ఆద‌మ‌రిచి కెమెరా ముందు ఉత్తమ నటి
| తాజాగా ఈ సీనియ‌ర్ నటి ఓ ఫోటోషూట్ లో పాల్గొంది. అయితే కెమెరా ముందు మైమ‌రిచి రెచ్చిపోయింది.
జాతీయ ఉత్తమ న‌టిగా ఆమె సుప్ర‌సిద్ధురాలు. కెరీర్‌లో ఎన్నో ఫైనెస్ట్ పెర్ఫామెన్సెస్‌తో ప్ర‌జ‌ల హృద‌యాల్లో నిలిచారు. 53 వ‌య‌సులోను బిజీ నటి. ఏజ్‌లెస్ బ్యూటీగా నేటిత‌రంతో పోటీప‌డుతూ దూసుకెళుతోంది. సోష‌ల్ మీడియాల్లోను ఫోటోషూట్ల‌తో ఆక‌ట్టుకుంటోంది. తాజాగా ఈ సీనియ‌ర్ నటి ఓ ఫోటోషూట్ లో పాల్గొంది. అయితే కెమెరా ముందు మైమ‌రిచి రెచ్చిపోయింది. చెప్పులు గిరాటేసి.. సోఫాలో ఆద‌మ‌రిచి కెమెరాకు ఫోజులిచ్చింది. బ్లాక్ ఫ్రాక్ ధ‌రించి కెమెరా ముందు రెచ్చిపోయిన ఈ బ్యూటీ ఎవ‌రో ప‌రిచ‌యం అవ‌స‌రం లేదు. నటి టబు ర‌క‌ర‌కాల భంగిమ‌ల‌తో ఫోజులివ్వ‌గా, కెమెరా ఫ్లాష్‌లు మెరిసాయి. ప్ర‌స్తుతం ఈ ఫోటోషూట్ ఇంట‌ర్నెట్ లో వైర‌ల్ గా మారింది.
53ఏళ్ల వెట‌ర‌న్ నటి టబు తన కెరీర్ ఆద్యంతం ప్ర‌యోగాత్మ‌క పాత్ర‌ల్లో న‌టించి మెప్పించారు. ఇటీవ‌ల `క్రూ` చిత్రంలో ఎయిర్ హోస్టెస్ గా గ్లామరస్ పాత్ర‌లో ఆక‌ట్టుకున్న టబు, ఆంగ్ల వెబ్ సిరీస్ `డూన్: ప్రొఫెసీ`లో అద్భుత న‌ట‌న‌తో అల‌రించార‌ని ప్ర‌శంస‌లు అందుకుంటున్నారు. న‌టిగా సుదీర్ఘ‌మైన అనుభ‌వాన్ని ఉప‌యోగించి `డూన్` చిత్రంలో న‌న్ పాత్ర‌లో న‌టించింద‌ని ప్ర‌శంస‌లు కురుస్తున్నాయి. పరిపూర్ణమైన న‌ట‌ప్రతిభతో టబు తన పేరును ప్రపంచ పటంలో చిర‌స్థాయిగా నిలుపుకుందని అమెరికా ప్ర‌జ‌లు, ఎన్నారైలు ప్ర‌శంసిస్తున్నారు.
డూన్‌లో కీల‌క పాత్ర‌ధారి ఎమిలీ వాట్స‌న్ ట‌బును ప్ర‌శంసిస్తూ.. `నిజమైన నిధి` అని వ్యాఖ్యానించారు. ``టబుతో కలిసి పనిచేయడం చాలా అందమైన అనుభవం. ఆమె నిజమైన నిధి.. చాలా అందమైన ఉదారమైన వ్యక్తి.. అద్భుతమైన నటి.. మేం కలిసి కొంత నాణ్య‌మైన సమయాన్ని గడిపాము`` అని ఎమిలీ హిందూస్తాన్ టైమ్స్‌తో అన్నారు. తాము కలిసి విందు వినోదాల్లో మునిగి తేలామ‌ని కూడా తెలిపారు.