ఆ టైమ్ లో డబ్బులు టైట్ ఉంటే ఆయన ఇచ్చారు: విజయ్ దేవరకొండ

రౌడీ స్టార్ విజయ్ దేవరకొండ దిల్ రాజు ప్రొడక్షన్లో చేసిన మొదటి చిత్రం ఫ్యామిలీ స్టార్ ఈనెల 5వ తేదీన గ్రాండ్ గా విడుదలకు కాబోతున్న విషయం తెలిసిందే. గీత గోవిందం లాంటి సినిమా తర్వాత విజయ్ పరుశురామ్ దర్శకత్వంలో చేస్తున్న సినిమా ఇదే కావడం విశేషం. దీంతో ఈ సినిమాపై ముందుగానే పాజిటివ్ వైబ్రేషన్స్ క్రియేట్ అయ్యాయి.

ఇక సినిమాలోని పాటలు టీజర్ అలాగే ట్రైలర్ కూడా మరింత హైప్ క్రియేట్ చేశాయి. మొత్తానికే సినిమా ప్రమోషన్స్ తో కూడా మంచి అంచనాలను క్రియేట్ చేసుకుంది. ఇక ఫ్యామిలీ స్టార్ సినిమా ప్రమోషన్ ఈవెంట్ lo మేకర్స్ సినిమాలోని అనేక రకాల విషయాలను తెలియజేశారు. అలాగే విజయ్ దేవరకొండ తన పర్సనల్ లైఫ్ లోని మరికొన్ని విషయాలను కూడా తెలియజేశాడు.

తన ఆర్థిక పరిస్థితుల గురించి కూడా చెప్పాడు. ఒకానొక టైం లో హీరోగా చేసిన తర్వాత కూడా కొన్నిసార్లు డబ్బులు ఉండేవి కావు అని ఆ టైంలో వేరొకరిని అడగాల్సి వచ్చింది అని వివరణ ఇచ్చాడు. ముఖ్యంగా కోవిడ్ టైమ్ లో నాకు డబ్బులు టైట్ ఉంటే అప్పుడే దిల్ రాజు గారు బ్యాక్ టు బ్యాక్ కథలు పంపిస్తున్నారు. అయితే ఆ టైంలో స్క్రిప్టులు కాదు ముందు కొన్ని డబ్బులు ఉంటే ఇవ్వండి అని చాలా టైట్ గా ఉంది అని నేనే స్వయంగా అడిగాను.

అలా అడగ్గానే దిల్ రాజు గారు వెంటనే కొన్ని డబ్బులు ఇచ్చారు అని విజయ్ దేవరకొండ తెలియజేశాడు. సాధారణంగా దిల్ రాజు అయితే ముందుగానే ఏ హీరోకి కూడా అడ్వాన్స్ ఇవ్వడు. స్క్రిప్ట్ ఓకే అయితేనే హీరో కైనా దర్శకుడు కైనా అడ్వాన్స్ ఇస్తాడు. ఈ విషయం ఇండస్ట్రీలో అందరికీ తెలుసు. ఇక విజయ్ దేవరకొండ అలా అడగగానే దిల్ రాజు ఇచ్చేశారట.

విజయ్ చెప్పిన ఆ విషయాన్ని దిల్ రాజు అంగీకరిస్తూ ఆ టైంలో విజయ్ అడగగానే ఇచ్చేసాను అని అందులో పెద్దగా ఆలోచించలేదని అన్నాడు. ఇక ఇలాంటి మంచి హీరోతో సినిమా చేస్తున్నందుకు చాలా హ్యాపీగా ఉంది.. మంచి బాండింగ్ తో సినిమా కొనసాగింది అని అన్నారు. అలాగే విజయ్ తో మరో రెండు సినిమాలు చేయడానికి కూడా అగ్రిమెంట్ చేసుకున్నట్లు దిల్ రాజు వివరణ ఇచ్చాడు.