• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  జగన్ ‘మావిగన్’.....

జగన్ ‘మావిగన్’.. చంద్రబాబు ఫస్ట్ రియాక్షన్

| రాజధాని అమరావతి పేరు ఉచ్చరించడానికి కూడా మాజీ ముఖ్యమంత్రి జగన్ కు మనసొప్పడం లేదని ముఖ్యమంత్రి చంద్రబాబు ధ్వజమెత్తారు.

By - Tupaki Political Desk
Update: 2026-04-02 06:59 GMT

రాజధాని అమరావతి పేరు ఉచ్చరించడానికి కూడా మాజీ ముఖ్యమంత్రి జగన్ కు మనసొప్పడం లేదని ముఖ్యమంత్రి చంద్రబాబు ధ్వజమెత్తారు. అమరావతిపై నిత్యం విషం కక్కడమే జగన్ నైజమని, అమరావతి అంటేనే అతడికి కంపరం పట్టుకుంటుందని సీఎం చంద్రబాబు విమర్శించారు. రాజధాని అమరావతికి చట్టబద్ధత బిల్లుకు పార్లమెంటు ఉభయ సభల ఆమోదం లభించిన సందర్భాన్ని చారిత్రక విజయంగా ముఖ్యమంత్రి చంద్రబాబు అభివర్ణించారు. కూటమి నేతలతో నిర్వహించిన టెలికాన్ఫరెన్స్ లో మాజీ సీఎం జగన్ పై చంద్రబాబు తీవ్రస్థాయిలో ధ్వజమెత్తారు.

రాజధాని బిల్లును ఆమోదించిన కేంద్రానికి ప్రతిఒక్కరూ ధన్యవాదాలు తెలపాలని ముఖ్యమంత్రి చంద్రబాబు పిలుపునిచ్చారు. ఈ చారిత్రాత్మక సందర్భాన్ని పెద్ద ఎత్తున సెలబ్రేట్ చేసుకోవాలని సూచించారు. తాను మధ్యాహ్నం ఉద్దండరాయునిపాలెంలో జరిగే సంబరాల్లో పాల్గొంటానని చంద్రబాబు వెల్లడించారు. మా రాజధాని అమరావతి అన్న భావన ప్రతి ఒక్కరికీ రావాలని చంద్రబాబు సూచించారు. రాజధాని బిల్లు పాస్ అయినందున ఈ రోజు సాయంత్రం ప్రతి గ్రామంలో వేడుకలు నిర్వహించాలని కూటమి నేతలకు సీఎం దిశానిర్దేశం చేశారు.

కూటమి నేతలతో నిర్వహించిన టెలికాన్ఫరెన్స్ లో ముఖ్యమంత్రి చంద్రబాబు తీవ్ర భావోద్వేగానికి లోనయ్యారు. అమరావతికి బదులుగా మచిలీపట్నం, విజయవాడ, గుంటూరు కలిపి రాజధాని ప్రాంతంగా ప్రకటించాలని మాజీ సీఎం జగన్ ప్రతిపాదనలపై సీఎం ఘాటుగా స్పందించారు. అమరావతి ఏపీ ప్రజల సెంటిమెంటు అని పేర్కొన్నారు. ఐదేళ్ల పాటు రాష్ట్రానికి రాజధాని లేకుండా చేశారని ధ్వజమెత్తారు. ఇప్పుడు మావిగన్ అంటూ వింత పేర్లు పెడుతున్నారని ఆక్షేపించారు. ఇలాంటి ప్రతిపాదనలతో అమరావతిపై వారికి ఉన్న ద్వేషాన్ని బయటపెడుతున్నారని ఆగ్రహం వ్యక్తం చేశారు. గతంలోనూ రాజధానిలో ఉన్న ఎస్ఆర్ఎం కళాశాలకు ‘‘ఎస్ఆర్ఎం అమరావతి’’ అని పేరు ఉంటే అమరావతిని తీసేయాలని యాజమాన్యంపై ఒత్తిడి తీసుకువచ్చారని చంద్రబాబు ఆరోపించారు.

అమరావతిపై జగన్ వైఖరి భవిష్యత్తులో కూడా మారదని నిన్నటితో మరోసారి స్పష్టమైందని చంద్రబాబు స్పష్టం చేశారు. గత ఐదేళ్లు మీకు మూడు రాజధానులా అంటూ అందరూ ఎగతాళి చేశారని, అమరావతి చట్టం ద్వారా ఏకైక రాజధాని అన్న గౌరవం దక్కిందని చంద్రబాబు ఆనందం వ్యక్తం చేశారు. మన రాజధానికి స్థిరత్వం దక్కేలా చేసిన ప్రధాని మోదీ, హోంమంత్రి అమిత్ షాకు చంద్రబాబు ధన్యవాదాలు తెలిపారు. రాజధాని అమరావతిలో అభివృద్ధి సవ్యంగా జరగాలని ప్రతి ఒక్కరూ కోరుకోవాలని ముఖ్యమంత్రి వ్యాఖ్యానించారు.

Tags:    
  • amaravati 
  • andhrapradesh 
  • chandrababu 
  • jaganmohanreddy 
  • appolitics 
  • capitalcity 
  • appoliticalnews 

Similar News

ఆ ఒక్క తప్పు చేస్తే మళ్లీ కష్టాలే : ప్రధాని మోదీ హెచ్చరిక.. తినడం, తిరగడం, తాగడంపై ఆసక్తికర వ్యాఖ్యలు

2026-11-19 14:30 GMT

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

విజ‌య‌న‌గ‌రం.. బాబు వ‌రం ఎవ‌రికి?

2026-11-19 09:55 GMT

Copyright @2026

Powered by Blink CMS