గేమ్​ ఛేంజర్​.. ఇదెక్కడి కన్ఫ్యూజన్ శంకరా..

కోలీవుడ్ టాప్ డైరెక్టర్ శంకర్​... మెగా పవర్ స్టార్ రామ్ చరణ్​తో ఆర్.ఆర్.ఆర్ విడుదలకు ముందే గేమ్ ఛేంజర్ మూవీ షూటింగ్​ను మొదలు పెట్టారు. కానీ మధ్యలో శంకర్​కు ఇండియన్ 2 షూటింగ్ కచ్చితంగా చేయాల్సిన పరిస్థితి రావడంతో ఏడాదిన్నరగా.. రెండింటినీ బ్యాలెన్స్​ చేసుకుంటూ వస్తున్నారు.

అయితే ఈ మధ్యే ఇండియన్ 2 సినిమాకు సంబంధించిన విషయాలపై ఓ క్లారిటీ వచ్చినా.. గేమ్​ ఛేంజర్ షూటింగ్​, విడుదల తేదీపై స్పష్టత ఓ కొలిక్కి రాలేదు. వాస్తవానికి ఈ మధ్యే.. ఇండియన్ 2 షూటింగ్ పూర్తై రిలీజ్ డేట్ కన్ఫామ్​ అయ్యాక.. ఇక గేమ్​ ఛేంజర్​కు కష్టాలు తప్పాయి అని అంతా అనుకున్నారు. ఇక శంకర్​ ఫోకస్ మొత్తం గేమ్​ ఛేంజర్​పైనే ఉంటుందని ఆశించారు.

అనుకున్నట్టే.. తాజాగా గేమ్​ ఛేంజర్​ లేటెస్ట్​ షెడ్యూల్ షూటింగ్ ప్రారంభమైనట్లు వార్తలు వచ్చాయి. ఒకేసారి గచ్చిబౌలి, వికారాబాద్​లో రెండు చోట్ల సినిమా చిత్రీకరిస్తున్నారని తెలిసింది. దీంతో త్వరగా షూటింగ్ పూర్తవుతుందని అంతా భావించారు. కానీ ఇక్కడ ఓ సడెన్ ట్వీస్ట్ తెరపైకి వచ్చింది.

అదేంటంటే.. తాజాగా ఇండియన్ 2కు సంబంధించి డబ్బింగ్ థియేటర్​లో కమల్​ హాసన్​తో పాటు శంకర్ దర్శనమిచ్చారు. అంటే శంకర్​.. అక్కడ ఉంటే.. మరి ​గచ్చిబౌలి, వికారాబాద్​లో గేమ్​ ఛేంజర్ షూటింగ్ చేసేదెవరు? శంకర్​ లేకుండానే​ రామ్​చరణ్​పై సన్నివేశాలు చిత్రీకరిస్తున్నారా? లేదంటే ఇండియన్​ 2 నుంచి విడుదలైన డబ్బింగ్ థియేటర్​ వీడియో పాతదా? అన్న ప్రశ్నలు తలెత్తుతున్నాయి.

ఏదేమైనప్పటికీ చరణ్ ఫ్యాన్స్​ మాత్రం కాస్త బాధపడుతున్నారు. శంకర్​ లేకుండానే చరణ్​పై సన్నివేశాలను చిత్రీకరించడం, సినిమా ఔట్​ఫుట్​కు డ్యామేజ్​ అవొచ్చని అభిప్రాయపడుతున్నారు. గతంలోనూ కొన్ని సీన్స్​ను ఇలానే శంకర్​ లేకుండా తెరకెక్కించారు. అసలే సినిమా ఆలస్యమవుతూ వస్తోంది. ఇలాంటి సమయంలో తాజాగా శంకర్ లేకుండా షూట్ అవుతుందా అనే అనుమానాలు... ఫ్యాన్స్​ను కాస్త హర్ట్ చేస్తున్నాయి. చూడాలి మరి ఈ సినిమా షూటింగ్ ఎప్పుడూ పూర్తవుతుందో?, రిలీజ్​ డేట్​ను ఎప్పుడు కన్ఫామ్ చేసుకుంటుందో..