సమంత రెండో పెళ్లి.. పూనమ్ పరోక్ష విమర్శలు!
మరోవైపు సమాజంలో జరిగే పలు అంశాలపై స్పందిస్తూ వార్తల్లో నిలిచే ఈమె.. తాజాగా సమంత రెండో పెళ్లి పై ఇన్ డైరెక్ట్ గా కామెంట్లు చేసి అందరినీ ఆశ్చర్యపరిచింది.;
పూనమ్ కౌర్.. 'మాయాజాలం' అనే సినిమాతో తెలుగు ప్రేక్షకులను పలకరించిన ఈ పంజాబీ ముద్దుగుమ్మ.. ఈ మధ్య ఎక్కువగా సోషల్ మీడియా వార్తల్లో నిలుస్తున్న విషయం తెలిసిందే. ముఖ్యంగా గురూజీగా పిలవబడుతున్న ప్రముఖ దర్శకుడు త్రివిక్రమ్ శ్రీనివాస్ పేరును డైరెక్ట్ గా మెన్షన్ చేస్తూ.. తనకు అన్యాయం చేశారని, తనకు అవకాశాలు లేకుండా చేశారని పెద్ద ఎత్తున విమర్శలు గుప్పిస్తోంది. అంతేకాదు మా అసోసియేషన్ లో కూడా డైరెక్టర్ పై కంప్లైంట్ చేసినా ఎవరూ పట్టించుకోలేదని ఆవేదన వ్యక్తం చేసిన విషయం తెలిసిందే.
మరోవైపు సమాజంలో జరిగే పలు అంశాలపై స్పందిస్తూ వార్తల్లో నిలిచే ఈమె.. తాజాగా సమంత రెండో పెళ్లి పై ఇన్ డైరెక్ట్ గా కామెంట్లు చేసి అందరినీ ఆశ్చర్యపరిచింది. సమంత ఒక అహంకారి అని, సొంత గూటిని నిలబెట్టుకోవడానికి ఇతరుల కొంప కూల్చుతుంది అంటూ చేసిన కామెంట్ లు సంచలనం సృష్టిస్తున్నాయి. అసలు విషయంలోకి వెళ్తే.. గత రెండు మూడు సంవత్సరాలుగా సినీ పరిశ్రమలో రూమర్డ్ జంటగా కొనసాగుతున్న సమంత, బాలీవుడ్ డైరెక్టర్ రాజ్ నిడిమోరు రిలేషన్ లో ఉన్నారంటూ వార్తలు వచ్చిన విషయం తెలిసిందే.
అటు సమంత తన భర్త నాగచైతన్యకు విడాకులు ఇచ్చిన ఏడాది తర్వాత రాజ్ కూడా తన భార్య శ్యామలీ దేకి విడాకులు ఇచ్చారు. అప్పట్లో ఈ విషయం కూడా సంచలనం సృష్టించింది. ఇక వీరిద్దరూ ఎక్కడపడితే అక్కడ చట్టపట్టలేసుకొని తిరుగుతుంటే రాజ్ భార్య కూడా ఇండైరెక్టుగా వీరి బంధాన్ని వివరిస్తూ.. పోస్ట్లు పెడుతూ వార్తల్లో నిలిచింది.. ఇకపోతే ఎట్టకేలకు ఈరోజు ఈశా ఫౌండేషన్ దగ్గర ఉన్న అమ్మవారి గుడిలో వీరు వివాహం చేసుకున్నారు. దీంతో పలువురు సెలబ్రిటీలు ఈ జంటకు శుభాకాంక్షలు తెలియజేస్తుండగా.. పూనమ్ కౌర్ మాత్రం తన ఎక్స్ ఖాతా ద్వారా సంచలన పోస్ట్ పెట్టింది.
పూనం కౌర్ తన ఎక్స్ ఖాతా ద్వారా.."సొంత గూడు కట్టుకోవడానికి మరొకరి ఇంటిని పడగొట్టడం చాలా బాధాకరం. బలహీనమైన, నిస్సహాయ పురుషులను డబ్బుతో కొనుగోలు చేయవచ్చు. ఈ అహంకార పూరిత మహిళను పెయిడ్ పీ ఆర్ టీమ్ చాలా గొప్ప వారిగా చూపిస్తున్నారు " అంటూ పూనమ్ కౌర్ ట్వీట్ చేసింది. ప్రస్తుతం ఈ ట్వీట్ చర్చనీయాంశం అయింది. ఇకపోతే సమంత పేరు ఈమె మెన్షన్ చేయకపోయినా.. ఈమె చేసిన ట్వీట్ మాత్రం సమంత వివాహం పైనే అని స్పష్టం అవుతుంది..అంటూ నెటిజన్లు కామెంట్లు చేస్తున్నారు. ప్రస్తుతం ఈ వ్యాఖ్యలు సోషల్ మీడియాని ఊపేస్తున్న నేపథ్యంలో మరి దీనిపై సమంత అభిమానులు, అలాగే సమంత పీ ఆర్ టీమ్ ఏదైనా స్పందిస్తుందేమో చూడాలి.