ఫ్యాన్స్‌ను కదిలించిన రష్మిక పోస్ట్… ఎమోషనల్ మెసేజ్ వైరల్

టాలీవుడ్ మోస్ట్ క్రేజీ కపుల్ విజయ్ దేవరకొండ, రష్మిక మందన్న ఎట్టకేలకు ఒకటయ్యారు. ఫిబ్రవరి 26న ఉదయ్‌పూర్‌లో అట్టహాసంగా జరిగిన వీరి పెళ్లి ఫొటోలు నెట్టింట ఇంకా ట్రెండ్ అవుతూనే ఉన్నాయి. ఈ క్రమంలోనే ఒక అభిమాని వీరి బంధం గురించి రాసిన ఎమోషనల్ నోట్ రష్మిక కంట తడి పెట్టించింది. ఆ పోస్ట్‌కు స్పందిస్తూ రష్మిక చేసిన ట్వీట్ ఇప్పుడు సోషల్ మీడియాలో వైరల్‌గా మారింది. "నిజమైన ప్రేమ అంటే మనల్ని స్వేచ్ఛగా ఉంచేది" అంటూ ఆమె చెప్పిన మాటలు అందరినీ ఆకట్టుకుంటున్నాయి. ఆ వివరాలు చూద్దాం..

రష్మికను కదిలించిన ఫ్యాన్ నోట్ - ఎమోషనల్ రిప్లై:

సినిమా ఇండస్ట్రీలో ఎన్ని విజయాలు అందుకున్నా, తన వ్యక్తిత్వాన్ని మరియు కష్టాన్ని ఎవరైనా గుర్తిస్తే ఆ ఆనందమే వేరు. రష్మిక విషయంలో కూడా అదే జరిగింది. ఒక నెటిజన్ రష్మిక ప్రయాణం గురించి, విజయ్‌తో ఆమెకు ఉన్న బంధం, ఒకరిపై ఒకరికి ఉన్న గౌరవం గురించి చాలా గొప్పగా రాశారు. ఇక అది చదివిన రష్మిక, చాలా కాలం తర్వాత తన గురించి చదివి ఇంతలా భావోద్వేగానికి గురయ్యానని పేర్కొంది. తన జీవితంలో ఒక కొత్త అందమైన ప్రయాణం మొదలైందని, ఆ ప్రయాణాన్ని గుర్తించి ప్రోత్సహించినందుకు అభిమానులకు ధన్యవాదాలు తెలిపింది.

ప్రేమంటే స్వేచ్ఛ - రష్మిక ఫిలాసఫీ:

ప్రేమ గురించి రష్మిక పంచుకున్న ఆలోచనలు ఇప్పుడు హాట్ టాపిక్‌గా మారాయి. "మనకు స్వేచ్ఛను ఇచ్చే ప్రేమనే వెతుక్కోండి" అంటూ ఆమె ఇచ్చిన మెసేజ్ ఎంతో మీనింగ్ ఉంది. విజయ్, రష్మికల మధ్య ఉన్న స్నేహం ఇప్పుడు పెళ్లి బంధంగా మారడం పట్ల ఫ్యాన్స్ ఫుల్ ఖుషీగా ఉన్నారు. రష్మిక తన ట్వీట్‌లో "చెప్పాలనుకున్న విషయాలు చాలా ఉన్నా, మాటల్లో చెప్పడం కష్టంగా ఉంది" అని తన సంతోషాన్ని వ్యక్తపరిచింది. ఇక నేషనల్ క్రష్ చేసిన ఈ పోస్ట్ ఆమెలోని సున్నితమైన మనసును ప్రతిబింబిస్తోంది.

ప్రేక్షకలోకంతో సంబరాలు..

ఈ జంట తమ పెళ్లి సంతోషాన్ని కేవలం కుటుంబ సభ్యులకే పరిమితం చేయకుండా అభిమానులతో కూడా పంచుకుంటున్నారు. తమ వివాహం సందర్భంగా దేశవ్యాప్తంగా స్వీట్స్ పంపిణీ చేయడమే కాకుండా, పలు దేవాలయాల్లో అన్నదాన కార్యక్రమాలు కూడా నిర్వహిస్తున్నారు.ఇక అంతేకాక 200 మంది ఫాన్స్ ను మీట్ అయ్యారు.వారికీ స్వయంగా భోజనం వడ్డించి ప్రేమను చాటుకున్నారు. అందరి దీవెనలు తమకు ఉండాలని కోరుకుంటూ ఇలాంటి కార్యక్రమాలు ఎన్నో చేసారు. సెలబ్రిటీలు తమ పెళ్లిని ఇలా సేవా కార్యక్రమాలతో జరుపుకోవడం పట్ల సర్వత్రా ప్రశంసలు కురుస్తున్నాయి. రష్మిక, విజయ్ జోడీ కలకాలం ఇలాగే సంతోషంగా ఉండాలని నెటిజన్లు ఆకాంక్షిస్తున్నారు. విజయ్ దేవరకొండ - రష్మికల పెళ్లి టాలీవుడ్‌లో ఒక మధుర జ్ఞాపకంగా మిగిలిపోనుంది. ఒకరినొకరు అర్థం చేసుకుంటూ, స్వేచ్ఛనిచ్చే ప్రేమతో ఈ జంట కొత్త జీవితాన్ని మొదలుపెట్టడం నిజంగా ముచ్చటేస్తోంది. ఆమె అన్నట్లుగా అటువంటి 'లిబరేటింగ్ లవ్' అందరికీ దొరకాలని మనము కోరుకుందాం.