ది ప్యారడైజ్.. సుబ్బలక్ష్మి వచ్చేసింది

నేచురల్ స్టార్ నాని, శ్రీకాంత్ ఓదెల కాంబినేషన్ లో రూపొందుతున్న ‘ది ప్యారడైజ్’ సినిమాపై అంచనాలు భారీగా ఉన్నాయి. ‘దసరా’ వంటి బ్లాక్ బస్టర్ తర్వాత వీరిద్దరూ మళ్ళీ కలుస్తుండడంతో ఈ సినిమాపై అందరి ఫోకస్ నెలకొంది. ఇప్పటికే నాని మాస్ మేకోవర్, ‘ఆయా షేర్’ సాంగ్ తో సినిమా స్థాయి ఏంటో అర్థమైంది. ఇక లేటెస్ట్ గా చిత్ర యూనిట్ ఈ సినిమాలో హీరోయిన్ గా నటిస్తున్న కాయదు లోహర్ ఫస్ట్ లుక్ ను విడుదల చేసింది. ఈ రోజు ఆమె పుట్టినరోజు సందర్భంగా మేకర్స్ ఈ ప్రత్యేక పోస్టర్ తో సర్ప్రైజ్ ఇచ్చారు.

ఫస్ట్ లుక్ పోస్టర్ లో లోహర్ లుక్ చాలా నేచురల్ గా ఉంది. ఆమె పాత్ర పేరు సుబ్బలక్ష్మి అని మేకర్స్ వెల్లడించారు. కథ ప్రకారం ఆమె ఒక సాధారణ మధ్యతరగతి యువతిగా కనిపిస్తున్నట్లు అర్థమవుతోంది. గుబురు గడ్డం, మాస్ లుక్ లో ఉన్న నాని పక్కన ఆమె చాలా కూల్ గా, పక్కింటి అమ్మాయి తరహాలో కనిపిస్తోంది. పాతకాలపు డ్రెస్సింగ్ స్టైల్ తో ఆమె మేకోవర్ చాలా పర్ఫెక్ట్ గా కుదిరింది. “వెండితెరపై వెలగని తార” అనే క్యాప్షన్ తో ఆమె పాత్రపై మరింత క్యూరియాసిటీ పెంచారు.

‘ది ప్యారడైజ్’ షూటింగ్ ఇప్పటికే ముగింపు దశకు చేరుకుంది. సినిమా మేజర్ పార్ట్ చిత్రీకరణ పూర్తి చేసుకుని, ప్రస్తుతం ప్యాచ్ వర్క్ పనులలో ఉంది. సాధారణంగా పెద్ద సినిమాల విషయంలో హీరోయిన్ ఫస్ట్ లుక్ ను చాలా ముందే విడుదల చేస్తుంటారు. కానీ ఈ చిత్రం విషయంలో మేకర్స్ డిఫరెంట్ స్ట్రాటజీని ఫాలో అయ్యారు. షూటింగ్ దాదాపు పూర్తయ్యే తరుణంలో హీరోయిన్ ను పరిచయం చేయడం విశేషం.

శ్రీకాంత్ ఓదెల సినిమాల్లో హీరోయిన్ పాత్రలకు కూడా మంచి ప్రాధాన్యత ఉంటుంది. దసరాలో కీర్తి సురేష్ పోషించిన వెన్నెల పాత్ర ఎంతటి ఇంపాక్ట్ క్రియేట్ చేసిందో మనకు తెలుసు. ఇప్పుడు సుబ్బలక్ష్మి పాత్ర కూడా అదే స్థాయిలో బలంగా ఉంటుందని చెప్పవచ్చు. ఐవీ లోహర్ తన నటనతో ఈ పాత్రకు ప్రాణం పోస్తుందని చిత్ర యూనిట్ నమ్ముతోంది. అనిరుధ్ రవిచందర్ సంగీతం ఈ సినిమాకు మరో పెద్ద బలం అని చెప్పొచ్చు.

ఈ సినిమా విడుదల తేదీ విషయంలో కొంత కన్ఫ్యూజన్ ఉండగా ఆ విషయంలో మరో క్లారిటీ ఇచ్చారు. ఆగస్టు 21న ప్రపంచవ్యాప్తంగా ‘ది ప్యారడైజ్’ గ్రాండ్ గా విడుదల కాబోతోంది. పాన్ ఇండియా స్థాయిలో రూపొందుతున్న ఈ రివెంజ్ డ్రామాలో మోహన్ బాబు, రాఘవ్ జుయల్, సోనాలి కుల్కర్ణి, సంపూర్ణేష్ బాబు వంటి ప్రముఖ నటీనటులు కీలక పాత్రలు పోషిస్తున్నారు. ఎస్ఎల్వీ సినిమాస్ బ్యానర్ పై సుధాకర్ చెరుకూరి ఈ చిత్రాన్ని నిర్మిస్తున్నారు.

నాని తన ఇమేజ్ ను మరో మెట్టు ఎక్కించే ప్రయత్నంలో భాగంగా ఈ సినిమాపై పూర్తి ఫోకస్ పెట్టారు. ఇక ‘ద ప్యారడైజ్’ నుంచి సుబ్బలక్ష్మి ఎంట్రీతో సినిమా ప్రమోషన్లలో స్పీడ్ పెంచారు. నాని రగ్గడ్ మాస్ లుక్ కు, లోహర్ క్లాస్ లుక్ కు మధ్య ఉండే కాంట్రాస్ట్ సినిమాకు ప్లస్ అవుతుందని విశ్లేషకులు భావిస్తున్నారు. ఆగస్టు 21న బాక్సాఫీస్ వద్ద ఈ జంట ఎలాంటి సంచలనాలు సృష్టిస్తుందో చూడాలి.