దెయ్యంతో ప్రేమ వెరీ ఇంట్రెస్టింగ్..!
| ఈ సినిమా దెయ్యంతో ప్రేమకథ అని తెలుస్తుంది. మోషన్ పోస్టర్ తో పాటుగా లేటెస్ట్ గా రిలీజ్ చేసిన టీజర్ తో సినిమాపై ఇంట్రెస్ట్ కలిగేలా చేశారు.
ఓ పక్క పాన్ ఇండియా పాన్ వరల్డ్ ఊగిపోయే సినిమాలతో స్టార్ హీరోలంతా కూడా సత్తా చాటుతుంటే వారికి ఏమాత్రం తగ్గకుండా కొత్త కథ కథనాలతో తెలుగు ఆడియన్స్ ని మెప్పించాలని ప్రయత్నిస్తున్నారు కొత్త దర్శకులు. అందులో భాగంగా ప్రేక్షకులను ఎమోషనల్ గా టచ్ చేసో.. యాక్షన్ తో మెప్పించో.. ఎంటర్టైన్ చేసో ఆఖరికి భయపెట్టో ఏదో ఒకలా సినిమాను హిట్ చేసుకుంటున్నారు. ప్రేక్షకుడికి నచ్చిన సినిమా అది ఎంత బడ్జెట్.. అందులో ఏ స్టార్ ఉన్నది అనవసరం. సో అలా ప్రస్తుతం టాలీవుడ్ లో కంటెంట్ ఉన్న సినిమాలకు మంచి ట్రెండ్ నడుస్తుంది.
అలాంటి మరో సరికొత్త ప్రయత్నం తో వస్తున్నాడు దిల్ రాజు ఫ్యామిలీ హీరో ఆశిష్ రెడ్డి. రౌడీ బాయ్స్ సినిమాతో తెరంగేట్రం చేసిన అతను సెకండ్ మూవీ సెల్ఫిష్ అంటూ రాబోతున్నాడు. ఈ సినిమా తర్వాత లవ్ మీ అంటూ ఓ సరికొత్త కథతో వస్తున్నాడు. నూతన దర్శకుడు అరుణ్ డైరెక్ట్ చేస్తున్న ఈ సినిమా దెయ్యంతో ప్రేమకథ అని తెలుస్తుంది. మోషన్ పోస్టర్ తో పాటుగా లేటెస్ట్ గా రిలీజ్ చేసిన టీజర్ తో సినిమాపై ఇంట్రెస్ట్ కలిగేలా చేశారు.
ఈ సినిమా గురించి నిర్మాత దిల్ రాజు మాట్లాడుతూ ఆర్య విన్నప్పుడు ఎలాంటి అనుభూతి కలిగిందో ఈ సినిమా కథ విన్నప్పుడు కూడా అదే ఫీలింగ్ వచ్చిందని అన్నారు. ఆశిష్ సరసన వైష్ణవి చైతన్య హీరోయిన్ గా నటిస్తుంది. ఇదొక న్యూ ఏజ్ లవ్ స్టోరీ.. ఇలాంటి కథాంశంతో ఇదివరకు ఏ సినిమా రాలేదు. పీసీ శ్రీరామ్ సినిమాటోగ్రఫీ, కీరవాణి మ్యూజిక్ సినిమాకు ప్రధాన ఆకర్షణగా నిలుస్తాయని అన్నారు దిల్ రాజు. వైష్ణవి లేకుంటే ఈ సినిమా ఇంత ఎంజాయ్ చేసే వాళ్లం కాదని అన్నారు.
ఇక సినిమా గురించి నేను మాట్లాడే దాని కన్నా నా సినిమా మాట్లాడాలని అనుకుంటున్నా అంటూ డైరెక్టర్ అరుణ్ అన్నారు. హీరో ఆశిష్ మాట్లాడుతూ దెయ్యమని తెలిసి ఈ సినిమాలో ఒక అమ్మాయిని ప్రేమిస్తే ఆ తర్వాత ఏమైంది అన్నది ఆసక్తికరంగా ఉంటుందని అన్నారు. ఇదొక థ్రిల్లర్ రొమాంటిక్ లవ్ స్టోరీ.. ఈ సినిమా చూస్తున్నప్పుడు కచ్చితంగా షాక్ అవుతారు.. ఒక కొత్త ప్రపంచంలోకి వెళ్తారని హీరోయిన్ వైష్ణవి చైతన్య అన్నారు.