ఆ సీన్ తో నాకేం సంబంధం లేదు!
| ఈ నేప‌థ్యంలో తాజాగా దీనిపై న‌టుడు విజ‌య్ ఆంటోనీ స్పందించాడు. 'ఈ వ్య‌వ‌హారంతో నాకెలాంటి సంబంధం లేదు.
తమిళ న‌టుడు విజ‌య్ ఆంటోనీ హీరోగా విజ‌య్ మిల్ట‌న్ తెర‌కెక్కించిన 'మ‌ళై పిడిక్క‌త మ‌నిత‌న్'( తెలుగులో 'తుఫాన్') టైటిల్ తో తెలుగులో ఆగ‌స్టు 2న రిలీజ్ అయిన సంగతి తెలిసిందే. అయితే ఓ స‌న్నివేశం విష‌యంలో సినిమా చ‌ర్చ‌నీయాంశంగా మారింది. ప‌ద్ద‌తి ప్ర‌కారం ఎలాంటి సెన్సార్ క‌ట్ లేకుండానే సినిమా సెన్సార్ అయింది. అయితే రిలీజ్ త‌ర్వాత సినిమాలో లేని ఓ స‌న్నివేశం యాడ్ అయి థియేట‌ర్ లో క‌నిపించింది.
దీంతో ముందు థియేట‌ర్లో ఆడియ‌న్స్ ఆ త‌ర్వాత విషయం తెలిసి యూనిట్ షాక్ అయింది. తాము తీయ‌ని స‌న్నివేశం సినిమాలోకి ఎలా వ‌చ్చింద‌ని అంతా ఆశ్చ‌ర్య‌పోతున్నారు. ఈ నేప‌థ్యంలో తాజాగా దీనిపై న‌టుడు విజ‌య్ ఆంటోనీ స్పందించాడు. 'ఈ వ్య‌వ‌హారంతో నాకెలాంటి సంబంధం లేదు. ఆ స‌న్నివేశం నేను చేయ‌లేదు. విజ‌య్ తెర‌కెక్కించిన చిత్రం మ‌ళై పిడిక్క‌త మ‌నిత‌న్(తుపాన్). త‌మ అనుమ‌తి లేకుండా రెండు నిమిషాల స‌న్నివేశం జోడించార‌ని తెలిసి బాద‌ప‌డ్డా.
దాంతో నాకెంలాంటి సంబంధం లేదు. అలాగే ఇది 'స‌లీమ్ -2' అనుకుంటున్నారు. కానీ కాదు' అని అన్నారు. అలాగే ద‌ర్శ‌కుడు విజ‌య్ మిల్ట‌న్ కూడా స్పందిచాడు. ' క్లారిటీ ఇచ్చినందుకు ధ‌న్య‌వాదాలు. సినిమా ప‌ట్ల ఉన్న అభిరుచితో ఇంత దూరం ప్ర‌యాణం చేసాం. నిర్మాత‌కి-అత‌నికి మ‌ధ్య ఉన్న స‌మ‌స్య‌లు స‌ద్దుమ‌ణిగాయి. సినిమా ఆరంభంలోనే గుర్తు తెలియ‌ని వ్య‌క్తులు యాడ్ చేసిన స‌న్నివేశాన్ని తొల‌గిస్తున్నాం. స‌హ‌క‌రించిన వారంద‌రికీ కృత‌జ్ఞ‌త‌లు.
ఆ సీన్ మేము సెన్సార్ చేసిన స‌మ‌యంలోనే లేదు. సెన్సార్ అయిన త‌ర్వాతే ఎవ‌రో కావాల‌ని యాడ్ చేసి ఉంటారు. సినిమా ఆరంభంలోనే ఆ కీలక స‌న్నివేశం ప్ర‌ద‌ర్శించ‌డం చూసి షాక్ అయ్యాను. ముందే ఆ స‌న్నివేశం చూపించ‌డం వ‌ల్ల ఇదొక సాధార‌ణ సినిమాగా మారింది. ఆ త‌ప్పు ఎవరు చేసారో క‌చ్చితంగా క‌నిపెడంతా' అని అన్నారు.