ప్రపంచంలో ఒకేలా కనిపించే నలుగురు హీరోయిన్లు
ప్రపంచంలో ఒకే పోలికలతో ఉండే వ్యక్తులను `డాప్ల్గాంగర్స్` అని పిలుస్తుంటారు. సాధారణంగా మనకు ఆలియా భట్ లాంటి డూప్ లేదా సమంత లాంటి పోలికలున్న అమ్మాయిలు సోషల్ మీడియాలో కనిపిస్తుంటారు.;
ప్రపంచంలో ఒకే పోలికలతో ఉండే వ్యక్తులను `డాప్ల్గాంగర్స్` అని పిలుస్తుంటారు. సాధారణంగా మనకు ఆలియా భట్ లాంటి డూప్ లేదా సమంత లాంటి పోలికలున్న అమ్మాయిలు సోషల్ మీడియాలో కనిపిస్తుంటారు. కానీ హాలీవుడ్లో ఏకంగా నలుగురు స్టార్ హీరోయిన్లు దాదాపు ఒకే రూపంతో కనిపిస్తూ ఇంటర్నెట్ లో సంచలనం సృష్టిస్తున్నారు. మార్గోట్ రాబీ, సమారా వీవింగ్, ఎమ్మా మాకీ, జైమ్ ప్రెస్లీ.. ఈ నలుగురిని చూసి అభిమానులు తరచుగా కన్ఫ్యూజ్ అవుతుంటారు. ఒకే పోలికతో ఇద్దరు కనిపిస్తే డాప్ల్ గాంగర్స్.. నలుగురు కనిపిస్తే క్వాడ్రపుల్స్.
ఈ నలుగురు నటీమణులు వేర్వేరు ప్రాంతాలకు చెందిన వారైనా.. వారి ముఖ కవళికలు, కళ్లు, నవ్వులో ఆశ్చర్యకరమైన పోలికలు ఉన్నాయి. ముఖ్యంగా మార్గోట్ రాబీ.. ఎమ్మా మాకీలను చూస్తే కవల పిల్లలేమో అన్నంత అనుమానం కలుగుతుంది. కొన్ని సినిమాల్లో వీరిని చూసినప్పుడు ఏ పాత్ర ఎవరు పోషించారో గుర్తుపట్టడం ప్రేక్షకులకు ఒక సవాలుగా మారుతోంది. కొన్ని యాంగిల్స్లో ఫోటోలు తీసినప్పుడు వీరి మధ్య తేడా కనిపెట్టడం అసాధ్యంగా అనిపిస్తుంది.
మన మెదడు ముఖాలను గుర్తించే విధానం వల్లే ఇలాంటి కన్ఫ్యూజన్ ఏర్పడుతుందని శాస్త్రవేత్తలు చెబుతున్నారు. మన బ్రెయిన్ ముఖంలోని చిన్న చిన్న వివరాల కంటే ఎక్కువగా పాటర్న్స్ (నమూనాలను) గుర్తిస్తుంది. ఒకే రకమైన దవడ నిర్మాణము, కళ్ల ఆకారం, జుట్టు రంగు ఉన్నప్పుడు మన మెదడు వారందరినీ ఒకే గ్రూప్గా వర్గీకరిస్తుంది. అందుకే ఈ నలుగురిలో ఒకరిని చూడగానే.. మనకు వెంటనే మిగతా ముగ్గురు గుర్తొస్తుంటారు.
సోషల్ మీడియాలో ఈ నలుగురిపై నిరంతరం చర్చ జరుగుతూనే ఉంటుంది. వీరంతా ఒకే తల్లికి.. వేర్వేరు తండ్రులకు పుట్టిన అక్కాచెల్లెళ్లలా ఉన్నారు! అని కొందరు నెటిజన్లు సరదాగా కామెంట్ చేస్తుంటే..ఇంటర్నెట్ తన కళ్లను ఒకసారి చెక్ చేయించుకోవాలి అని మరికొందరు భిన్నంగా స్పందిస్తున్నారు. ఏదేమైనా ఒకే రంగంలో ఇంతటి సమాన పోలికలున్న నలుగురు స్టార్లు ఉండటం అనేది నిజంగా అరుదైన విషయమే.
ప్రతి కొన్ని ఏళ్లకు ఒకసారి వీరి ఫోటోలు నెట్టింట వైరల్ అవుతూనే ఉన్నాయి. కేవలం మేకప్ లేదా హెయిర్ స్టైలింగ్ వల్ల మాత్రమే కాకుండా సహజంగానే వీరి రూపాలు ఒకేలా ఉండటం విశేషం. ఈ అరుదైన పోలికలు వారి కెరీర్కు కొంత వరకు ప్లస్ అయినా.. ఒక్కోసారి వారి వ్యక్తిగత గుర్తింపు విషయంలో ప్రేక్షకులను అయోమయానికి గురిచేస్తుంటాయి. ఏది ఏమైనా హాలీవుడ్ గ్లామర్ ప్రపంచంలో ఈ క్వాడ్రపుల్స్ (నలుగురు) ఒక హాట్ టాపిక్.