సూపర్ స్టార్‌ వారసుడి సడెన్ సర్‌ప్రైజ్‌..!

ఇండస్ట్రీ ఏదైనా వారసులు ఎంట్రీ ఇవ్వడం చాలా కామన్ విషయం. బాలీవుడ్‌ లో ఇప్పటి వరకు ఎంతో మంది వారసులు ఎంట్రీ ఇచ్చిన విషయం తెల్సిందే. ప్రస్తుతం బాలీవుడ్‌ సూపర్‌ స్టార్‌ అమీర్ ఖాన్‌ తనయుడు జునైద్‌ ఖాన్‌ హీరోగా ఎంట్రీ ఇచ్చేందుకు రెడీ అవుతున్నాడు.

చాలా రోజులుగా జునైద్ ఖాన్ సినిమా 'ఏక్‌ దిన్‌' కి సంబంధించిన వార్తలు వస్తున్నాయి. సాయి పల్లవి హీరోయిన్ గా నటిస్తున్న ఈ సినిమా షూటింగ్‌ ఆ మధ్య జపాన్‌ లో జరిగింది. అందుకు సంబంధించిన వర్కింగ్‌ స్టిల్స్ బయటకు రావడం తో పాటు, సినిమా గురించి అనేక విషయాలు ప్రచారం జరిగాయి.

జునైద్‌ ఖాన్‌ తెరంగేట్రం 'ఏక్‌ దిన్‌' సినిమాతో అనుకుంటున్న సమయంలో అనూహ్యంగా, సడెన్‌ సర్‌ప్రైజ్ అన్నట్లుగా 'మహారాజ్‌' అనే సినిమాతో ప్రేక్షకుల ముందుకు రాబోతున్నాడు. భారీ బడ్జెట్‌ తో పీరియాడిక్ బ్యాక్ డ్రాప్ తో రూపొందిన ఈ సినిమా ను డైరెక్ట్‌ గా నెట్‌ ఫ్లిక్స్ ద్వారా జూన్ 14న విడుదల చేయబోతున్నారు.

షాలినీ పాండే, జైదీప్‌ అహ్లావత్‌ మరియు శర్వరి లు కీలక పాత్రలో నటించారు. 19వ శతాబ్దపు నిజ జీవిత సంఘటనల ఆధారంగా రూపొందిన ఈ సినిమా లో జునైద్‌ ఖాన్‌ ను విభిన్నమైన లుక్ లో చూడబోతున్నామని ఇప్పటికే విడుదల అయిన పోస్టర్‌ ను చూస్తే అర్థం అవుతుంది.

ఆడవారిపై జరిగే అఘాయిత్యాల గురించి వెలికి తీసే జర్నలిస్ట్‌ పాత్రలో జునైద్‌ ను చూడబోతున్నాం. అన్ని వర్గాల ప్రేక్షకులను మరియు ఇండస్ట్రీ వర్గాల దృష్టిని ఆకర్షిస్తున్న మహారాజ్ పోస్టర్ సినిమాపై అంచనాలు పెంచుతుంది. ఏక్‌ దిన్ కు ముందు రాబోతున్న ఈ సినిమా జునైద్‌ ఖాన్‌ కి ఎలాంటి ఫలితాన్ని ఇస్తుంది అనేది చూడాలి.