గుంటూరు కారం కొత్త పోస్టర్స్​ కన్ఫ్యూజన్​.. ఒక్క రాత్రిలోనే

సూపర్ స్టార్ మహేశ్​ బాబు నేడు(ఆగస్ట్​ 9) పుట్టినరోజు సందర్భంగా సోషల్​మీడియాలో అంతా ఆయనదే హవా కనిపిస్తోంది. అభిమానులంతా ఆయన కొత్త సినిమాకు సంబంధించిన పోస్టర్లు, హ్యాష్​ ట్యాగ్​ను ట్రెండ్ చేస్తూ విషెస్ తెలుపుతూనే ఉన్నారు. అయితే ఈ క్రమంలోనే 'గుంటూరు కారం' మూవీటీమ్​ కూడా అర్ధరాత్రి ఓ పోస్టర్​ను ఉదయం అయ్యాక ఓ పోస్టర్​ను విడుదల చేసింది. దీంతో ఇప్పుటికే కన్ఫూజన్​లో ఉన్న అభిమానులను, సినీ ప్రియులను మరింత కన్ఫ్యూజన్​లో పడేసింది.

మొదటి పోస్టర్​లో మహేశ్​.. లుంగీ కట్టి, కళ్ళజోడు పెట్టి, బీడీ కాలుస్తున్న మాసీ స్టిల్​ను విడుదల చేసింది. దీంతో చాలా రోజులుగా ప్రశ్నగా మిగిలి ఉన్న రెండు సమాధానాలు క్లారిటీ చేసింది. సంగీత దర్శకుడుగా ఉన్న తమన్​, సినిమాటోగ్రాఫర్ పీఎస్ వినోద్​ను తప్పించారని వారి స్థానాల్లో కొత్త సినిమా టోగ్రాఫర్​గా రవి కె. చంద్రన్, మ్యూజిక్ డైరెక్టర్​గా ఇతర వ్యక్తుల పేర్లు వినిపించాయి. కానీ ఈ మొదటి పోస్టర్​లో తమన్​, పీఎస్ వినోద్ పేర్లే ఉన్నాయి. దీంతో ఈ ఇద్దరు ఎక్కడికి వెళ్లలేదని ఇంకా గుంటూరు కారం సినిమా కోసమే పనిచేస్తున్నారని ఓ క్లారిటీ వచ్చింది.

కానీ ఈ క్లారిటీ ఎక్కువ సేపు ఉండలేదు. అమ్మయ్య ఎన్నో రోజులుగా మెదులుతున్న ప్రశ్నలకు సమాధానం వచ్చిందనే లోపే.. కొత్త పోస్టర్​తో మళ్లీ కన్ఫ్యూజన్​లో పడేసింది మూవీటీమ్​. రెండో పోస్టర్​లో తలకు ఎర్ర బ్యాండ్​ ఎర్ర షర్ట్​ లోపల బ్లాక్ కలర్ నెక్​ బనీయన్​లో మాస్​ లుక్​లో కనిపించారు మహేశ్​. అయితే ఈ పోస్టర్​లో తమన్ పేరు ఉంచింది కానీ సినిమాటోగ్రాఫర్ పీఎస్ వినోద్​ పేరు కనిపించలేదు. దీంతో మళ్లీ నెటిజన్లు అభిమానులు కన్ఫ్యూజన్​లోకి వెళ్లిపోయారు.

మూవీటీమ్​కు మళ్లీ ఏమైంది? పోస్టర్​ను సినిమాట్రోగ్రాఫర్ పేరు లేకుండానే ఎందుకు డిజైన్ చేసిందంటూ చర్చించుకోవడం ప్రారంభించారు. దీంతో మళ్లీ పాత్ర ప్రచారమే తెరపైకి వచ్చింది. ప్రస్తుతం ఆగిపోయి ఉన్న గుంటూరు కారం షూట్​ ఆగస్ట్ 16నుంచి ప్రారంభం కానుందని, ఈలోగా కొత్త సినిమాటోగ్రాఫర్​ను ఫైనలైజ్ చేసి షూట్ ప్రారంభిస్తారని అని అంటున్నారు. మహేశ్​ 20 నుంచి సెట్స్​లోకి అడుగుపెడతారని చెబుతున్నారు.

చూడాలి మరి నిజంగానే పీఎస్ వినోద్​ సినిమా నుంచి తప్పుకున్నారా? లేదంటే ప్రస్తుతం ఆయనే కొనసాగాలా వద్దా అనే చర్చలు జరుగుతున్నాయా? కొత్త సినిమాటోగ్రాఫర్​ వస్తారా? అనేది చూడాలి. ఇకపోతే ఈ సినిమా విషయానికొస్తే.. సినిమా అనౌన్స్​ మెంట్​ నుంచే షూటింగ్ అండ్ కాస్ట్​ విషయంలో ఎన్నో సమస్యలను ఎదుర్కొంటోంది. ఇక ఈ చిత్రంలో మొదటగా పూజాహెగ్డేను సెలెక్ట్​ చేసి ఆ తర్వాత శ్రీలీలను మెయిన్ హీరోయిన్ చేశారు. మీనాక్షి చౌదరిని రెండో హీరోయిన్​గా ఎంపిక చేశారు.