భారత్ ఒడిలోకి చేరిన మరో సుదర్శన్ చక్రం.. పాక్ వెన్నులో వణుకు!

భారత రక్షణ రంగంలో సరికొత్త సంచలనం నమోదైంది. శత్రువుల గుండెల్లో నిద్రపోయే అత్యంత శక్తివంతమైన 'S-400 ఎయిర్ డిఫెన్స్ సిస్టమ్' (సుదర్శన చక్రం) రూపంలో మరో బ్రహ్మాస్త్రం మన అమ్ములపొదిలోకి చేరింది. రష్యాతో జరిగిన ఒప్పందంలో భాగంగా తాజాగా నాలుగో S-400 యూనిట్ ఇండియాకు వచ్చింది. గతంలో 'ఆపరేషన్ సిందూర్' సమయంలో ఈ క్షిపణి వ్యవస్థ పాకిస్థాన్‌కు చుక్కలు చూపించింది. ఇప్పుడు మరో యూనిట్ కూడా రావడంతో మన శత్రు దేశాల గుండెల్లో అప్పుడే వణుకు మొదలైంది. ఆ వివరాలు చూద్దాం..

శత్రువులకు సింహస్వప్నం.. S-400:

భారత సైన్యం ముద్దుగా 'సుదర్శన చక్రం' అని పిలుచుకునే ఈ S-400 సిస్టమ్ ప్రపంచంలోనే అత్యంత ప్రమాదకరమైన ఎయిర్ డిఫెన్స్ క్షిపణి వ్యవస్థ. ఇది శత్రువులకు సంబంధించిన యుద్ధ విమానాలు, క్రూయిజ్ క్షిపణులు, డ్రోన్లను ఆకాశంలోనే గుర్తించి క్షణాల్లో వాటిని తుత్తునియలు చేయగలదు.ఇక ఆపరేషన్ సిందూర్ సమయంలో మన సరిహద్దుల్లో ఇది సృష్టించిన ఇంపాక్ట్ చూసి పాకిస్థాన్ మిలిటరీ ఇప్పటికీ భయపడుతూనే ఉంటుంది.

రాజస్థాన్ సరిహద్దుల్లో మోహరింపు:

రష్యా నుండి దిగుమతి అయిన ఈ సరికొత్త నాలుగో యూనిట్‌ను కూడా పాకిస్థాన్ సరిహద్దులకు అత్యంత సమీపంలో ఉన్న రాజస్థాన్ సెక్టార్‌లో మోహరించేందుకు మన రక్షణ శాఖ ప్లాన్ చేస్తున్నట్టు సమాచారం. ఇక ఇక్కడ దీనిని ఫిక్స్ చేయడం వల్ల పాక్ సరిహద్దుల నుండి ఎలాంటి చిన్న డ్రోన్ లేదా మిస్సైల్ మన వైపు దూసుకొచ్చినా, అది భారత్‌లోకి అడుగుపెట్టక ముందే గాల్లోనే పేలిపోవడం ఖాయం.

నవంబర్‌లో ఐదో అస్త్రం:

భారత్-రష్యా మధ్య జరిగిన డీల్ ప్రకారం మొత్తం ఐదు S-400 యూనిట్లు ఇండియాకు రావాల్సి ఉంది. ఇప్పటివరకు విజయవంతంగా నాలుగు యూనిట్లు మన దేశానికి చేరుకున్నాయి. ఇక చివరిదైన ఐదో యూనిట్ కూడా ఈ ఏడాది నవంబర్ నాటికి మన చేతికి వచ్చే అవకాశాలు మెండుగా ఉన్నాయని రక్షణ వర్గాలు చెబుతున్నాయి. ఇవన్నీ పూర్తయితే భారత ఆకాశాన్ని టచ్ చేసే ధైర్యం ఏ శత్రువు కూడా చేయలేడు.

సుదర్శన్ పవర్ నెక్స్ట్ లెవెల్:

ఈ సుదర్శన చక్రం పవర్ ఎలాంటిదంటే, దాదాపు 400 కిలోమీటర్ల దూరంలో ఉన్న శత్రువుల కదలికలను కూడా ఇది ఇట్టే పసిగట్టేస్తుంది. దీని రాడార్ వ్యవస్థ చాలా పవర్‌ఫుల్. ఒకేసారి వందలాది టార్గెట్లను ట్రాక్ చేస్తూ, దేశ రక్షణకు పెట్టని కోటలా నిలుస్తుంది. ఈ అత్యాధునిక రక్షణ కవచం మన సైన్యానికి తోడవడంతో సరిహద్దుల్లో భారత్ బలం నెక్స్ట్ లెవెల్‌కి చేరిందని చెప్పాలి.

శతృ దేశాల కుతంత్రాలకు చెక్ పెడుతూ భారత్ తన సైనిక శక్తిని రోజురోజుకూ పెంచుకుంటూ పోతోంది. ఈ సరికొత్త S-400 యూనిట్ రాకతో మన ఎయిర్ డిఫెన్స్ మరింత పటిష్టంగా మారింది. పాక్ బోర్డర్‌లో దీని మోహరింపుతో మన సరిహద్దులు మరింత సురక్షితంగా మారనున్నాయి. దేశ రక్షణ కోసం రేయింబవళ్లు శ్రమిస్తున్న మన డిఫెన్స్ రంగానికి మరియు ఈ 'సుదర్శన చక్రాన్ని' సాధించినందుకు మనందరం గర్వపడాల్సిందే.