రాజమౌళి చిత్రాలపై క్రీడాకారుల ఆసక్తి.. అవకాశం ఇస్తారా?

దర్శకధీరుడు ఎస్‌ఎస్ రాజమౌళి సృష్టించే లార్జర్ ద్యాన్ లైఫ్ విజువల్స్, అద్భుతమైన ఎమోషన్స్‌కు ప్రపంచవ్యాప్తంగా వీరాభిమానులున్నారు. కేవలం సినిమా రంగానికే పరిమితం కాకుండా, గ్లోబల్ స్పోర్ట్స్ స్టార్స్ సైతం ఆయన సినిమాల్లో నటించేందుకు క్యూ కడుతుండటం ఇప్పుడు సరికొత్త హాట్ టాపిక్‌గా మారింది. ఆస్ట్రేలియా క్రికెటర్ డేవిడ్ వార్నర్ నుండి నిన్నటికి నిన్న జపాన్ ఓపెన్ గెలిచి హిస్టరీ క్రియేట్ చేసిన భారత స్టార్ షట్లర్ పీవీ సింధు వరకు.. జక్కన్న సినిమాల్లో చిన్న రోల్ దొరికినా చాలని ఓపెన్‌గా ఆఫర్లు ఇస్తున్నారు. ఈ నేపథ్యంలో అసలు స్పోర్ట్స్ ఐకాన్స్ రాజమౌళి గ్లోబల్ ప్రాజెక్టుల్లో మెరిసే ఛాన్స్ ఉందా అనే విశ్లేషణ నెట్టింట జోరందుకుంది.

జపాన్ ఓపెన్ విక్టరీ.. సింధు క్రేజీ ఆఫర్:

ఇటీవల జపాన్ ఓపెన్ టోర్నమెంట్‌లో చారిత్రాత్మక విజయం సాధించి, ఈ టైటిల్ గెలిచిన తొలి భారతీయురాలిగా కంబ్యాక్ ఇచ్చిన పీవీ సింధును అభినందిస్తూ రాజమౌళి సోషల్ మీడియాలో ప్రశంసలు కురిపించారు. దీనికి సింధు ఎంతో సరదాగా స్పందిస్తూ.. "థ్యాంక్యూ సో మచ్ సార్. మీ 'వారణాసి' సినిమా కోసం ఎదురుచూస్తున్నా. ఒకవేళ మీ సినిమాలో బ్యాడ్మింటన్ ప్లేయర్ పాత్ర అవసరమైతే, మీ కొత్త హీరోయిన్‌గా నటించడానికి నేను ఎప్పుడూ రెడీ" అంటూ క్రేజీ రిప్లై ఇచ్చింది. ఇక సింధు ఇచ్చిన ఆఫర్ ఇప్పుడు టాలీవుడ్ సోషల్ మీడియా లో విపరీతంగా షేర్ అవుతోంది.

వార్నర్ బాహుబలి రచ్చ.. జక్కన్న క్రేజ్:

రాజమౌళి సినిమాలపై ఇలా స్పోర్ట్స్ స్టార్స్ మనసు పారేసుకోవడం ఇదే మొదటిసారి కాదు. ఆస్ట్రేలియా ఓపెనర్ డేవిడ్ వార్నర్ అయితే బాహుబలి, ఆర్ఆర్ఆర్ సినిమాలలోని డైలాగులు, సాంగ్స్‌ను రీక్రియేట్ చేస్తూ సోషల్ మీడియాలో చేసిన రచ్చ అంతా ఇంతా కాదు. ఇక జక్కన్న డైరెక్షన్‌లో ఒక్క ఛాన్స్ వస్తే యాక్ట్ చేయడానికి తాను ఎప్పుడూ సిద్ధమేనని వార్నర్ పలుమార్లు తన ఇన్‌స్టా వేదికగా ప్రకటించారు. సినిమా బౌండరీలను దాటి క్రీడాకారుల సైతం జక్కన్న బ్రాండ్‌కు ఫిదా అయిపోవడమే ఇందుకు నిదర్శనం.

'వారణాసి' లో గ్లోబల్ కామియోస్ ఉంటాయా?:

సూపర్ స్టార్ మహేష్ బాబు హీరోగా, ఆఫ్రికన్ అడవులు, అంటార్కిటికా, వారణాసి నేపథ్యంలో రాజమౌళి తెరకెక్కిస్తున్న ఆల్-టైమ్ బిగ్గెస్ట్ ఇండియన్ ప్రాజెక్ట్ 'వారణాసి' పై అంచనాలు ఆకాశంలో ఉన్నాయి. 2027 ఏప్రిల్ 7న రిలీజ్ కానున్న ఈ గ్లోబల్ అడ్వెంచర్ మూవీలో క్రీడాకారులు కోరుకున్నట్లు చిన్న చిన్న క్యామియో రోల్స్ ఏమైనా ఉంటాయా అనే ఆశ అభిమానుల్లో మొదలైంది.

క్రీడాకారులు స్క్రీన్ పై కనిపించడం అనేది వెండితెరకు ఎప్పుడూ ఒక ప్రత్యేకమైన హైప్‌ను ఇస్తుంది. డేవిడ్ వార్నర్, పీవీ సింధు లాంటి స్టార్స్ స్వయంగా ఆసక్తి చూపించడంతో జక్కన్న వీరి రిక్వెస్ట్‌లను ఫ్యూచర్ ప్రాజెక్ట్స్‌లో ఎలాగైనా కన్సిడర్ చేస్తారేమో చూడాలి. ఒకవేళ రాజమౌళి గనుక క్రీడాకారులకు తన సినిమాల్లో ఛాన్స్ ఇస్తే మాత్రం అది బాక్సాఫీస్ వద్ద సరికొత్త రికార్డులకు దారితీస్తుంది. మరి 2027 లో రాబోయే 'వారణాసి' తోనే ఈ గ్లోబల్ మ్యాజిక్ స్టార్ట్ అవుతుందో లేదో తెలియాలంటే రాజమౌళి నుండి అప్‌డేట్ వచ్చే వరకు వేచి చూడాల్సిందే..