పార్కులో మాజీ ప్రధాని, ప్రేయసి ముద్దులు.. సోషల్ మీడియాను షేక్ చేస్తున్న పిక్స్!

కెనడా మాజీ ప్రధాని జస్టిన్ ట్రూడో, పాప్ సింగర్ కేటీ పెర్రీల ప్రేమాయణం అంతర్జాతీయంగా హాట్ టాపిక్‌గా మారింది. మొన్న లాస్ ఏంజిల్స్‌లో ఫిఫా మ్యాచ్‌లో సందడి చేసిన ఈ జంట, ఇప్పుడు కాలిఫోర్నియా పార్కులో రొమాంటిక్ పిక్నిక్‌తో కెమెరాలకు చిక్కారు. ఒకరినొకరు కౌగిలించుకుని, ముద్దులు పెట్టుకుంటూ ఎంజాయ్ చేసిన వీడియోలు వైరల్ అవుతున్నాయి. కేటీ పెర్రీ స్వయంగా షేర్ చేసిన ఈ క్యూట్ అండ్ రొమాంటిక్ ఫొటోలు ఇప్పుడు నెట్టింట సంచలనం రేపుతున్నాయి. ఆ విశేషాలు చూద్దాం..

పార్కులో రొమాంటిక్ పిక్నిక్:

కెనడా మాజీ ప్రధాని జస్టిన్ ట్రూడో, ప్రముఖ పాప్ సింగర్ కేటీ పెర్రీ ప్రస్తుతం ఫుల్ ఎంజాయ్ చేస్తున్నారు. వీరిద్దరూ కాలిఫోర్నియాలోని ఒక అందమైన పార్కులో పిక్నిక్‌కు వెళ్లారు. ఇక అక్కడ ఎవరూ లేరనుకున్నారో ఏమో కానీ, ఒకరినొకరు కౌగిలించుకుని ముద్దులు పెట్టుకుంటూ ఎంతో సన్నిహితంగా గడిపారు. ప్రస్తుతం దీనికి సంబంధించిన వీడియోలు, ఫొటోలు ఇంటర్నెట్‌ను ఊపేస్తున్నాయి.

ఫిఫా మ్యాచ్ నుండి కాలిఫోర్నియా దాకా:

గత కొన్ని రోజులుగా ఈ జంట వరుసగా కలిసి కనిపిస్తూ అందరి దృష్టిని ఆకర్షిస్తోంది. మొన్నటికి మొన్న అమెరికాలోని లాస్ ఏంజెలిస్‌లో జరిగిన ఫిఫా వరల్డ్ కప్ మ్యాచ్‌కు ఇద్దరూ కలిసే హాజరయ్యారు. ఇక ఆ ముచ్చట తీరకముందే ఇప్పుడు కాలిఫోర్నియా వీధుల్లో చెట్టాపట్టాలేసుకుని తిరుగుతూ, కెమెరాల కంటికి చిక్కారు.

చిన్నారితో సరదాగా ట్రూడో:

ఈ రొమాంటిక్ పిక్నిక్‌లో కేవలం వీరిద్దరే లేరు. కేటీ పెర్రీ ఐదేళ్ల కుమార్తె డెయిసీ డోవ్ కూడా వీరితోనే ఉంది. ఇక పార్కులో ఆ చిన్నారితో జస్టిన్ ట్రూడో ఎంతో సరదాగా ఆడుకుంటూ కనిపించారు. ఒక పక్క లవర్ తో రొమాన్స్, మరోపక్క ఆమె కూతురితో అల్లరి చేస్తూ ట్రూడో ఫుల్ టైమ్ స్పెండ్ చేశారు.

స్వయంగా షేర్ చేసిన కేటీ పెర్రీ:

ఈ ట్రిప్‌కు సంబంధించిన అందమైన క్షణాలను, ఫొటోలను కేటీ పెర్రీ స్వయంగా తన అఫీషియల్ సోషల్ మీడియా ఖాతాలో అభిమానులతో పంచుకున్నారు. ఇక దీంతో వీరిద్దరి రిలేషన్‌షిప్‌పై వస్తున్న వార్తలకు మరింత బలం చేకూరినట్లయింది. ఈ ఫొటోలు చూసిన సోషల్ మీడియా లో రకరకాలుగా కామెంట్లు పెడుతున్నారు.

ఒక దేశానికి ప్రధానిగా చేసిన వ్యక్తి, ఇలా పాప్ సింగర్‌తో ఓపెన్‌గా పార్కులో ముద్దులు పెట్టుకుంటూ కనిపించడం అంతర్జాతీయ మీడియాలో పెద్ద సంచలనంగా మారింది. వీరి క్రేజీ లవ్ స్టోరీ మున్ముందు ఇంకెన్ని మలుపులు తిరుగుతుందో చూడాలి. ఇక ఏదేమైనా ఈ ఇంటర్నేషనల్ లవ్ స్టోరీ మాత్రం ఇప్పుడు నెట్టింట తెగ వైరల్ అవుతోంది.