మూడు నెలలు లేట్ గా వైష్ణవ్ తేజ్

మెగా ఫ్యామిలీ నుంచి వచ్చిన వైష్ణవ్ తేజ్ మొదటి సినిమా ఉప్పెనతో బ్లాక్ బస్టర్ హిట్ ని ఖాతాలో వేసుకున్నారు. తరువాత క్రిష్ తో కొండపొలం సినిమా చేశారు. ఈ సినిమా ఏవరేజ్ టాక్ తెచ్చుకుంది. తరువాత రంగరంగ వైభవంగా అనే సినిమాతో ప్రేక్షకుల ముందుకి రాగా అది కాస్తా డిజాస్టర్ అయ్యింది. అతని నాలుగో చిత్రంగా ఆదికేశవ మూవీ తెరకెక్కింది. శ్రీకాంత్ రెడ్డి దర్శకత్వంలో సిద్ధమైన ఈ మూవీ రిలీజ్ కి రెడీ అయ్యింది.

శ్రీలీల ఈ మూవీలో వైష్ణవ్ తేజ్ కి జోడీగా నటిస్తోంది. యాక్షన్ ఎంటర్టైనర్ గా తెరకెక్కిన ఈ మూవీ నిజానికి ఆగష్టులోనే రిలీజ్ కావాల్సి ఉంది. డేట్ కూడా ఎనౌన్స్ చేశారు. ఆగష్టు 15న గ్రాండ్ గా రిలీజ్ చేయాలని అనుకున్నారు. అయితే సినిమా పోస్ట్ ప్రొడక్షన్ వర్క్ కంప్లీట్ కాకపోవడంతో వాయిదా పడింది.

శ్రీలీల బర్త్ డే సందర్భంగా ఓ చిన్న టీజర్ రిలీజ్ చేశారు. అయితే మూవీ పోస్ట్ ప్రొడక్షన్ ఇంకా చాలా పూర్తికావాల్సి ఉంది. ఈ నేపథ్యంలో వాయిదా వేసినట్లు తెలుస్తోంది. నవంబర్ 10న ఈ చిత్రాన్ని రిలీజ్ చేయాలని అనుకుంటున్నారంట. ఈ రిలీజ్ డేట్ అఫీషియల్ గా ఎనౌన్స్ చేయడానికి సిద్ధం అవుతున్నారు. వైష్ణవ్ తేజ్ నుంచి కంప్లీట్ కమర్షియల్ జోనర్ లో వస్తోన్న మూవీ ఆదికేశవ.

ఈ కారణంగా సినిమాపై అతను చాలా హోప్స్ పెట్టుకున్నారు. కచ్చితంగా ఆదికేశవతో సక్సెస్ అందుకోవడంతో తన మీద ఉన్న బ్యాడ్ రిమార్క్ ని చెరిపేసుకోవాలని అనుకుంటున్నాడు. మెగా ఫ్యామిలీ నుంచి వచ్చి ఏ హీరో కూడా ఆరంభంలో ఇలా బ్యాక్ టూ బ్యాక్ డిజాస్టర్స్ కొట్టలేదు. మరి ఆదికేశవ ఆ హిట్ తో తన ఫేట్ కూడా మారిపోతుందని ఎక్స్ పెక్టేషన్స్ తో ఉన్నారు.

మరి ఈ మూవీ అతనికి ఎలాంటి హిట్ ఇస్తుందనేది చూడాలి. ఇక దర్శకుడు శ్రీకాంత్ రెడ్డి మంచు మనోజ్ తో అహం బ్రహ్మాస్మి అనే సినిమాని పాన్ ఇండియా రేంజ్ లో స్టార్ట్ చేశారు. మళ్ళీ ఏమైందో ఆ ప్రాజెక్ట్ ని పక్కన పెట్టి ఆదికేశవ చేస్తున్నారు. ఈ చిత్రం సక్సెస్ అయితే ఒక పెద్ద హీరోతో పాన్ ఇండియా ప్రాజెక్ట్ చేయాలని ప్లాన్ చేసుకుంటున్నారు.