శ్రీ విష్ణు ‘విన్యాసం’.. బాక్సాఫీస్ బుకింగ్స్ ఎలా ఉన్నాయి?

టాలీవుడ్ బాక్సాఫీస్ దగ్గర కంటెంట్ క్లిక్కయితే ఆడియెన్స్ నుంచి వచ్చే రియాక్షన్ మామూలుగా ఉండదు. ముఖ్యంగా కామెడీ జానర్‌లో వచ్చే సినిమాలకు ఆడియన్స్ ఇచ్చే రెస్పాన్స్ ఎప్పుడూ స్పెషల్ గానే ఉంటుంది. రీసెంట్ టైమ్స్‌లో సరైన ఎంటర్టైన్మెంట్ కోసం ఎదురుచూస్తున్న ప్రేక్షకులకు యంగ్ హీరో శ్రీ విష్ణు తనదైన స్టైల్ లో ట్రీట్ ఇచ్చారు. రిలీజ్ కు ముందు నుంచి పాజిటివ్ బజ్ క్రియేట్ చేసిన విష్ణు విన్యాసం సినిమా, ఇప్పుడు థియేటర్లలో హడావుడి చేస్తోంది.

సాధారణంగా కామెడీ సినిమాలకు మొదటి రోజు వచ్చే రెస్పాన్స్ కంటే, రెండో రోజు వచ్చే మౌత్ టాక్ చాలా కీలకం. ఈ విషయంలో ఈ హీరో గట్టిగానే సక్సెస్ అయ్యారు. సినిమాలోని కథనం, వినోదం ప్రేక్షకులను నవ్విస్తుండటంతో థియేటర్ల దగ్గర సందడి రెట్టింపు అయింది. వీకెండ్ కావడంతో ఫ్యామిలీ ఆడియన్స్ కూడా భారీగా తరలివస్తున్నారు. దీంతో వసూళ్ల గ్రాఫ్ ఒక్కసారిగా పెరిగింది.

'విష్ణు విన్యాసం' బాక్సాఫీస్ దగ్గర సాలిడ్ ట్రెండ్ చూపిస్తోంది. మొదటి రోజు కంటే రెండో రోజు ఏకంగా 54% పైగా బుకింగ్స్ ని నమోదు చేయడం ఇప్పుడు హాట్ టాపిక్‌గా మారింది. బుకింగ్స్ పోర్టల్స్‌లో టికెట్ల అమ్మకాలు చూస్తుంటే శ్రీ విష్ణు కామెడీ మ్యాజిక్ ఏ రేంజ్ లో వర్కవుట్ అయిందో అర్థమవుతోంది. పబ్లిక్ టాక్ పాజిటివ్ గా ఉండటంతో కలెక్షన్స్ లో ఈ జంప్ కనిపించింది.

లెక్కల ప్రకారం చూస్తే, మొదటి రోజు 31.2 వేల టికెట్లు అమ్ముడవగా, రెండో రోజు ఆ సంఖ్య ఏకంగా 48.17 వేలకు చేరుకుంది. ఈ లెవల్ గ్రోత్ అంటే మామూలు విషయం కాదు. మొదటి రోజే రూ. 3.95 కోట్ల గ్రాస్ వసూలు చేసిన ఈ చిత్రం, రెండో రోజు అంతకు మించిన జోరును ప్రదర్శించింది. శ్రీ విష్ణు తన కామెడీ టైమింగ్‌తో మరోసారి బాక్సాఫీస్ విన్నర్‌గా నిలిచారు. యధునాధ్ మారుతీ రావు దర్శకత్వంలో వచ్చిన ఈ సినిమా, జాతకాలు వాస్తు చుట్టూ తిరిగే ఒక జూనియర్ లెక్చరర్ కథతో సాగుతుంది. నయన సారిక హీరోయిన్‌గా నటించగా, సత్య బ్రహ్మాజీల కామెడీ టైమింగ్ సినిమాకు పెద్ద ప్లస్ అయింది. వీకెండ్‌లో పెద్ద సినిమాల పోటీ లేకపోవడం కూడా ఈ మూవీకి బాగా కలిసి వస్తోంది.

మళ్ళీ శ్రీ విష్ణు 'విష్ణు విన్యాసం'తో బాక్సాఫీస్ దగ్గర వీకెండ్ డామినేషన్ మొదలుపెట్టేశారు. మూడో రోజు కూడా అడ్వాన్స్ బుకింగ్స్ చాలా స్ట్రాంగ్ గా ఉండటంతో, ఈ వీకెండ్ ముగిసే సరికి సినిమా ఒక రికార్డు వసూళ్లను సాధించే అవకాశం ఉంది. నేటి తరం ప్రేక్షకులకు కావాల్సిన వినోదాన్ని పక్కాగా అందించడంలో ఈ ‘విన్యాసం’ సక్సెస్ అయింది. కామెడీ ఇష్టపడే వారికి ఈ సినిమా ఒక పర్ఫెక్ట్ ఛాయిస్ అని మేకర్స్ చెబుతున్నారు. ఇక సోమవారం నుంచి సినిమా లెక్కలు ఎలా ఉంటాయో చూడాలి.