పుష్ప 2.. ఐటెమ్ సాంగ్ కోసం ఆమె ఓకే కానీ..

అల్లు అర్జున్ ప్రధాన పాత్రలో తెరకెక్కుతున్న "పుష్ప 2: ది రూల్" సినిమాకు సంబంధించిన లేటెస్ట్ గాసిప్స్ అభిమానుల్లో ఆసక్తిని రేకెత్తిస్తోంది. ఈ చిత్రం దర్శకత్వం వహిస్తున్న సుకుమార్, మొదటి భాగం "పుష్ప: ది రైజ్" విజయాన్ని దృష్టిలో ఉంచుకుని మరింత జాగ్రత్తగా వర్క్ చేస్తున్నారు. అందులో భాగంగా, ఈ సారి కూడా ప్రత్యేక ఐటెమ్ సాంగ్ కోసం చర్చలు జరగడం జరిగింది.

సుకుమార్ సినిమా అంటే అందులో తప్పనిసరిగా ఐటెమ్ సాంగ్ ఉండాల్సిందే. అల్లు అర్జున్ స్టెప్పులు దేవిశ్రీప్రసాద్ మ్యూజిక్ లో మిక్స్ అయ్యే ఐటమ్ సాంగ్ ఇప్పటివరకు ఫ్లాప్ కాలేదు. ఈ కాంబో మ్యూజిక్ విషయంలో అసలు అనుమానాలు పెట్టుకోవాల్సిన అవసరం ఉండదు. ఇక సెకండ్ పార్ట్ లో చిందులేసే చిన్నది ఎవరు అనే విషయంలో చాలా రకాల రూమర్స్ వైరల్ అవుతున్నాయి.

లేటెస్ట్ గా వినిపిస్తున్న టాక్ ప్రకారం, ఈ ఐటెమ్ సాంగ్ కోసం "అనిమల్" సినిమాతో గుర్తింపు పొందిన త్రిప్తి దిమ్రి ను ఎంపిక చేసినట్లు తెలుస్తోంది. ఆ బ్యూటీ గ్లామర్ డోస్ ఏ రేంజ్ లో ఉంటుందో ప్రత్యేకంగా చెప్పనవసరం లేదు. అయితే వచ్చిన సమస్యల్లా ఆమె బన్నీకి పోటీగా ఉండి స్టెప్పులతో మెప్పించగలదా లేదా అనేది అసలు ప్రశ్న. డ్యాన్స్ విషయంలో అమ్మడు హార్డ్ వర్క్ చేస్తే పుష్ప రాజ్ తో బెస్ట్ జోడి అవుతుంది. ఇక ఈ సాంగ్ జూన్ నెలలో ప్రత్యేకంగా నిర్మించిన సెట్‌లో షూట్ చేయనున్నారని సమాచారం.

మొదటి భాగంలో సమంత నటించిన ఐటెమ్ సాంగ్ ప్రేక్షకులను ఆకట్టుకోవడంతో, ఈ సారి కూడా అదే స్థాయిలో విజయం సాధించేందుకు చిత్రబృందం ప్రతీ చిన్న విషయాన్ని కూడా జాగ్రత్తగా పరిశీలిస్తోంది. త్రిప్తి దిమ్రి యువతలో మంచి గుర్తింపు తెచ్చుకున్న నటి. ఆమె ఎనర్జీ, ప్రదర్శన ఈ ఐటెమ్ సాంగ్‌కు కచ్చితంగా మంచి హైలైట్ అవుతుందని చిత్రబృందం భావిస్తోంది.

ఇక దేవిశ్రీ ప్రసాద్ ఈ సాంగ్ కోసం అద్భుతమైన మ్యూజిక్ అందించినట్లు సమాచారం. ఇక "పుష్ప 2: ది రూల్" ఆగస్టు 15న విడుదలకు సిద్ధమవుతోంది. ఈ చిత్రంలో అల్లు అర్జున్, రష్మిక మందన్న, ఫహాద్ ఫాసిల్, సునీల్, అనసూయ ప్రధాన పాత్రలలో కనిపించనున్నారు. మైత్రి మూవీ మేకర్స్ ఈ భారీ బడ్జెట్ సినిమాను నిర్మిస్తున్నారు. అల్లు అర్జున్ అభిమానులు ఈ సినిమా కోసం ఎంతో ఆసక్తిగా ఎదురుచూస్తున్నారు. ఈ సినిమా విజయం అల్లు అర్జున్ కెరీర్‌కు కొత్త మైలురాయిగా నిలిచే అవకాశముంది. ఇక భారీ స్థాయిలో అంచనాలను క్రియేట్ చేస్తున్న ఈ సినిమా బాక్సాఫీస్ వద్ద ఎలాంటి రికార్డులను అందుకుంటుందో చూడాలి.