కీర్తి సురేష్ బోల్డ్ రిప్లై.. కెరీర్‌పై కామెంట్స్‌కు ఫుల్ స్టాప్!

నేచురల్ స్టార్ నాని నటిస్తున్న భారీ చిత్రం 'ది ప్యారడైజ్'లో కీర్తి సురేష్ ఒక ప్రత్యేక డ్యాన్స్ నంబర్ చేస్తోందని, మంచి ఆఫర్లు లేకపోవడం వల్లే ఈ నిర్ణయం తీసుకుందంటూ సోషల్ మీడియాలో ట్రోల్స్ వచ్చాయి. అయితే, ఈ వార్తలపై సీరియస్ అవ్వకుండా కీర్తి సురేష్ చాలా చాకచక్యంగా, హ్యూమరస్ స్టైల్‌లో తమిళంలో ఇచ్చిన కౌంటర్ రిప్లై ఇప్పుడు నెట్టింట బాగా వైరల్ అవుతోంది. తన కెరీర్‌పై వచ్చిన అసత్య ప్రచారాలకు ఆమె చెప్పిన ఈ చిన్న దిద్దుబాటుతో ట్రోలర్ల నోళ్లు మూతపడ్డాయి..ఆ వివరాలు చూద్దాం..

రూమర్లతో మొదలైన విమర్శల రచ్చ:

నాని 'ది ప్యారడైజ్' సినిమాలో కీర్తి సురేష్ ఐటమ్ సాంగ్ చేస్తోందంటూ కొన్ని వార్తలు హల్‌చల్ చేశాయి. దీని ఆధారంగా ఓ నెటిజన్ ఇన్స్టాగ్రామ్ వీడియో చేస్తూ.. కీర్తికి సరైన అవకాశాలు లేకపోవడం వల్లే ఇలాంటి పాటలు చేస్తోందని విమర్శించింది. అంతేకాకుండా, ఈ నాని సినిమాను తెలుగు అనడానికి బదులు కన్నడ సినిమా అంటూ పొరపాటుగా వ్యాఖ్యానించింది.

కీర్తి సురేష్ సెటైరికల్ కౌంటర్:

ఈ విమర్శలకు పెద్దగా క్లారిటీలు ఇస్తూ సమయం వృధా చేయకుండా కీర్తి సురేష్ చాలా సింపుల్‌గా రిప్లై ఇచ్చింది. "వేరే లెవల్ పొంగ! చిన్న కరెక్షన్.. నాని నటిస్తున్నది తెలుగు సినిమా, కన్నడ కాదు" అని తమిళంలో కామెంట్ పెట్టింది. ఇక ఆమె ఇచ్చిన ఈ సెటైరికల్ కౌంటర్‌కు ఫ్యాన్స్ ఫిదా అయిపోయి, నవ్వుల ఎమోజీలతో సోషల్ మీడియాను ఊపేస్తున్నారు.

నాని-కీర్తి సురేష్ క్రేజీ కాంబినేషన్:

నాని, కీర్తి సురేష్ ల మధ్య మంచి స్నేహం ఉంది. గతంలో వీరిద్దరూ కలిసి నటించిన 'నేను లోకల్' (2017), 'దసరా' (2023) సినిమాలు బాక్సాఫీస్ వద్ద సూపర్ హిట్ అయ్యావు. శ్రీకాంత్ ఓదెల దర్శకత్వంలో వస్తున్న 'ది ప్యారడైజ్' టీజర్‌లో కీర్తికి సంబంధించిన ఎలాంటి హింట్ లేకపోయినా, ఈ సినిమాలో ఆమె భాగమయ్యే అవకాశం ఉందనే వార్తలు మాత్రం గట్టిగానే వినిపిస్తున్నాయి.

చేతినిండా బిజీ ప్రాజెక్టులతో కీర్తి:

ఛాన్సులు లేకే ఐటమ్ సాంగ్ చేస్తోందన్న కామెంట్లకు చెక్ పెడుతూ, కీర్తి ప్రస్తుతం వరస ప్రాజెక్టులతో ఎంతో బిజీగా ఉంది. ఇక కార్తీక్ సుబ్బరాజు ‘డోరోతీ’, విజయ్ దేవరకొండతో ‘రౌడీ జనార్దన’, అలాగే వెంకటేష్, కళ్యాణ్ రామ్ లతో అనిల్ రావిపూడి సినిమాతో పాటు మరిన్ని తమిళ చిత్రాల్లో నటిస్తూ ఫుల్ డిమాండ్‌లో ఉంది.

ట్రోలర్లకు సరైన సమాధానం:

తన కెరీర్ పట్ల పూర్తి స్పష్టతతో ఉన్న కీర్తి సురేష్, ఇలాంటి రూమర్లను లైట్ తీసుకుంటూనే తెలివిగా సమాధానం చెప్పడం అభిమానులను ఆకట్టుకుంది. ఇక తన సినిమాలతో ఎప్పటికప్పుడు ఆడియన్స్‌ను మెప్పిస్తున్న కీర్తి, రాబోయే ప్రాజెక్టులతో బాక్సాఫీస్ వద్ద ఎలాంటి విజయాన్ని అందుకుంటుందో చూడాలి.