక సీనియర్ నాయకుడు ఇలా రాష్ట్ర రాజకీయాలను వదిలి కేంద్రానికి రావడం అనేది జాతీయ రాజకీయాల్లో ఆసక్తికరమైన పరిణామం.

బిహార్ గడ్డపై ఎన్నో ఏళ్లుగా రారాజుగా వెలిగిన నితీష్ కుమార్, ఇప్పుడు ఢిల్లీ వేదికగా తన రెండో ఇన్నింగ్స్ మొదలుపెట్టబోతున్నారు. ఆయన రైల్వే మంత్రిగా బాధ్యతలు చేపడితే రైల్వే శాఖలో ఎలాంటి మార్పులు వస్తాయో చూడాలి. మరోవైపు బిహార్‌లో బీజేపీ పాలన ఎలా ఉండబోతోంది అనేది కూడా సస్పెన్సే. నితీష్ ఈ 'రాజకీయ పయనం' ఎక్కడికి దారితీస్తుందో తెలియాలంటే మరికొద్ది గంటలు వేచి చూడాల్సిందే. ఢిల్లీ నుండి అఫీషియల్ అనౌన్స్‌మెంట్ వస్తే కానీ ఈ సస్పెన్స్ వీడదు!