ప్రభాస్ వస్తే.. తప్పుకోవాల్సిందే..

వచ్చే ఏడాది సంక్రాంతి కోసం ఇప్పటి నుంచి చాలా సినిమాలు బెర్త్ లు కన్ఫర్మ్ చేసుకుంటున్నాయి. ఈ రేసులో మెగాస్టార్ విశ్వంభర మూవీ ఒకటి ఉంది. అలాగే వెంకీ 76 మూవీ కూడా రేసులో ఉంది. దిల్ రాజు ప్రొడక్షన్ నుంచి శతమానం భవతి నెక్స్ట్ పేజీ కూడా రానున్నట్లు ప్రకటించారు. కింగ్ నాగార్జున బంగార్రాజు మూవీ కూడా బరిలో ఉంటుందని క్లారిటీ ఇచ్చారు.

ఇలా నాలుగు సినిమాల వరకు పోటీలో కనిపిస్తున్నాయి. వీటిలో ఎన్ని ఉంటాయనేది ప్రస్తుతానికి అయితే క్లారిటీ లేదు. కానీ ఇప్పుడు మరో పెద్ద ప్రాజెక్ట్ లైన్ లోకి వచ్చింది. మారుతి దర్శకత్వంలో ప్రభాస్ హీరోగా తెరకెక్కుతోన్న రాజాసాబ్ మూవీ షూటింగ్ దశలో ఉంది. ఈ సినిమాని వచ్చే ఏడాది సంక్రాంతికి రిలీజ్ చేసే ప్లాన్ లో ఉన్నామని నిర్మాత విశ్వప్రసాద్ తెలిపారు. మారుతి అయితే రిలీజ్ డేట్ పై ఇప్పటి వరకు ఎలాంటి ప్రకటన చేయలేదు.

కానీ నిర్మాత మాత్రం సంక్రాంతి రేసులో ఉండబోతున్నట్లు ఒక మాట చెప్పారు. అదే జరిగితే ఇప్పుడున్న వాటిలో ఒకటి, రెండు సినిమాలు కచ్చితంగా వాయిదా వేసుకోవాల్సిందే. ప్రభాస్ మూవీ థియేటర్స్ లోకి వస్తుంది అంటే తెలుగు ఆడియన్స్ మొదటి ప్రాధాన్యత ఆ సినిమానే అవుతోంది. ప్రభాస్ తో పోటీ పడే ప్రయత్నం ఎవరూ చేయడం లేదు. అలా పోటీ పడిన షారుక్ ఖాన్ డంకీ సినిమాకి ఎలాంటి రిజల్ట్ వచ్చిందో అందరికి తెలిసిందే.

రాజాసాబ్ మూవీ షూటింగ్ మెజారిటీ భాగం సింగిల్ లొకేషన్ లోనే ఉండబోతోంది. హర్రర్ కామెడీ జోనర్ లో సిద్ధం అవుతోంది. రీసెంట్ గా ప్రభాస్ ఫస్ట్ లుక్ కూడా రిలీజ్ అయ్యింది. కాస్తా జోనియల్ గా లుంగీలో ఈ పోస్టర్ లో ప్రభాస్ కనిపిస్తున్నాడు. దీనిని బట్టి రాజాసాబ్ మూవీ కంప్లీట్ ఫన్ ఎంటర్టైన్మెంట్ గా ఉండబోతోందని అర్ధమవుతోంది. మాళవిక మోహనన్, నిధి అగర్వాల్, ఆషికా రంగనాథ్ మూవీలో హీరోయిన్స్ గా నటిస్తున్నారు.

ముగ్గురు హీరోయిన్స్, ప్రభాస్ చేసే సందడి రాజాసాబ్ లో ఆధ్యంతం నవ్విస్తుందంట. ఎలా ఉన్న సంక్రాంతి రేసులో మాత్రం ప్రభాస్ రాజాసాబ్ రిలీజ్ అయితే కచ్చితంగా గట్టి పోటీ ఇచ్చే మూవీగానే ఉండనుంది. ముఖ్యంగా విశ్వంభర, రాజాసాబ్ మధ్య సంక్రాంతి ఫైట్ ఉండొచ్చని భావిస్తున్నారు.