విశ్వం.. పెళ్లిలో గోపిచంద్ బుల్లెట్ల మోత!

యాక్షన్ హీరోగా తనకంటూ ఒక ప్రత్యేకమైన గుర్తింపును అందుకున్న గోపీచంద్ చాలా కాలంగా సక్సెస్ లేక సతమతమవుతున్నాడు. అతను బాక్స్ ఆఫీస్ వద్ద సాలిడ్ సక్సెస్ అందుకొని చాలా కాలం అయింది. చివరగా వచ్చిన బీమా సినిమా కాస్త పరవాలేదు అనిపించినప్పటికీ కమర్షియల్ గా మాత్రం పూర్తి స్థాయిలో లాభాలను అందించలేకపోయింది.

ఇక ఇప్పుడు ఎలాగైనా సక్సెస్ అందుకోవాలి అని సీనియర్ డైరెక్టర్ శ్రీనువైట్ల తో గోపీచంద్ ఒక సినిమా చేస్తున్నాడు. చాలా రోజులుగా విదేశాల్లో షూటింగ్ జరుపుకున్న ఈ సినిమా షూటింగ్ దాదాపు చివరి దశకు చేరుకుంది. ఈ సినిమా డైరెక్టర్ శ్రీనువైట్లకు కూడా ఈ మూవీ చాలా కీలకం కానుంది. ఎందుకంటే చాలా కాలంగా ఆయన కూడా సక్సెస్ చూడలేదు.

కాబట్టి ఈ సినిమాతో ఈ కాంబినేషన్ తప్పనిసరిగా మంచి హిట్ కొట్టాల్సిన అవసరం ఉంది. ఇక సినిమా ఫస్ట్ స్ట్రైక్ అంటూ ఒక టీజర్ విడుదల చేశారు. విశ్వం అనే టైటిల్ తో రూపొందుతున్న ఈ సినిమా టీజర్ లో గోపీచంద్ గతంలో ఎప్పుడు లేనంత డిఫరెంట్ క్యారెక్టర్ తో కనిపించబోతున్నట్లు ఇదివరకే దర్శకుడు వివరణ ఇచ్చాడు. ఇక ఈ ఫస్ట్ స్ట్రైక్ లో గోపీచంద్ ఒక గన్నుతో పెళ్లిలోకి వెళ్లి అక్కడ అందర్నీ చంపేసిన విధానం ఆశ్చర్యాన్ని కలిగిస్తుంది.

అందరూ సంతోషంగా పెళ్లి చేసుకుంటున్న సమయంలో గోపీచంద్ ఎందుకు వారందరిపై బుల్లెట్ల వర్షం కురిపించాడు అనేది సినిమా చూస్తే కానీ అర్థం కాదు. ఒకవేళ అతను ఇందులో సీరియల్ కిల్లరా? లేదంటే దీని వెనక ఏదైనా బలమైన కారణం ఉందా? అంతేకాకుండా గోపీచంద్ నెగటివ్ షెడ్ లో కూడా కనిపిస్తున్నాడా అనే డౌట్స్ కూడా క్రియేట్ చేశారు.

గోపీచంద్ మొదట విలన్ గానే క్లిక్కయ్యాడు. ఆ తర్వాత హీరోగా పలు సినిమాలతో మంచి క్రేజ్ అందుకున్నాడు. ఇక శ్రీనువైట్ల ఈసారి విశ్వంలో ఎలా ప్రజెంట్ చేస్తాడో చూడాలి. మొత్తానికి ఈ ఫస్ట్ లుక్ స్ట్రైక్ అయితే బాగానే హైలెట్ అయింది. పీపుల్స్ మీడియా ఫ్యాక్టరీ ఈ సినిమాను నిర్మిస్తోంది. ఒక కావ్య థాపర్ మెయిన్ హీరోయిన్ గా నటిస్తోంది. మరి సినిమా అంచనాలకు తగ్గట్టుగా ఆకట్టుకుంటుందో లేదో చూడాలి.