హాలీవుడ్ బిజీ షెడ్యూల్ మధ్య వారణాసికి ప్రియాంక ప్రాధాన్యం!

భారతీయ సినీ పరిశ్రమ అంతర్జాతీయ స్థాయిలో తన ముద్రను బలంగా వేస్తున్న ఈ సమయంలో, ప్రపంచవ్యాప్తంగా గుర్తింపు పొందిన నటీనటులు భారతీయ ప్రాజెక్టులకు త‌మ టైమ్ ను కేటాయించడం ప్రత్యేకంగా నిలుస్తోంది. అలాంటి వారిలో ప్రియాంక చోప్రా పేరు ముందువరుసలో ఉంటుంది. హాలీవుడ్‌లో వరుస సినిమాలు, వెబ్ సిరీస్‌లు, ఇంట‌ర్నేష‌న‌ల్ బ్రాండ్స్ తో డీల్స్, గ్లోబల్ ఈవెంట్లు వంటి బిజీ షెడ్యూల్ మధ్య కూడా ఆమె ఎస్.ఎస్. రాజమౌళి తెరకెక్కిస్తున్న ప్రతిష్టాత్మక సినిమా వారణాసి కోసం తన డేట్స్ ను కేటాయించడం ఇండస్ట్రీ వర్గాల్లో చర్చనీయాంశంగా మారింది. ఒక గ్లోబల్ స్టార్‌గా ఉన్నప్పటికీ, ఇండియ‌న్ స్టోరీస్‌పై ఆమె చూపుతున్న ఇంట్రెస్ట్ ఈ డెసిష‌న్‌లో స్పష్టంగా కనిపిస్తోందని సినీ విశ్లేషకులు భావిస్తున్నారు.

వారణాసి మూవీ కేవలం మరో పాన్ ఇండియా సినిమాగా కాకుండా ఇండియ‌న్ సినిమా గ్లోబల్ మార్కెట్‌ను మరింత విస్తరించాలనే టార్గెట్ తో రూపొందుతున్న భారీ ప్రాజెక్ట్‌గా దీనిని ఇండ‌స్ట్రీ చూస్తోంది. టాలీవుడ్‌కు చెందిన డైరెక్ట‌ర్ రాజమౌళి, తెలుగు సూపర్‌స్టార్ మహేష్ బాబు, బాలీవుడ్‌కు చెందిన ప్రియాంక చోప్రా, అంతర్జాతీయ స్థాయిలో పని చేస్తున్న పలువురు టెక్నీషియన్ల కలయిక ఈ సినిమాకు స్పెష‌ల్ ఎట్రాక్ష‌న్ గా మారింది. ఇలాంటి ప్రాజెక్ట్‌లో భాగం కావడం కోసం ప్రియాంక తన ఇతర కమిట్‌మెంట్ల మధ్య స్పెష‌ల్ గా షూటింగ్ షెడ్యూల్‌ను ప్లాన్ చేసుకోవడం, ఈ సినిమాపై ఆమెకున్న నమ్మకాన్ని ప్రతిబింబిస్తోందని సినీ వర్గాలు విశ్లేషిస్తున్నాయి.

ఇదే సమయంలో, ప‌ర్స‌న‌ల్ లైఫ్ మ‌రియు ప్రొఫెష‌న‌ల్ లైఫ్ ను బ్యాలెన్స్ చేయడంలో కూడా ప్రియాంక మరోసారి త‌న‌ ప్రత్యేకతను చాటుకుంటున్నారు. షూటింగ్ కోసం ఇండియాకు వస్తూనే భర్త నిక్ జోనస్, కూతురితో క‌లిసి ప్రయాణించడం అభిమానుల దృష్టిని ఆకర్షించింది. ఇంట‌ర్నేష‌న‌ల్ స్టార్‌డ‌మ్ మధ్య కూడా ఫ్యామిలీకి టైమ్ కేటాయిస్తూ, మరోవైపు షూటింగ్ బాధ్యతలను సమర్థవంతంగా నిర్వహించడం ఆమె వర్క్ లైఫ్ బ్యాలెన్స్‌కు ఉదాహరణగా నిలుస్తోంది. కెరీర్ ఎంత బిజీగా ఉన్నా, కుటుంబాన్ని వెంట తీసుకెళ్లే ఆమె విధానం అనేక మంది అభిమానుల ప్రశంసలను అందుకుంటోంది.

రాజమౌళి సినిమాలు సాధారణంగా లాంగ్ ప్లాన్స్, కచ్ఛితమైన షెడ్యూల్‌లు, భారీ స్థాయి నిర్మాణంతో సాగుతాయి. అలాంటి ప్రాజెక్ట్‌లో నటీనటుల డేట్స్ సమన్వయం అత్యంత కీలకం. అందుకే ప్రియాంక తన ఇంటర్నేష‌న‌ల్ కమిట్‌మెంట్ల మధ్య కూడా వారణాసి సినిమాకి ప్రాధాన్య‌మివ్వడం చిత్ర బృందానికి కీలకమైన అంశంగా భావిస్తున్నారు. ఈ సినిమా ద్వారా మరోసారి భారతీయ సినిమా ప్రపంచవ్యాప్తంగా డిస్క‌ష‌న్ కు రావచ్చనే అంచనాలు వ్యక్తమవుతున్నాయి. ప్రియాంక కమిట్‌మెంట్, రాజమౌళి విజన్, మహేష్ బాబు స్టార్ పవర్ కలిసి వారణాసిని ఇంట‌ర్నేష‌న‌ల్ ఆడియ‌న్స్ దృష్టిని ఆకర్షించే ప్రాజెక్ట్‌గా నిలబెట్టే అవకాశాలు కనిపిస్తున్నాయి.