ఎన్టీఆర్, నాగార్జున.. ఇంట్రెస్టింగ్ ఫైట్..!

ఆగష్టు 14న మన టాలీవుడ్ హీరోలిద్దరి మధ్య ఇంట్రెస్టింగ్ ఫైట్ జరగబోతుంది. అదేంటి వార్ 2, కూలీ మధ్య ఫైట్ మన తెలుగు హీరోల మధ్య ఎందుకు అనుకుంటే.. అందులో మన స్టార్స్ నటించడమే దీనికి కారణమని చెప్పొచ్చు. వార్ 2 లో హృతిక్ రోషన్ తో మాన్ ఆఫ్ మాసెస్ ఎన్టీఆర్ స్క్రీన్ షేర్ చేసుకున్నాడు. హృతిక్ రోషన్ ఓ పక్క ఎన్ టీ ఆర్ మాస్ స్టామినా మరోపక్క వార్ 2 కి స్పెషల్ ఎట్రాక్షన్ కానున్నాయి. వార్ 2 సినిమా ఆగష్టు 14న రిలీజ్ అవుతుంది. ఈ సినిమాలో ఎన్టీఆర్ నెగిటివ్ రోల్ లో నటిస్తాడని టాక్.

ఇక అదే రోజు వస్తున్న సూపర్ స్టార్ రజినీకాంత్ కూలీ సినిమాలో కూడా నెగిటివ్ రోల్ లో కింగ్ నాగార్జున నటిస్తున్నాడు. వార్ 2 లో తారక్, కూలీ లో నాగ్ ఇలా అనుకోకుండా ఇద్దరు నెగిటివ్ రోల్ చేయడం ఆ సినిమాలు ఒకేరోజు రిలీజ్ అవ్వడం జరుగుతుంది. ఆగష్టు 14 సినీ లవర్స్ అందరికీ కూడా ఒక స్పెషల్ ఫీస్ట్ అందించేలా ఈ మూవీస్ వస్తున్నాయి. నాగార్జున నటించడం వల్ల కూలీకి, తారక్ వల్ల వార్ 2 కి తెలుగు రెండు రాష్ట్రాల్లో సూపర్ బజ్ ఏర్పడింది.

లోకేష్ కనకరాజ్ డైరెక్ట్ చేస్తున్న కూలీ సినిమాలో బ్యాడ్ గాయ్ గా నాగార్జున నటించాడు. ఆయన్ను ఒప్పించడం కోసం లోకేష్ దాదాపు 7 సార్లు కింగ్ కి కథ వినిపించాడట. నాగార్జున విలన్ గా చేయడం పెద్ద రిస్క్ అని అనిపిస్తున్నా లోకేష్ టేకింగ్ మీద నమ్మకం ఉంది కాబట్టే అక్కినేని ఫ్యాన్స్ రిలాక్స్ గా ఉన్నారు.

ఇక వార్ 2 లో ఎన్టీఆర్ నెగిటివ్ రోల్ అయినా ఆ సినిమాకు ఆ రోలే కథను మోసే పాత్ర సో కచ్చితంగా తారక్ బాలీవుడ్ లో కూడా అదరగొట్టే ఛాన్స్ ఉంది. ఎన్టీఆర్ నటించడం వల్ల వార్ 2 కి తెలుగులో సూపర్ బజ్ ఉంది. వార్ 2 సినిమాను తెలుగు రైట్స్ సితార నాగ వంశీ తీసుకున్నారు. సినిమా ప్రీ రిలీజ్ ఈవెంట్ ఇంకా ప్రమోషన్స్ కూడా భారీగా చేస్తారని టాక్. మొత్తానికి నాగార్జున, ఎన్టీఆర్ ల వల్ల వార్ 2, కూలీ సినిమాలకు తెలుగులో ఒక రేంజ్ లో క్రేజ్ ఏర్పడింది. ఐతే ఈ రెండు సినిమాల్లో ఏది వర్క్ అవుట్ అవుతుంది అన్నది చూడాలి.