• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  Entertainment >  8 వారాల ఓటీటీ విండో: సౌత్...

8 వారాల ఓటీటీ విండో: సౌత్ ఇండస్ట్రీలో కొత్త నిబంధనల‌తో స‌వాళ్లు

| ఓటీటీ ప్లాట్‌ఫారమ్‌ల విస్తృతి పెరిగిన తర్వాత థియేటర్లకు వచ్చే ప్రేక్షకుల సంఖ్య తగ్గుతోందని గుర్తించిన దక్షిణ భారత చలనచిత్ర పరిశ్రమలు ఇప్పుడు కీలక నిర్ణయాల దిశగా అడుగులు వేస్తున్నాయి.

By - Sivaji Kontham
Update: 2026-04-21 03:15 GMT

ఓటీటీ ప్లాట్‌ఫారమ్‌ల విస్తృతి పెరిగిన తర్వాత థియేటర్లకు వచ్చే ప్రేక్షకుల సంఖ్య తగ్గుతోందని గుర్తించిన దక్షిణ భారత చలనచిత్ర పరిశ్రమలు ఇప్పుడు కీలక నిర్ణయాల దిశగా అడుగులు వేస్తున్నాయి. సినిమా విడుదలైన వెంటనే ఓటీటీలో ప్రత్యక్షమవడం వల్ల చిత్ర పరిశ్రమ తీవ్రంగా నష్టపోతోందని నిర్మాతలు గ్రహించారు. ఈ క్రమంలోనే దక్షిణాది పరిశ్రమలన్నీ ఏకతాటిపైకి వచ్చి `సౌత్ ఇండియన్ ఫిల్మ్ ప్రొడ్యూసర్స్ అసోసియేషన్` (SIFPA) అనే కొత్త సంస్థను ఏర్పాటు చేశాయి. ఈ సంస్థ ప్రధానంగా థియేట్రికల్ రన్‌ను కాపాడటం.. ఓటీటీ గడువును నియంత్రించడంపై దృష్టి సారించింది.

ముఖ్యంగా ఈ భేటీలో 8 వారాల ఓటీటీ విండో గడువుపై సుదీర్ఘంగా చర్చించారు. సినిమా థియేటర్లలో విడుదలైన తర్వాత కనీసం రెండు నెలల వరకు ఓటీటీలో స్ట్రీమింగ్ చేయకూడదనే నిబంధనను తీసుకురావాలని నిర్మాతలు యోచిస్తున్నారు. పరస్పర సంప్రదింపులు లేకుండా ఓటీటీ సంస్థలు తీసుకునే నిర్ణయాలు వేలాది మంది సినీ కార్మికుల జీవనోపాధిని దెబ్బతీస్తున్నాయని వారు ఆందోళన వ్యక్తం చేశారు. ప్రస్తుతం నిర్మాణ దశలో ఉన్న ప్రాజెక్టులకు ఎటువంటి ఇబ్బందులు కలగకుండా.. ఈ కొత్త నిబంధనలను సమిష్టిగా అమలు చేయడానికి ఒక ఉన్నత స్థాయి స్టీరింగ్ కమిటీని కూడా ఏర్పాటు చేయడం గమనార్హం.

అయితే 8 వారాల గడువు నిబంధన వల్ల నిర్మాతలకు ఆర్థికంగా కొన్ని చిక్కులు ఎదురయ్యే అవకాశం ఉందని భావిస్తున్నారు. ఓటీటీ సంస్థలు ఒక సినిమాకు భారీ ధర చెల్లించడానికి ప్రధాన కారణం `వాల్యూ ఆఫ్ ఇమ్మీడియసీ`...అంటే సినిమా థియేటర్లలోకి వచ్చిన 3 లేదా 4 వారాల్లోనే డిజిటల్ ప్లాట్‌ఫారమ్‌లో అందుబాటులోకి వస్తే దానికి ఉండే క్రేజ్ వేరుగా ఉంటుంది. ఒకవేళ ఈ గడువును 8 వారాలకు పెంచితే అప్పటికే చాలా మంది ప్రేక్షకులు సినిమాను చూసేయడం లేదా పైరసీ బారిన పడటం వల్ల వ్యూవర్‌షిప్ తగ్గే ప్రమాదం ఉంటుంది. దీనివల్ల ఓటీటీ సంస్థలు సినిమాలకు ఇచ్చే రేట్లు తగ్గించే అవకాశం ఉందని విశ్లేషకులు అంచనా వేస్తున్నారు.

మరో ప్రధాన అంశం ఏమిటంటే.. ఒక సినిమాపై సోషల్ మీడియాలో ఉండే ఆసక్తి కేవలం రెండు మూడు వారాలు మాత్రమే బలంగా ఉంటుంది. డిజిటల్ ప్లాట్‌ఫారమ్‌లు ఈ హైప్‌ను సబ్‌స్క్రిప్షన్లుగా మార్చుకోవాలని చూస్తాయి. గడువు పెరిగే కొద్దీ ఆ ఆసక్తి క్షీణించి... కొత్త సబ్‌స్క్రైబర్లు వచ్చే అవకాశం తగ్గుతుంది. దీనివల్ల ఓటీటీ ఒప్పందాల్లో మార్పులు వచ్చే ఛాన్స్ ఉంది. కొన్ని సందర్భాల్లో కేవలం హిట్ సినిమాలకు మాత్రమే మంచి ధర లభించి, యావరేజ్ సినిమాలకు రేట్లు భారీగా పడిపోయే ప్రమాదం లేకపోలేదు. ఇది చిన్న- మధ్య తరహా చిత్రాల నిర్మాతలపై అదనపు భారాన్ని మోపవచ్చు.

ఏది ఏమైనా ఈ 8 వారాల గడువు వల్ల థియేటర్ వ్యవస్థకు మేలు జరుగుతుందని నిర్మాతలు నమ్ముతున్నారు. సినిమా థియేటర్లలో ఎక్కువ రోజులు ఆడితే వచ్చే రెవెన్యూ షేర్... ఓటీటీ ధరలో వచ్చే తగ్గింపును భర్తీ చేయగలదని వారి ఆశ. ముఖ్యంగా స్టార్ హీరోల సినిమాలకు ఎలాగూ క్రేజ్ ఉంటుంది కాబట్టి... గడువు పెంచినా ఓటీటీ సంస్థలు వాటిని వదులుకోవడానికి ఇష్టపడవు. అంతిమంగా ఇది కంటెంట్ నాణ్యత .. థియేటర్లలో సినిమాను ప్రేక్షకులు ఎంతవరకు ఆదరిస్తారనే దానిపైనే ఆధారపడి ఉంటుంది. సినిమా మనుగడ కోసం థియేటర్.. ఓటీటీల మధ్య సరైన సమతుల్యత సాధించడం ఇప్పుడు అత్యవసరమ‌ని విశ్లేషిస్తున్నారు.

Tags:    
  • ott 
  • southcinema 
  • theatres 
  • filmindustry 
  • sifpa 
  • digitalstreaming 
  • boxoffice 
  • indiancinema 
  • producers 

Similar News

ఆర్తి అగర్వాల్, తరుణ్ కోసం ఆమె తండ్రిని ఆలస్యంగా రప్పించిన దర్శకుడు.. భలే ప్లాన్ చేశారంటూ ప్రశంసలు!

2026-11-19 14:30 GMT

వెంకటేష్ చిత్రంలో నటించొద్దని చెప్పారు!

2026-11-19 13:30 GMT

కీర్తి పెర్ఫామెన్స్‌కు దర్శకుడు కదిలిపోయి..

2026-11-19 12:30 GMT

ట్రెండీ టాక్: జాతీయ ఉత్త‌మ న‌టి ప్ర‌యోగాలు

2026-11-19 10:30 GMT

సైఫ్ అలీ ఖాన్‌కు బెదిరింపులు.. హత్య కేసులో నిందితుడి పేరుతో డెత్ థ్రెట్!

2026-11-19 10:07 GMT

కృతి, కీర్తిలతో కలిసి రజినీకాంత్‌గా మారిన అనిల్ రావిపూడి..!

2026-11-19 09:55 GMT

చైతూ గురించి మీనాక్షి ఇంట్రస్టింగ్‌ కామెంట్స్‌

2026-11-19 09:54 GMT

హీరోయిన్ల వ్య‌క్తిగ‌త జీవితాల్లో హీరోలు!

2026-11-19 09:30 GMT

Tupaki Exclusive: ఫౌజీ సినిమా వేరే లెవెల్‌లో ఉంటుంది. నాకు మొత్తం కథ తెలుసు...

2026-11-19 08:26 GMT

Tupaki Exclusive: వెంకీ సార్ కి చైతు కి మధ్య తేడా ఇదే...!

2026-11-19 08:24 GMT

టాలీవుడ్ గ్లోబ‌ల్ పెట్టుబ‌డుల‌ను రాబ‌ట్టాలంటే CM రేవంత్ విజ‌న్!

2026-11-19 08:18 GMT

నేపో కిడ్స్ వ‌ల్ల‌నే ఈ యువ‌న‌టుడికి ఛాన్సుల్లేవా? వెక్కి వెక్కి ఏడ్చాడు!

2026-11-19 08:08 GMT

Copyright @2026

Powered by Blink CMS