• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  Entertainment >  రేఖ‌తో బ‌ల‌వంత‌పు ముద్దు...

రేఖ‌తో బ‌ల‌వంత‌పు ముద్దు స‌న్నివేశం!

| సినీ పరిశ్రమలో కొన్ని దశాబ్దాల క్రితం జరిగిన సంఘటనలు.. నాటి షూటింగ్ సంస్కృతి నేటి ఆధునిక కాలంలో తరచూ చర్చనీయాంశంగా మారుతుంటాయి.

By - Srikanth Kontham
Update: 2026-06-15 09:30 GMT

సినీ పరిశ్రమలో కొన్ని దశాబ్దాల క్రితం జరిగిన సంఘటనలు.. నాటి షూటింగ్ సంస్కృతి నేటి ఆధునిక కాలంలో తరచూ చర్చనీయాంశంగా మారుతుంటాయి. ముఖ్యంగా పూర్వపు రోజుల్లో మహిళా నటీమణుల పట్ల సెట్స్‌పై జరిగిన కొన్ని వ్యవహారాలు.. నేటి మీటూ .. మహిళల హక్కుల చైతన్య యుగంలో తీవ్ర విమర్శలకు గురవు తున్నాయి. గతంలో పబ్లిసిటీ కోసమో లేదా సీన్‌లలో సహజత్వం కోసమో నటీనటుల ప్రమేయం, అనుమతి లేకుండా చిత్రీకరించిన కొన్ని సన్నివేశాలు ఇప్పటికీ వివాదాలకు కేంద్రబిందువుగా నిలుస్తున్నాయి.

అలాంటి ఓ సంచలన పాత వివాదం బాలీవుడ్ దిగ్గజ నటి రేఖ - సీనియర్ నటుడు బిస్వజీత్ ఛటర్జీల మధ్య జరిగిన ముద్దు సన్నివేశానికి సంబంధించింది. `అంజనా సఫర్` చిత్ర షూటింగ్ సమయంలో అప్పుడే పరిశ్రమలోకి అడుగుపెట్టిన యువ నటి రేఖకు ఎలాంటి ముందస్తు సమాచారం లేకుండా బిస్వజీత్ ఆమెను బలవంతంగా ముద్దుపెట్టుకున్నారనే ఆరోపణ ఉంది. ఈ సంఘటన రేఖను తీవ్ర దిగ్భ్రాంతికి గురిచేసిందని.. సెట్స్‌లోనే ఆమె కళ్లల్లో నీళ్లు తిరిగాయని అప్పట్లో పెద్ద ఎత్తున వార్తలు వచ్చాయి.

దీనిపై తాజాగా బిస్వజీత్ కుమార్తె ప్రిమా ఛటర్జీ కీలక వ్యాఖ్యలు చేశారు. ఆనాటి సంఘటనలో తన తండ్రి ప్రవర్తనను పూర్తిగా సమర్థించకుండా.. నేటి తరం ఆలోచనలకు అనుగుణంగా ఆమె మాట్లాడారు. నటి రేఖ నుండి ముందస్తు అనుమతి తీసుకోకపోవడం ఖచ్చితంగా తప్పేనని అంగీకరించారు. ఏ రంగంలోనైనా? ఏ కాలంలోనైనా? మహిళకు సంబంధించిన ఆత్మగౌరవాన్ని.. వ్యక్తిగత అనుమతిని గౌరవించడం అత్యంత ఆవశ్యకమని పేర్కొన్నారు.

ఈ మొత్తం వ్యవహారానికి తన తండ్రిని మాత్రమే ఒంటరిగా బాధ్యుడిని చేయడం సరికాదని ప్రిమా అభిప్రా యపడ్డారు. ఆ రోజుల్లో దర్శకుడే సెట్స్‌పై సర్వాధికారిగా ఉండేవారని.. దర్శకుడు రాజా నవాతే ఇచ్చిన కఠినమైన ఆదేశాల మేరకే బిస్వజీత్ ఆ సన్నివేశంలో నటించాల్సి వచ్చిందని గుర్తుచేశారు. నటి నుండి సహజమైన హావభావాలు రాబట్టడానికి దర్శకుడు పన్నిన వ్యూహంలో తన తండ్రి ఒక భాగస్వామి మాత్రమేనని కాబట్టి పూర్తి తప్పు ఆయనదే అనడం స‌రి కాదని వాదించారు.

ఆనాటి బాలీవుడ్ పరిశ్రమలో పని వాతావరణం, నటీనటుల మధ్య సరిహద్దులు నేటిలా స్పష్టంగా ఉండేవి కావు. ఒక నటి ఇష్టాయిష్టాలతో సంబంధం లేకుండా కథ డిమాండ్ పేరుతో, కమర్షియల్ ఎలిమెంట్స్ కోసమో ఇలాంటి పనులు చేసే ధోరణి ఎక్కువగా ఉండేది. నేటి ఆధునిక సినిమాల్లో ఇంటిమసీ కోఆర్డినేట‌ర్లు ఉంటూ శృంగార లేదా ముద్దు సన్నివేశానికి ముందు నటీనటుల రాతపూర్వక అనుమతి తీసుకుంటున్న విధానాన్ని చూస్తే ఇండస్ట్రీ ఎంతగా మారిందో అర్థమవుతుంది.

గతంలో జరిగిన తప్పులను నేటి సామాజిక ప్రమాణాలతో పూర్తిగా తప్పుపట్టలేనప్పటికీ వాటి నుండి పాఠాలు నేర్చుకోవడం అవసరం. నటుడు బిస్వజీత్ కుమార్తె చేసిన వ్యాఖ్యలు పాత తరం ఇండస్ట్రీలోని లోపాలను ఒప్పుకుంటూనే.. బాధ్యతను కేవలం నటుడిపైనే కాకుండా నాటి వ్యవస్థపై కూడా నెట్టే ప్రయత్నాన్ని చూపి స్తున్నాయి. ఏదేమైనా? చలనచిత్ర పరిశ్రమలో సృజనాత్మకత పేరిట నటీనటుల ఆత్మగౌరవాన్ని, హక్కులను తాకట్టు పెట్టకూడదనే స్పృహ పెరగడం శుభపరిణామం.

Tags:    
  • rekha 
  • biswajit 
  • primachatterjee 
  • bollywood 
  • cinemacontroversy 

Similar News

ట్రెండీ టాక్: జాతీయ ఉత్త‌మ న‌టి ప్ర‌యోగాలు

2026-11-19 10:30 GMT

సైఫ్ అలీ ఖాన్‌కు బెదిరింపులు.. హత్య కేసులో నిందితుడి పేరుతో డెత్ థ్రెట్!

2026-11-19 10:07 GMT

కృతి, కీర్తిలతో కలిసి రజినీకాంత్‌గా మారిన అనిల్ రావిపూడి..!

2026-11-19 09:55 GMT

చైతూ గురించి మీనాక్షి ఇంట్రస్టింగ్‌ కామెంట్స్‌

2026-11-19 09:54 GMT

హీరోయిన్ల వ్య‌క్తిగ‌త జీవితాల్లో హీరోలు!

2026-11-19 09:30 GMT

Tupaki Exclusive: ఫౌజీ సినిమా వేరే లెవెల్‌లో ఉంటుంది. నాకు మొత్తం కథ తెలుసు...

2026-11-19 08:26 GMT

Tupaki Exclusive: వెంకీ సార్ కి చైతు కి మధ్య తేడా ఇదే...!

2026-11-19 08:24 GMT

టాలీవుడ్ గ్లోబ‌ల్ పెట్టుబ‌డుల‌ను రాబ‌ట్టాలంటే CM రేవంత్ విజ‌న్!

2026-11-19 08:18 GMT

నేపో కిడ్స్ వ‌ల్ల‌నే ఈ యువ‌న‌టుడికి ఛాన్సుల్లేవా? వెక్కి వెక్కి ఏడ్చాడు!

2026-11-19 08:08 GMT

మాతృశిశు మంగళ ఆశీర్వాదం పద్ధతిలో సమంత సీమంతం.. శీతల్ క్లారిటీ!

2026-11-19 08:08 GMT

శ్రీలీల ఈసారి తెలుగు సినిమాల‌కు ఒకే చెబుతుందా?

2026-11-19 08:07 GMT

నితిన్ వర్సెస్ చైతూ.. అసలు ఫైట్ దర్శకులదే!

2026-11-19 08:07 GMT

Copyright @2026

Powered by Blink CMS