కల్కి 2898AD: యూఎస్ లో ఊచకోత అగట్లేదుగా..

మరోసారి డార్లింగ్ ప్రభాస్ ఓవర్సీస్ రారాజు అనిపించుకుంటున్నాడు. కలెక్షన్స్ పరంగా తన మార్కెట్ ని ఎవరూ టచ్ చేయలేరని ప్రూవ్ చేసుకున్నాడు. ఎప్పుడైనా తన రికార్డ్ ని మళ్ళీ తాను మాత్రమే బ్రేక్ చేయగలనని కల్కి 2898ఏడీ మూవీ తో ప్రభాస్ నిరూపించుకున్నాడు. జూన్ 26న స్పెషల్ ప్రీమియర్ షోలతో నార్త్ అమెరికాలో కల్కి మూవీ ప్రేక్షకుల ముందుకి రాబోతోంది.

భారీ అంచనాల మధ్యలో థియేటర్స్ లోకి వస్తోన్న ఈ సినిమా అడ్వాన్స్ బుకింగ్స్ ని రెండు వారాలు ముందుగానే నార్త్ అమెరికాలో ఓపెన్ చేశారు. ప్రేక్షకుల నుంచి కూడా ఈ సినిమా టికెట్స్ కి మంచి స్పందన వచ్చింది. ఇప్పటి వరకు ఈ మూవీ కేవలం అడ్వాన్స్ బుకింగ్స్ ద్వారా ఇప్పటి వరకు 4 మిలియన్ డాలర్స్ కలెక్షన్స్ ని రాబట్టింది. ఒక్క నార్త్ అమెరికాలోనే 4 మిలియన్ డాలర్స్ వచ్చాయంటే యూకే, అరబిక్ కంట్రీస్ మిగిలిన ఓవర్సీస్ మార్కెట్ లో కలెక్షన్స్ అడ్వాన్స్ బుకింగ్ కలెక్షన్స్ ఇంకా ఎక్కువ వచ్చి ఉంటాయని భావిస్తున్నారు.

నార్త్ ఇండియాలో ప్రీరిలీజ్ కలెక్షన్స్ పరంగా కల్కి మూవీ ఇండియన్ బాక్సాఫీస్ హిస్టరీలో బెంచ్ మార్క్ క్రియేట్ చేసిందనే మాట ట్రేడ్ వర్గాల నుంచి వినిపిస్తోంది. అలాగే అత్యంత వేగంగా 1 మిలియన్ డాలర్స్ ప్రీరిలీజ్ కలెక్షన్స్ అందుకున్న మూవీగా కల్కి నిలిచింది. ప్రీమియర్ షోలకి లక్ష టికెట్స్ అమ్ముడైన మొట్టమొదటి ఇండియన్ సినిమాగా మరో అరుదైన ఘనతని కల్కి సొంతం చేసుకుంది. అలాగే ప్రీమియర్ షో ద్వారా 1.3 మిలియన్ డాలర్స్ కలెక్షన్స్ ని కల్కి 2898ఏడీ అందుకుంది.

ఎవరి అంచనాలకి అందకుండా వచ్చిన కల్కి మూవీ మీద నెల రోజుల వ్యవధిలోనే ఊహించని స్థాయిలో హైప్ క్రియేట్ అయ్యింది. టీమ్ ప్రమోషన్ స్ట్రాటజీ, మూవీ నుంచి వచ్చిన ట్రైలర్స్ తోనే పబ్లిక్ నుంచి అద్భుతమైన రెస్పాన్స్ వస్తోంది. ఓవర్సీస్ మార్కెట్ లో కల్కి మూవీ కలెక్షన్స్ పరంగా వండర్స్ క్రియేట్ చేస్తుందనే మాట ఇప్పుడు వినిపిస్తోంది. ఇప్పటికే మొదటి మూడు రోజులకి టికెట్స్ బుక్ అయిపోయాయంట.

ఏ మాత్రం పాజిటివ్ టాక్ వచ్చిన కచ్చితంగా 10 మిలియన్ డాలర్స్ కలెక్షన్స్ ఓవర్సీస్ లో కల్కి మూవీ అందుకునే అవకాశం ఉందని ట్రేడ్ వర్గాలు అంటున్నాయి. ఇంగ్లీష్ వెర్షన్ కూడా రిలీజ్ అవుతోన్న నేపథ్యంలో కచ్చితంగా హాలీవుడ్ మేకర్స్ సైతం కల్కి 2898ఏడీ సినిమా పై రెస్పాండ్ అయ్యే అవకాశం ఉంటుందని సినీ విశ్లేషకులు అంటున్నారు.