రియల్ సీన్స్ చూసి స్టోరీ రాసిన గాంధీ.. కొరియన్ కనకరాజు ట్విస్ట్ ఇదే!
తన కథా రచన గురించి తుపాకీ న్యూస్ కి ఎక్స్క్లూజివ్ గా ఇచ్చిన ఇంటర్వ్యూలో మాట్లాడిన మేర్లపాక గాంధీ, ఏ హీరోనో లేదా క్యారెక్టర్నో మనసులో పెట్టుకుని ఈ స్క్రిప్ట్ రాయలేదని చెప్పారు.
మెగా ప్రిన్స్ వరుణ్ తేజ్, రితికా నాయక్ జంటగా దర్శకుడు మేర్లపాక గాంధీ తెరకెక్కించిన హారర్ కామెడీ చిత్రం 'కొరియన్ కనకరాజు' థియేటర్లలో రికార్డు స్థాయి వసూళ్లతో దూసుకుపోతోంది. ఆగస్టు 7న ప్రపంచవ్యాప్తంగా విడుదలైన ఈ సినిమా తొలి షో నుంచే బ్లాక్బస్టర్ టాక్ను సొంతం చేసుకుంది. ఇండో-కొరియన్ సంస్కృతుల కలయికతో రూపొందిన ఈ వినూత్నమైన కథకు అటు ప్రేక్షకులు, ఇటు విమర్శకులు బ్రహ్మరథం పడుతున్నారు. అయితే అసలు ఈ విచిత్రమైన కథాంశం వెనుక ఒక నిజజీవిత సంఘటన ఉందనే విషయాన్ని దర్శకుడు మేర్లపాక గాంధీ తాజాగా వెల్లడించారు.
బెంగళూరు రోడ్ ట్రిప్లో దొరికిన క్రేజీ ఐడియా:
తన కథా రచన గురించి తుపాకీ న్యూస్ కి ఎక్స్క్లూజివ్ గా ఇచ్చిన ఇంటర్వ్యూలో మాట్లాడిన మేర్లపాక గాంధీ, ఏ హీరోనో లేదా క్యారెక్టర్నో మనసులో పెట్టుకుని ఈ స్క్రిప్ట్ రాయలేదని చెప్పారు. ఒకసారి ఆయన బెంగళూరుకు రోడ్ ట్రిప్ వెళ్తున్న సమయంలో అనంతపురం జిల్లాలోని పెనుగొండ దాటుతుండగా అక్కడి 'కియా' కార్ల తయారీ పరిశ్రమను, దానికి అనుబంధంగా ఏర్పడిన కొరియన్ కమ్యూనిటీని చూశారట. చిన్న పట్టణంలో కొరియన్ రెస్టారెంట్లు, షాపులు, నివాసాలు కంటికి కనిపించడంతో ఆయనకు ఆ విభిన్న సంస్కృతుల సమ్మేళనం బాగా నచ్చింది.
సంస్కృతుల ఘర్షణతో పండిన వినోదం:
ఆంధ్రప్రదేశ్లోని పెనుగొండ లో కొరియన్ సంస్కృతి విస్తరించడం చూశాక, ఈ రెండు భిన్నమైన సంస్కృతులను కలిపి ఒక కల్పిత కథ రాస్తే ఎలా ఉంటుందనే ఆలోచన గాంధీకి వచ్చింది. పెనుగొండ లోకల్ కల్చర్కు, కొరియన్ పద్ధతులకు మధ్య ఉండే వైవిధ్యాన్ని హారర్, కామెడీ అంశాలతో ముడిపెట్టి స్క్రిప్ట్ డిజైన్ చేశారు. ఆ చిన్న పరిశీలనే ఈ రోజు 'కొరియన్ కనకరాజు' అనే వినోదాత్మక చిత్రంగా రూపుదిద్దుకుంది.
థియేటర్లలో నవ్వుల పండగ:
యువి క్రియేషన్స్, ఫస్ట్ ఫ్రేమ్ ఎంటర్టైన్మెంట్స్ సంయుక్తంగా నిర్మించిన ఈ చిత్రంలో కమెడియన్ సత్య తన మార్క్ టైమింగ్తో ప్రేక్షకులను కడుపుబ్బా నవ్విస్తున్నారు. అలాగే సునీల్, మురళీధర్ గౌడ్, శ్రీనివాస అవసరాల తమ పాత్రలతో మెప్పించగా, తమన్ అందించిన నేపథ్య సంగీతం ప్రతి సన్నివేశాన్ని అద్భుతంగా ఎలివేట్ చేసింది. విభిన్నమైన కాన్సెప్ట్ కావడంతో ప్రేక్షకులు థియేటర్లకు క్యూ కడుతున్నారు.
చుట్టూ ఉన్న సమాజాన్ని గమనిస్తేనే మంచి కథలు పుడతాయని ‘కొరియన్ కనకరాజు’ చూపించింది.రోడ్ ట్రిప్లో చూసిన ఒక చిన్న దృశ్యం ఆధారంగా మేర్లపాక గాంధీ రాసుకున్న ఈ వినూత్న కథ, బాక్సాఫీస్ వద్ద విజయం సాధించడమే కాకుండా టాలీవుడ్కి ఒక కొత్త తరహా హారర్ కామెడీ అనుభూతిని అందించింది.